المشاركة الأصلية كتبت بواسطة mohabsaeed
الحقيقه بالنسبالى البرافو احسن من 100 جيتا و 100 جولف , كفايه انك تبقى راكب حاجه " distinctive " حاول تقارن مابين تصميم الجولف مثلا و البرافو .... مافيش وجه للمقارنه .
انتا بسعر الجيتا او الجولف " العادين " تجيب برافو ب أعلى فئه فيها و بأعلى موتور , بأعلى كماليات فيما عادا ال gps .
--------------------
من 3 ايام .. كنت نازل منزل كبرى 26 يوليو لطريق الجبلايه " الى فيه النادى الاهلى و اتحاد الكوره " النزله ديه معموله بغباء بحيث انها ماتقضيش عربيتين .
ابص فى المرايا الاقى واحد غلس بعربيه سودا كابس عليه و عاوز يطلع منى !!! ... شاورتله انه يهدى شويه و بعد مانزلت من المنزل اديته اشارع شمال و قولتله عدى .
ابص جمبى الاقى طوربيد اندفع من جمبى " فيات برافو t-jet 150 " وهميه يا جماعه بجد مش عربيه البرافو تخطت فكره انها عربيه ...
سيبك بقى من موضوع جيتا و المانى و مريخى البرافو ديه فئه لوحديها .
المهم الشاب الى سايقها تقريبا كان متأثر بقوه الموتور كل شويه الاقى العربيه بتترمى لورا و تنطلق و طبعا علاشان الطريق زحمه ف عرفت اتفرج على العربيه لحد اخر الطريق عند دار الاوبرا و الاشاره قفلت عليا و هو حلق فى السماء :-) .
من امنياتى انى امتلك العربيه ديه فى يوم من الايام .