بعد الماتش الودي للأسماعيلي..الدوري للحرس

**ecybrarian** · 28-04-2009 09:22 PM

بعد الفوز الصعب للإسماعيلي على الزمالك في مبارة حماسية هي الأفضل هذا الموسم بين اثنين من أكبر فرق الكرة في مصر وحصولة على قمة الدوري. اتوقع فوز فريق حرس الحدود بالدوري الممتاز في مصر.

بهزر مش كده نتكلم بجد بقى...هل فعلا نظريا ممكن يفوز فريق الحرس (افضل فرق الدوري هذا الموسم) بالدوري في حالة لو فاز الحرس بكل مبارياته (بما فيها الأهلي) مقابل خسارة الأهلي والإسماعيلي لكل مبارياتهم القادمة....ينفع الكلام ده!!!!!

في واحد بيقول ينفع!!!!!

**badblood** · 29-04-2009 01:35 AM

الدوري اهلاوي ان شاء الله

**tamohsen** · 29-04-2009 04:30 PM

ياريت الحرس يكسب والله
أنا شايف انه اكتر فريق يستحق ومستواه ثابت

وكمان يبفي عمل الثنائيه دورى وكاس ولا أجدع فرقه
ده حتي الزمالك معملهاش من القرن الماضي

علي فكره أنا أهلاوي

**معتز** · 29-04-2009 06:37 PM

انا اهلاوى
ارى بكل الادلة والمقاييس ان الاهلى لا يستحق الدورى (راجع الاداء) خلال الموسم افريقيا ومحليا..........الاهلى فى مرحلة مختلفة وهى مرحلة المنحنى هبوط (طبيعى برضه هذا المنحنى)

اتوقع الاسماعيلى او الحرس........انا سعيد بتطور الدورى المصرى ..فها نحن لا نعلم حتى اللحظة من البطل...فى الاعوام السابقة كان الاهلى يحسم الامر اسابيع قبل النهاية.......... اعتقد ان عصر الاهلى والزمالك انتهى والان عصر البترول والجيش....موافق بس اللعب يكون حلو ويفرز لعيبة ممتازه للمنتخب والاحتراف

مجرد راى

**ecybrarian** · 29-04-2009 10:38 PM

كلام جميل ومنطقي فعلا الحرس هو الأفضل هذا الموسم من جميع الجوانب...على الأقل الحرس بيلعب بشرف و....تموت الفرق الرياضية ولا تأكل بقدميها (مثل عربي قديم للحدق)

**mohamed_hamdi** · 30-04-2009 02:45 AM

الأهلوية منقادين ورا الصحفيين أصحاب الفانلات الحمرا اللي بيقبضوا من الأهلي مرتبات شهرية لترويج كل ما يطلب منهم و مفهمين الناس ان الزمالك باع الماتش للاسماعيلي علشان يبقى مبرر ضياع الدوري موجود و الأهلوية يتلهوا في سبب تاني غير مستوى الفرقة اللي زي الزفت و اللعيبة اللي جابت اخرها - كتر خيرها طبعا - بس دوام الحال من المحال؟. نفسي ألقي أهلاوي واحد بيقدر الأمور بهدوء و عقلانية و يقول كلمة الحق الي ترضي ربنا وهي هل ده مستوى فرقة تفوز بالدوري العام؟.

**badblood** · 30-04-2009 05:27 AM

المشاركة الأصلية كتبت بواسطة mohamed_hamdi

الأهلوية منقادين ورا الصحفيين أصحاب الفانلات الحمرا اللي بيقبضوا من الأهلي مرتبات شهرية لترويج كل ما يطلب منهم و مفهمين الناس ان الزمالك باع الماتش للاسماعيلي علشان يبقى مبرر ضياع الدوري موجود و الأهلوية يتلهوا في سبب تاني غير مستوى الفرقة اللي زي الزفت و اللعيبة اللي جابت اخرها - كتر خيرها طبعا - بس دوام الحال من المحال؟. نفسي ألقي أهلاوي واحد بيقدر الأمور بهدوء و عقلانية و يقول كلمة الحق الي ترضي ربنا وهي هل ده مستوى فرقة تفوز بالدوري العام؟.

حضرتك اتفرجت ع الماتش ولاايه ؟
وكل النقاد اللي في جميع القنوات الفضائية قالوا الماتش باين انه متساب
هو ده الزمالك اللي لعب قدام الاهلي
ولاهو الغل اللي بيعمل كده