عايز ملاك الجين تو يساعدوني في الاختيار

**amir** · 28-04-2009 04:27 PM

شباب المنتدي
انا معايا صني 2007 و خدت القرار جديا في بيعها لأسباب معينه
المهم
كنت بفكر في اختيارين اتنين و عايز مساعده منكم و نصائح صادقه
متطلباتي كالتالي:
1-قطع غيار مش غاليه قوي بالنسبه للاساسيات انما فوانيس و حاجات تانيه اللي بتتغير في الحوادث مش مشكله لأنها مبتتغيرش الا كل فين و فين و بيبقي في بدائل ليها ما بين اصلي و انواع اخري
2- توفير في استهلاك البنزين, عايز العربيه تخاصم محطات البنزين شويه
3- تكاليف الصيانه الدوريه و المصنعيات متكونش غاليه و امكانيه عمل الصيانات الدوريه خارج التوكيل ان استلزم الامر

و علي اساس الشروط دي فكرت في البونتو كلاسيك و الجين تو
انا عارف ان فرق السعر بيميل الي البونتو خصوصا بعد العرض اللي عاملينه
البونتو من جوه تابلوه و شكل جميل
الجين تو عاجباني قوي من بره كشكل و التابلوه من جوه برضو و ان كانت الخامات كما قال الاخ العزيز احمد صيام لازال عليها لوم شويه انما مش مشكله قوي
بالمناسبه الاختيارات مانيوال و كفايه اوتوماتك عليا انا شبعت منه و واحشني سواقه المانيوال قوي
فياريت تشاركوني القرار

**amir** · 28-04-2009 10:20 PM

المشاركة الأصلية كتبت بواسطة ahmedsiyam

طبعا قطع غيارها غالية الى حد ما و لو لقيتها بره موش هاتبقى بنفس المستوى

اى عربية 1600 هتاكل بنزين

العربية دى لو عملتها بره التوكيل هاتتعب و الوحيدة اللى تعملها بره التوكيل و انت فى بطنك بطيخة صيفى هى الهيونداى
وعموما اى توكيل غالى و مبالغ فى مصنعياته موش عزالعرب بس

انا موش باقولك ماتجيبش جين2 بالعكس هى العربية حلوة فى فيها كماليات و مميزات كتير بس انا حبيت ارد على النقط اللى انت طلبتها تكون موجودة فى عربيتك المستقبلية

تقبل تحياتى يا دكترة

و الله انا معاك فعلا كلامك صح في موضوع ان كل ال 1600 بتبقي مستهلكه اكتر في البنزين جوه البلد ( زي ما قلتلي قبل كده فعلا) لكن الاخ توت (اللي محدش يعرف اسمه ايه اساسا:k45:) كان اتكلم في استهلاك الجين تو مانيوال للبنزين و وضح انه بطريقه سواقه عاقله استهلاك الجين تو بيبقي رائع و يكاد يكون مقارب للبونتو
و علشان كده انا حاطط العربتين كأختيار ليا خاصه ان الماتور الجديد ذو الفلتر الرشيد احسن في استهلاك البنزين عن سابقه

**MohabSaeed** · 29-04-2009 12:32 AM

طبعا انا مش من مُلاك الجين2 ف مش حقدر افيد حضرتك عن الجين 2 تحديدا .
لكن الى اقدر افيدك فيه ان اسعار الصيانه عموما عند عز العرب .... خرافيه , بالمقارنه مثلا مع كيا و ميتسوبيشى !! , ده غير محدوديه مراكز الخدمه فى ابو رواش و مركز العجوزه مع استبعاد امير و جوزيف " الى من رأيى المتواضع انهم دون المستوى " .
* بالنسبه للصيانه الدوريه ف بالتأكيد ممكن تعملها بره الجين 2 مش عريبه معقده ( مش زى الميجان مثلا ) , بس اعتقد ده حيكون على حساب فقدان الضمان ...
من الاساس مافيش حد معاه عربيه بروتون بأى موديل معديه ال60,000 كيلو او 3 سنوات بيعتب بوابه التوكيل علاشان يعمل صيانه ؟ " اسأل مجرب " .
ايه الحكمه انى ادفع 270 جنيه علاشان اغير زيت و فلتر كل 5000 كيلو و اقعد فى التوكيل 4 ساعات فى حين انى ممكن اعمل الموضوع فى محطه البنزين ب 125 جنيه فى 15 دقيقه و عربيتى تبقى قدام عينى . بس طبعا بما ان حضرتك حتجيب زيرو فانتا ملزم باتباع الصيانه الدوريه فى التوكيل علاشان الضمان " مجبر اخاك ..... "

الجين 2 كعربيه عربيه جميله جدا و فيها مميزات كتير , و سعرها ممتاز و تصميمها ثورى , بس ... ! انتا و حظك فى عيوب التقفيل , و ماتتوقعش الكتير من التوكيل لانه نوعا ما متواضع , و ماشى بسياسه غلط من الاساس ف بنوصل لنتيجه عدم رضائنا " العميل " عن مستوى الخدمه المقدمه .

