أوباما يعين زويل مستشارا له .. والبيت الأبيض يصفه بصوت العقل في الشرق الأوسط

**mahmoud_magdy** · 29-04-2009 01:34 AM

اومال الدكتور احمد يقصد ايه ؟!!!!!!

**Dr_Ahmed_Abdelghany** · 29-04-2009 02:41 AM

مصطلح أهل الولاء من أيام الثورة معناه أهل الطاعة العمياء والخنوع التام لصاحب القرار ، وهى الصفة الهامة عند إختيار اى شخص لأى منصب فى بلاد العالم الثالث جدا ولا يعادلها شئ ولا حتى علم على درجة زويل

**mahmoud_magdy** · 29-04-2009 02:45 AM

امممممممممم
انا كدا فهمت
يعني حضرتك تقصد ان زويل من اهل الكفاءه
وليس من اهل الولاء اللي هما !!!
شكرا على المعلومه الجديده
اعذرني لجهلي

**محمد ابراهيم 1** · 29-04-2009 03:22 AM

زويل انسان محترم وعالم ويستحق كل التقدير
والتقدير للناس دى بيكون فى الدول اللى بتقدر العلم والعلماء

**abzoabzo** · 29-04-2009 10:13 AM

يعينى على الحرية يا عينى

**Sameh** · 29-04-2009 10:33 AM

لما كانت الفئة المقربة من الرئيس الأمريكى على نوعية كونداليزا وتشينى تسببوا فى مصائب تاريخية ومقتل مئات الألاف ، لعل وعسى وجود أشخاص مثل زويل بجانب رئيس أمريكا ، يستمع ليهم ووظيفتهم مستشارين يكون له تأثير إيجابى على تعامله مع قضايانا وإحترام أمريكا لوجودنا اللى أهدرته الحكومات العربية

**pop3** · 29-04-2009 11:03 AM

المشاركة الأصلية كتبت بواسطة musiccairo

اولا شكرا عالموضوع
ثانيا انا ليا رأي
يعني شخص زي أحمد زويل ليه يضيعوه من مصر عالم مصري الجنسيه اصبح مستشار للرئيس الامريكي
طيب ليه ميكونش مستشار الرئيس المصري
فين وضع العلماء في بلدنا
خساره والله وحرام اللي بيحصل ده

**pop3** · 29-04-2009 11:16 AM

المشاركة الأصلية كتبت بواسطة Sameh

لما كانت الفئة المقربة من الرئيس الأمريكى على نوعية كونداليزا وتشينى تسببوا فى مصائب تاريخية ومقتل مئات الألاف ، لعل وعسى وجود أشخاص مثل زويل بجانب رئيس أمريكا ، يستمع ليهم ووظيفتهم مستشارين يكون له تأثير إيجابى على تعامله مع قضايانا وإحترام أمريكا لوجودنا اللى أهدرته الحكومات العربية

كلام سيادتك مظبوط, بس د. زويل مستشار من الناحيه العلميه فقط وليس السياسيه ولو هنقارن مابين عهدين فصدقني ما دام الأهداف الأمريكية ثابته ومعروفه لدي الجميع في الشرق الأوسط يبقى مش فارق مين إلي بينفذ الأهداف دي ديموقراطي أو جمهوري اللوبي الصهويوني هو إلي بيحدد الأهداف طبقا للظروف الإقليميه والي بيحقق مصالح إسرائيل ويضمن الأمن ليها وتفوقها عسكريا على جيرانها من الدول العربية.
يعني وجود أوباما مش فارق كتير و بدليل أنه اختار كبير موظفي البيت الأبيض يهودي ومعروف بكارهيته للعرب و المسلمين.

أما عن تقدير أمريكا للعلماء فده شأنها من زمان وأقربها تكريم بوش للدكنور عصام حجي والدكنور مصطفي السيد, فدي نقره و سياستهم الخارجيه نقره أخري

**pop3** · 29-04-2009 11:33 AM

المشاركة الأصلية كتبت بواسطة Dr_Ahmed_Abdelghany

أحمد زويل هيفضل دايما فخر لكل مصرى
وفعلا عايزين نعرف معلومات عن الشخصية التانية

بالتأكيد يا دكنور بس من رأيي للأسف أنه فخر يدعوا إلى الأسي خاصة لما سمعت حديثه مع منى الشاذلي الأخير في شرم الشيخ وكان السؤال عن مستقبل العلم في مصر وايه دور علماء مصر الي برعوا في احتلال مكانه علميه كبيره في الخارج وكان رد الدكتور زويل في منتهى المنطقيه وقال " متفتكريش إن مصر بطلت تنتج علماء أكفاء بدليل إن عندي في فريق العمل بتاعي 2 مصريين واحد منهم منضم لينا من جامعة أسيوط رأسا فده دليل إن التعليم في مصر لسه بخير بس مفيش عالم مصري خرج بره مصر ونجح هيرجع تاني لأن في مصر لم يتوفر المتاخ المناسب لقيام نهضه علميه تقدر ترجع البلد لمكانتها الطبيعيه و التاريخيه و متطلبوش من أي عالم أنه يرحع دلوقتي غبر لما المناخ ده يتوفر لأنه رجوعه مش هيبقي له معني "

ده هو الي يدعوا للأسي أن خيرة علمائنا قدامنا ومستعدين يقدموا للبلد كل شئ " علمهم وعمرهم وكل شئ" و البلد مش عايزه وكلامنا أنحصر مابين لؤمت العيش و ماتش كوره .