مبروك الثيم الجديد والتجديدات

**sha2e** · 29-04-2009 04:37 PM

اعتقد لو الزرقاء دى لو اتتحولت للون فضى مثلا برزليوشن أقل اعتقد هتبقى احلى

الفلاشه بصراحه لا يختلف عليها اتنين انها حلوه لكن برضو بتبقى تقيله خاصه فى الاسكرولينج
لو اتغيرت بصوره لمجموعه كبيرة من مختلف انوع العربيات (راجع الصورة الخاصة بملحق اخبار السيارات ) لكن بتصميم حلو وتكون ثابته وبريزليوشن مش عالى عشان تبقى خفيفه وفى نفس الوقت واقعيه

-مين فينا الل معاه فيرون ولا العربيه الل واقفه جنبها
مش معنى كده اننا نحط عربيات تعبانه بس تكون وسط

انا وجهة نظرى ان المنتدى مش بيتكلم على العربيات أد ما هو بيناقش تعديل وحل مشاكل العربيات ودى حاجه من الحجات الل بتميز المنتدى عن كتير من المنتديات والمواقع التانيه فبتالى ياريت تكون الصورة أكثر واقعية

ده رأى الشخصى ومش لازم يكون صح
واعتقد ممكن يتعمل موضوع يشارك فيه الاعضاء فى تصميم او اختيار بنر المنتدى
وآسف للاطاله

**Eng. Rafy Samy** · 29-04-2009 04:39 PM

المشاركة الأصلية كتبت بواسطة eng/muhamad

انتو كده بتجبرونا نحط توقيع على مزاجكم مينفعش طبعا و انا متمسك بالتوقيع بتاعى و ياريت يرجع

المصلحة العامة فوق اي اعتبار ولو التوقيع بتاع حضرتك حيؤثر على سرعة نقل البيانات للاعضاء يبقى لازم الدعم الفني ياخد موقف...

**sha2e** · 29-04-2009 06:28 PM

انا ممكن أبدأ بنفسى واشارك ببنر

وده بتغيير نايل موتورز بفنت تانى

وده من غير نايل موتورز عشان يبقى ؤبين سورس اى حد يعدل فيه

انا حاولت احط شلال لدلاله على نهر (نايل) عشان نخرج من مشكله اللون الازرق الل كان لازم يكون موجود كعنصر اساسى لدلاله على اسم المنتدى (نايل)

وفى انتظار مشاركات باقى الاعضاء

**د.محمود صلاح** · 29-04-2009 08:32 PM

أنا كنت على الاستايل القدييم جدا اللى لونه رمادى وواحشنى جدا لأنه اختفى " ال orange "

**2hmed_7osam** · 29-04-2009 09:19 PM

بطئ للغاية وموضوع التوقيع اللي راح دا مش لذيذ
والمساحه بتاعت ردود الاعضاء مساحتها بقت صغيره
والفلاشة بتقل السكرولنج عندي ومتهيألي لو اتحطت عربية واحده هيكون احسن او
كزا عربية من العربيات اللي بنشوفها فالشارع الواحد يحس فعلا انه داخل مكان مألوف
دا رأيي الخاص
عن نفسي هرجع للستايل القديم

**sha2e** · 29-04-2009 09:42 PM

المشاركة الأصلية كتبت بواسطة 2hmed_7osam

والفلاشة بتقل السكرولنج عندي ومتهيألي لو اتحطت عربية واحده هيكون احسن او
كزا عربية من العربيات اللي بنشوفها فالشارع الواحد يحس فعلا انه داخل مكان مألوف
دا رأيي الخاص

انا كمان متفق مع الرأى ده وبأيدة

وبصراحه انا شوفت بنر خفيف وهادى جدا روحت واخده وعملت فيه بعض التعديلات وغير كل الايكونات الل كانت فيه عشان يناسب المنتدى ورفعته ليكو

اول ايكونة فوق على اليمين انا حاططها كرمز للتعاون بين اعضاء المنتدى الافاضل واخترت ليها الايكونه دى كرمز للترابط

الايكونه الل بعدها ايكونة عربية جديد لدلالة على اهتمام الموقع بالجديد والحديث باستمرار

الايكونه الل بعدها لمحرك او موتور لدلالة على وجود اقسام كامله فى المنتدى مهتمه بالمحرك واعطاله وتظبيطاته

الايكونه الل بعدها حطتها لجسم سيارو خارجى وداخلى لدلاله على اهتمام المنتدى بمشكلات وفنيات باقى اجزاء السيارة وتعديلتها

آخر ايكونه وضعتها كرمز اخر اننا منسناش فى المنتدي شكل العربيه من الخارخ والاضافات والتعديلات الخارجية

طبعا الخلفية كلها بيضاء ومحبتش اغيرها عشان لو عجب حد وحب يعدل فيه اي حاجه يبقى سهل وبدون مشاكل

ودى أقل حاجة أقدر اقدمها للمنتدى الجميل ده

**jojooo** · 29-04-2009 11:40 PM

المشاركة الأصلية كتبت بواسطة pro_samir

مبرووك .. هوا حلو فعلا

بس انا رجعت للقديم برضو

الفلاشة بصراحة شكلها مش ظريف خالص ولا ماشية مع الوان الصفحة وكذلك الخلفية مش ماشية مع الوان المنتدى خالص ، ومش عارف حاسس انة فية حاجة ملخبطة لما اجى اعمل اسكرول بالماوس بحس انة بيتكعبل كدة وبالذات لو اسكرول لفوق بييجى قبل الفلاشة ويعلق ، دة غير انة لما بيبقى بعرض الصفحة بيدى مساحة افضل

والقديم الوانة مريحة اكتر

ان معاك فى نفس المشكلة دى عندى

وارجوا حلهاز
وشكرا

**hoka** · 30-04-2009 05:50 AM

إلى الأمام دائما ً نايل موتورز

**falcon191** · 30-04-2009 02:27 PM

المشاركة الأصلية كتبت بواسطة memohamada

الاخوة الاعضاء الى بيستعملوا فايرفوكس و مش عاجبهم حجم الصفحة الصغير
ممكن تعملوا زوووم من قايمة فيو مرتين و هتلاقوا الصفحة ملت الشاشة

و على فكرة الثيم الجديد فعلا تقيل فى سكرول بس الفلاش الى فى اعلى الصفحة روعة
وكمان مفيش اعلانات زى زمان مع انى حاسس ان دى غلطة مش مقصودة :10D5C8~1107:

فى كمان غلطة فظيعة فى الثم الجديد لو جربتوا تحطوا رد بالعربى و فى وسط الكلام كلمة انجليزى بيطلع السطر ملغبط ودة مثال

( الاخوة الاعضاء الى بيستعملوا Firefox و مش عاجبهم حجم الصفحة الصغير
ممكن تعملوا zoom in من قايمةview مرتين و هتلاقوا الصفحة ملت الشاشة )

حد فهم حاجة !

على فكرة الجملة طالعة مترتبة عندي ومفيش فيها مشكلة