* عاوز اسألك ليه محطتش الجراند بونتو " بدل البونتو كلاسك " فى حساباتك .. خصوصا انها قريبه من تمن الجين 2 ؟

**tutankhamoun** · 29-04-2009 06:58 AM

السلام عليكم و رحمة الله و بركاته
و تحياتي لكل من شارك في الموضوع لافادة الدكتور أمير ...

بُص ياباشا بأختصار
فيه فرق بين الجين 2 و بين البونتو ............. فرق جوهري
و هو حجم العربية و قوة الموتور ......

البونتو ......... توفيرها رهيب في البنزين لأن العربية موتورها صغير و مفيش مجال كبير للحرق عليه .

إنما الجين 2 موتورها كبير و العربية تقيلة و راسية قوي في السفر .
و دي أهم مميزاتها .
في السفر و الطرق المفتوحة .............. ملهاش حل .

إنما لو حضرتك مش بتسافر كتير .......... و أغلب استهلاكك جوه البلد
أيه اللي يخليك تجيب عربية 1600 ؟؟؟؟؟؟؟ لو بتدور على توفير البنزين و ده عندك حق فيه .
عموما الإستهلاك كالتالي في العربيتين

سرعة 90 ببنزين 92 ......... بونتو ........... ممكن توصل معاك لغاية 17 كم لكل لتر بنزين .
سرعة 90 بنزين 92 ......... جين 2 مانوال .......... ممكن توصل معاك لغاية 13 كم لكل لتر بنزين .
بالنسبة لقطع الغيار
البونتو قطع غيارها موجودة و رخيصة و أرخص من الجين 2 بكتيييييييييييييير
عندك مثلا ......... تيل الفرامل التركي .......... 60 جنيه للأمامي و الخلفي باين 50 جنيه
اسطوانة و بلية و دسك ........... ممكن تدخل في 500 جنيه على أقصى تقدير و دي بتتغير كل 20 أو 25 ألف كم في البونتو .

تيل فرامل الجين 2 الأمامي مش بيقل عن 250 جنيه في التوكيل
و معرفش ثمن الأسطوانة و الديسك للجين 2 .......... بس بيعيشوا مدة طويلة قوي بعكس البونتو .

الجين 2 ........ يعني قوة موتور ........ يعني سحب في أي وقت حتى مع التحميل ......... عالية عن الأرض ...... كمالليات كتيرة ............ ثمن معقول جدا ..........

البونتو ......... توفير بنزين جامد ........... سحب معقول للموتور الصغير ده ........... واطية و دي عيب .......... كماليتها مش كتيرة بس معقولة .......... ثمنها معقول .

بالنسبة لتصليح الجين 2 بره التوكيل ............ هاتصلح أيه أيه برة التوكيل ؟؟؟
إن جات على تغيير الزيت ............ أبقى غير برة التوكيل مرة و مع التوكيل مرة .

إنما يا راجل تبقى راكب عربية حديثة زي دي و عايز مثلا تروح تفك الموتور عند ميكانيكي علشان تركب أي حاجة أو تغير أي حاجة ؟؟؟؟؟؟؟؟؟؟؟؟؟؟؟؟؟؟؟

هو طبعا التوكيل غالي .......... بس كل التوكيلات كدا ........ مش عز العرب بس .

بالنسبة للخامات الداخلية
أغلب العربيات في الفئة السعرية دي .............. خاماتها متشابه جدا .و بص على الياريس و النيو أكسنت و الصني اللي كانت معاك يا دكتور ......... هاتلاقي الفروق مش كبيرة و مش جوهرية و كلهم خامات متوسطة .

نرجع تاني لإستهلاك البنزين
الجين 2 عايزة سواقة هادية علشان توفر في البنزين و أنا بتكلم عن المانوال مش الأوتوماتيك .
يعني تطلع واحدة واحدة بالعربية مش لازم تحرق و تطلع زي الصاروخ زي أغلب الشباب ما بتعمل .
ما تعديش 3000 لفة للموتور ..........
دايما تحافظ على سرعة العربية و متزودش فجأة مثلا .......
و هي أفضل توفير لها على الطرق السريعة .

