اهانة كبيرة للانوس من توكيل ...

**إبراهيم.صادق** · 02-05-2009 06:51 PM

المشاركة الأصلية كتبت بواسطة SuccessCre8or

الظريف ان غبور مش واخد باله انه عنده الفيفا محرك كامة واحده علوية ... بس الظاهر مش واخد باله

فعلا الاعلان ده في منتهى الغباء،، طبعا واضح انه يقصد اللانوس مع انه في ناس كتير على ما اعتقد -انا منهم على الاقل- مايعرفوش ان الصورة دي لموتور اللانوس،،، بس اللي ماخدش باله منه انه كده بيضرب في الشقيقة الصغرى للفيرنا "فيفا" بس تقريبا هو شالها من حساباته لانه بيستهدف اصحاب التاكسيات اللي داخلين في مشروع وزارة المالية وطبعا الفيفا مش داخلة في المشروع

**hon** · 22-05-2009 03:03 AM

العيب لو طلع من أهل العيب مايبقاش عيب
والله يا جماعى انا بحب الألنترا الجديدة جدا بس رافض فكرة انى اتعامل مع الشخص دا الى اسمه غبور
فاكريين ايام التسونامى لما قال محدش يجيب عربيات من بره التوكيل عشان دى غرقانه و مصدية و تم اعادة دهانها مرة أخرى؟ فاكرين وكل دا كان كدب فى كدب
والله يا جماعة الهيونداى فى الخليج ماشاء الله تحفة والى هوا بيستوردها بيلعب فيها ويغير مكوناتها و يحط مكونات نمرة 3 فيها وأغلب العربيات بتاعتة مفوتة وحاجة تقرف
كان بيحاول ينافس الانوس بالأكسنت القديمة ومعرفش وبعدين بالفرنا ومعرفش فعمال يحاول يقول اى حاجة
عموما ربنا يباركلنا فى الانوس وهى فعلا هزمت الجبابرة الكبار اوى :)

**aikey** · 22-05-2009 03:21 AM

أينعم أنا ماعنديش عربيه
بس بحب الدايو أكتر من الفيرنا

**meller** · 22-05-2009 10:30 AM

مفيش اي وجهة 9مقارنة بين الانوس والفيرنا طبعا الانوس اشد واجمد بكتير من الفيرنا كبر دماغك

**bishoy02010** · 22-05-2009 11:17 AM

المشاركة الأصلية كتبت بواسطة bob2000

بصراحة اعلان مستفز ناقص بس يقولو بين قوسين لانوس مع ان موتور اللانوس محترم واحلى حاجة فيها وعلى فكرة لو شديت مع فيرنا اللانوس دايما بتكسب

مع احترامى الكامل لكلام حضرتك بس اللى بتقولة ده فى الأحلام :)

**moudy88** · 22-05-2009 02:58 PM

اكيد طبعا اللي عمله غبور ده مش صح وعير اخلاقي ....ومن المفترض انه يعرض منتجه ومالوش دعوه بغيره وميجرحش في منافسه ...ويسيب المشتري هو اللي يحكم ...وكل يوم بيمر غبور بينزل من نظر الناس وسمعته بتنزل كمان وكمان ...وغير كده ...اكيد طبعا ماتور الفيرنا افضل من ماتور اللانوس ..لانه اصلا ماتور للفئات الاعلى من (الفيرنا واللانوس ) زي الماتريكس والانترا 2006 والكوبيه ... والعربيات دي منافسه للنوبيرا والاوبترا اللي هما من نفس فئتها وتقريبا نفس القدره الحصانيه للماتور ...وغبور حطه في الفيرنا علشان يعمل حاجه يتميز بيها عن اللانوس ..وكانت النتيجه عكسيه لان ماتور الفيرنا مش مناسب لجسمها ...وعالفكره انا مالك سابق لفيرنا 1500 وكنت شايف ان ماتورها مناسب

**maka** · 22-05-2009 11:10 PM

هذذذذذذذذذذى

ولا توجع دماغك

القافلة تعوى والكلاب تسير

**MMamdouh** · 23-05-2009 05:32 PM

المشاركة الأصلية كتبت بواسطة akram2010

مجموعه شفروليه شعارها ( الشيطان فى التفاصيل ) وخليك فى المسابقات والجوائز وخليك فى احمد حلمى ومنى زكى .سيبك من الكلام دة كله انا ال يخلينى اجيب سيارة 1500 سى سى بجر 86 حصان فقط وعندى حموله وتكييف شغال . وماكينه اخرى 1600 بقوة جر 112 حصان وسعرها ما يفرق كثير والشكل احسن بكثير . احنا فى مصر سياراتنا بتكون عائليه والحر جاى وعايزين تكييف وعايزين سحب جامد . قارن بنفسك وفكر فى الكلام دة . وبعدين لما اسيب الدنيا واجيب مشاهير ولعيبه كورة واحط اعلاناتى على سيارتى دة استهبال يبعد القارىء عن الدحول فى التفاصيل ومش فى صالحه ( الشيطان فى التفاصيل )

طيب ما الفرنا بتنزل ال1500 برضة... و اللا انت مش واخد بالك من الموضوع دة؟؟

و لذيذ اوى موضوع عربية عائلية دى و هى اصلا ضيقة عن اللانوس... الا اذا كنت ناوى تقعد فى البساتم اللى هى الحاجة الوحيدة الاكبر فى الفرنا عن اللانوس

و لو على ال1600 يبقى قارن الفرنا بتاعتك بالنوبيرا... و ساعتها الفرنا حتروح تلعب بعيد

و صحيح فكترنى... لما تروح التكيل يبقى شوف كدة كام فرنا جابت وش سلندر و قوللى

MMamdouh

**MMamdouh** · 23-05-2009 05:34 PM

المشاركة الأصلية كتبت بواسطة bishoy02010

مع احترامى الكامل لكلام حضرتك بس اللى بتقولة ده فى الأحلام :)

نظريا الفرنا ال1500 تطلع عشان هى اخف... بس للامانة انا كبست مع فرنا على الدائرى و حطيت علية... معرفش هو عربيتة تعبانة وللا هو مبيعرفش يسوق

MMamdouh

**MMamdouh** · 23-05-2009 05:37 PM

المشاركة الأصلية كتبت بواسطة akram2010

اللانوس لامنظر من الامام ولا الخلف ومنفخه وكآنها مسمكرة فى الجوانب والمضحك لما تركب الاوبشن حقها تلاقى عجله القيادة تنزل مقلوبه لتحت وكآنك تقعد على الدواسه وتسوقها من غير كرسى وبلاستيك الدواخل تعبان قوى يا اخونا قولوا الحق فجودة السيارات مصلحه لشوارع مصر

لا صح... الفرنا هى اللى منظر اوى... على الاقل اللانوس تصميم ايطالى.. .الفرنا تصميم ايه بقى؟؟؟

و ايه عجلة القيادة تنزل مقلوبة دى؟؟؟ اول مرة اسمع عن الحوار دة... و عموما لام تلاقى كدة لفها 180 درجة حتلاقيها اتعدلت... سبحان الله

و انت بتتكلم فى شكل و جمال الفرنا؟؟؟ دى شكلها يقرف من برة و من جوة... و البلاستيك الى بتتطكلم علية انضف من البلاستيك اللى فى الفرنا... على الاقل تابلوة اللانوس مش شكلة عرة زى بتاع الفرنا

MMamdouh