داخل البلد ............ الإستهلاك بيكون في حدود 10 كم لكل لتر .

أما البونتو ........... علشان موتورها صغير ............. موفرة جامد في كل الحالات بالمقارنة مع الجين 2
بالنسبة لمقارنة الكابينة في الجين 2 و البونتو .
الجين 2 أحلي ........ و أجمل و الخامات مش فارقة كتير .

البونتو عربية مدينة ممتازة
الجين 2 عربية طرق سريعة أكثر من ممتازة ...

**jisso82** · 29-04-2009 10:24 AM

المشاركة الأصلية كتبت بواسطة tutankhamoun

السلام عليكم و رحمة الله و بركاته
و تحياتي لكل من شارك في الموضوع لافادة الدكتور أمير ...

بُص ياباشا بأختصار
فيه فرق بين الجين 2 و بين البونتو ............. فرق جوهري
و هو حجم العربية و قوة الموتور ......

البونتو ......... توفيرها رهيب في البنزين لأن العربية موتورها صغير و مفيش مجال كبير للحرق عليه .

إنما الجين 2 موتورها كبير و العربية تقيلة و راسية قوي في السفر .
و دي أهم مميزاتها .
في السفر و الطرق المفتوحة .............. ملهاش حل .

إنما لو حضرتك مش بتسافر كتير .......... و أغلب استهلاكك جوه البلد
أيه اللي يخليك تجيب عربية 1600 ؟؟؟؟؟؟؟ لو بتدور على توفير البنزين و ده عندك حق فيه .
عموما الإستهلاك كالتالي في العربيتين

سرعة 90 ببنزين 92 ......... بونتو ........... ممكن توصل معاك لغاية 17 كم لكل لتر بنزين .
سرعة 90 بنزين 92 ......... جين 2 مانوال .......... ممكن توصل معاك لغاية 13 كم لكل لتر بنزين .
بالنسبة لقطع الغيار
البونتو قطع غيارها موجودة و رخيصة و أرخص من الجين 2 بكتيييييييييييييير
عندك مثلا ......... تيل الفرامل التركي .......... 60 جنيه للأمامي و الخلفي باين 50 جنيه
اسطوانة و بلية و دسك ........... ممكن تدخل في 500 جنيه على أقصى تقدير و دي بتتغير كل 20 أو 25 ألف كم في البونتو .

تيل فرامل الجين 2 الأمامي مش بيقل عن 250 جنيه في التوكيل
و معرفش ثمن الأسطوانة و الديسك للجين 2 .......... بس بيعيشوا مدة طويلة قوي بعكس البونتو .

الجين 2 ........ يعني قوة موتور ........ يعني سحب في أي وقت حتى مع التحميل ......... عالية عن الأرض ...... كمالليات كتيرة ............ ثمن معقول جدا ..........

البونتو ......... توفير بنزين جامد ........... سحب معقول للموتور الصغير ده ........... واطية و دي عيب .......... كماليتها مش كتيرة بس معقولة .......... ثمنها معقول .

بالنسبة لتصليح الجين 2 بره التوكيل ............ هاتصلح أيه أيه برة التوكيل ؟؟؟
إن جات على تغيير الزيت ............ أبقى غير برة التوكيل مرة و مع التوكيل مرة .

إنما يا راجل تبقى راكب عربية حديثة زي دي و عايز مثلا تروح تفك الموتور عند ميكانيكي علشان تركب أي حاجة أو تغير أي حاجة ؟؟؟؟؟؟؟؟؟؟؟؟؟؟؟؟؟؟؟

هو طبعا التوكيل غالي .......... بس كل التوكيلات كدا ........ مش عز العرب بس .

بالنسبة للخامات الداخلية
أغلب العربيات في الفئة السعرية دي .............. خاماتها متشابه جدا .و بص على الياريس و النيو أكسنت و الصني اللي كانت معاك يا دكتور ......... هاتلاقي الفروق مش كبيرة و مش جوهرية و كلهم خامات متوسطة .

نرجع تاني لإستهلاك البنزين
الجين 2 عايزة سواقة هادية علشان توفر في البنزين و أنا بتكلم عن المانوال مش الأوتوماتيك .
يعني تطلع واحدة واحدة بالعربية مش لازم تحرق و تطلع زي الصاروخ زي أغلب الشباب ما بتعمل .
ما تعديش 3000 لفة للموتور ..........
دايما تحافظ على سرعة العربية و متزودش فجأة مثلا .......
و هي أفضل توفير لها على الطرق السريعة .

داخل البلد ............ الإستهلاك بيكون في حدود 10 كم لكل لتر .

أما البونتو ........... علشان موتورها صغير ............. موفرة جامد في كل الحالات بالمقارنة مع الجين 2
بالنسبة لمقارنة الكابينة في الجين 2 و البونتو .
الجين 2 أحلي ........ و أجمل و الخامات مش فارقة كتير .

البونتو عربية مدينة ممتازة
الجين 2 عربية طرق سريعة أكثر من ممتازة ...

+100000000000000000000000000000
بجد يا توت أنا بقيت مدمن اقرى ردودك ماشاء الله ربنا يباركلنا فيك و يخليك لينا و عايزك تعرف إنى كل ماحد يشتكى شوية من البروتون و يشككنى أرجع آخد جرعة من كلامك أو حتى الرسايل الخاصة اللى استفسرت فيها على حاجات منك و برتاح عليها علطووووول و تجدد رغبتى فى امتلاك العربية بجد بجد بجد شكرا ليك

**ahmedfathy77** · 29-04-2009 06:28 PM

استاذ و رءيس قسم و الله يا استاذ توت ربنا ما يحرمناش من مشاركاتك اللي كلها تجارب و خبرات
مفيده للگل

**ahmad--ezzat** · 30-04-2009 06:52 PM

ياباشا انت معاك عربية محترمة...لو حضرتك عايز تغير من النيسان..غير ليبانى او المانى..لكن سورى يعنى..متنزلش لتحت
الواحد بيتقدم مش بيرجع..مع احترامى لجين 2 والبنتو

**tutankhamoun** · 30-04-2009 07:12 PM

المشاركة الأصلية كتبت بواسطة Ahmed20_08nubira

ياباشا انت معاك عربية محترمة...لو حضرتك عايز تغير من النيسان..غير ليبانى او المانى..لكن سورى يعنى..متنزلش لتحت
الواحد بيتقدم مش بيرجع..مع احترامى لجين 2 والبنتو

هي البونتو بقت نزول لتحت ؟؟؟؟؟؟؟؟
البونتو اللي قطعت كل العربيات الألماني فترة التسعينيات و محدش من ألمانيا قدر يعمل عربية زيها ......بقت نزول لتحت ؟؟؟

البونتو اللي شالت فيات و أنقذتها من الأفلاس ...... بقت نزول لتحت ؟؟؟؟؟؟؟

البونتو أكبر سيارة صغيرة في المبيعات في أوروبا ....... بقت نزول لتحت ؟؟؟؟؟؟

البونتو اللي واخدة جوايز على جوايز في أوروبا ........ بقت نزول لتحت ؟؟؟؟؟؟

البونتو ...... اللي واخدة 5 نجوم في أختبارات الأمان بقت نزول لتحت ؟؟؟؟؟؟؟

أنا مش هاتكلم عن الجين 2 علشان الناس لسة معندهاش ثقافة التغيير و أن الدنيا بتتغير و بتتطور و مش اليابان و ألمانيا بس هما اللي بيصنعوا عربيات أو بيعملوا عربيات حلوة .........

أنا ركبت العربيتين اللي حضرتك معتبرهم نزول لتحت .........ز و ركبت عربيات أوروبي كتير ........وواحدة ياباني .
و شايف أن العربيتين محترمين و لا يقلوا شئ عن الياباني أو الألماني
خصوصا أن الالماني بيتميز بالثبات مثلا ....... و ده موجود في الجين 2 .
و الياباني بيتميز عن الأثنين بالنعومة ... و ده مش موجود لا في الجين 2 و لا البونتو
و لكن مش معنى كدا أن الياباني خلاص بقى أحسن ......... و مش معنى كدا أن الألماني خلاص بقى أحسن .....

و برضه أنا مش شايف ان النيسان صني أحسن من الجين 2 ........... بل على العكس ........ في رأيي أن الجين 2 أحلى و أحسن ............ و كل واحد له رأي ........ و كل واحد له ذوق في الحاجة ......

إنما الجين 2 أو البونتو ......... مش نزول لتحت ........

و على فكرة ........ أنت معاك عربية تانية غير الصني ......... اللي هي نوبيرا .......
أيه رأيك فيها بتعتبرها نزول لتحت ؟؟؟؟؟؟؟؟

أنا رأيي أن النوبيرا عربية محترمة جدا ...... ينقصها الشكل الجميل فقط .
على فكرة أنا مش زعلان من مداخلة حضرتك يا أستاذ أحمد .......... أنا بعبر عن رأيي فقط لا غير .........