استشارة في التكييف

**Akram** · 29-04-2009 09:21 AM

يا جماعة انا عندي مشكلة في التكييف و هي إنه بقى ضعيف جداً في وقت الظهر و لكن لو شغلته بالليل بيبقى كويس ,
وكمان السربنتينة بتاعت التكييف فيها خبطة فتلاقيها ملووحة من النصف,
علشان كده انا ناوي أغير السربنتينة و لقيت استيراد بـ250ج و هشحن الفريون (134) الأسباني أو الأمريكي ,
و حاجة تانية لما بشغل التكييف و أخلّي السرعة على آخر حاجة بلاقي صوت المروحة عالي جداً ,
و انا عايز أعرف هل المروحة دي بتتشحم ولا تتغير خالص , و لو هتتغير هتعمل كام ,
و هل فيه حاجة تانية أتاكد منها أو اعملها مع القصة دي علشان التكييف يبقى كويس,
على فكرة انا عربيتي لانوس مو 2000

**Shiref_mohamed** · 29-04-2009 09:54 AM

كده يا اكرم عندك تسريب في الفريون والتكيف مش شغال بكامل كفائتة
روح لمركز تكييف كويس وخليه يكشف الأول على التسريب جاى منين بدل ما تخسر تمن السربنتينة ويكون التسريب مش منها
وابقى كمان بالمرة غير زيت التبريد بتاع الكمبريسور ولو امكن كمان تغير الفلتر الدراير الى راكب جمب السربنتينة كل ديه حاجات حتحسن معاك التكييف جامد

وان شاء الله هيبقى التكييف تمام

**samirayad** · 29-04-2009 03:59 PM

يا جماعة انا عندي مشكلة في التكييف و هي إنه بقى ضعيف جداً في وقت الظهر و لكن لو شغلته بالليل بيبقى كويس

جرب كده يا أكرم باشا وأغسل السربنتينه كويس من الخارج بخرطوم ماء ضغطه كويس.....بحيث تنظف كل الرمال والأتربه اللى حول مواسير المكثف من الخارج لرفع كفاءة طرد حرارة الفريون لخارج دورة التكييف .........

و حاجة تانية لما بشغل التكييف و أخلّي السرعة على آخر حاجة بلاقي صوت المروحة عالي جداً ,
و انا عايز أعرف هل المروحة دي بتتشحم ولا تتغير خالص , و لو هتتغير هتعمل كام ,

هى كده المروحه عاوزه بلى او تتغير لأن الصوت ممكن برضه بسبب ريش مش مظبوطه والصوت بيظهر مع السرعه العاليه زى مابتقول........ويمكنك الأكتفاء بالسرعات الأقل (يعنى بلاش السرعه الرابعه دى لو السرعات الأقل كويسه......وعن نفسى الصراحه بأخللى المروحه على سرعه معقوله ....مش على الآخر يعنى ).......ده رأيى ولك القرار...........

_ وحاولت فقط التفكير معك......يمكن تكون نصيحتى بمثابة عدم تكلفتك أى شىء حاليا..........

**Akram** · 29-04-2009 08:41 PM

المشاركة الأصلية كتبت بواسطة Shiref_mohamed

كده يا اكرم عندك تسريب في الفريون والتكيف مش شغال بكامل كفائتة
روح لمركز تكييف كويس وخليه يكشف الأول على التسريب جاى منين بدل ما تخسر تمن السربنتينة ويكون التسريب مش منها
وابقى كمان بالمرة غير زيت التبريد بتاع الكمبريسور ولو امكن كمان تغير الفلتر الدراير الى راكب جمب السربنتينة كل ديه حاجات حتحسن معاك التكييف جامد

وان شاء الله هيبقى التكييف تمام

شكراً يا شريف , بس اللي أعرفه أن اللانوس مفيهاش فلتر للتكييف و لا انا غلطان ,
و ان شاء الله هغير الزيت برده ,

**Akram** · 29-04-2009 09:12 PM

المشاركة الأصلية كتبت بواسطة samirayad

جرب كده يا أكرم باشا وأغسل السربنتينه كويس من الخارج بخرطوم ماء ضغطه كويس.....بحيث تنظف كل الرمال والأتربه اللى حول مواسير المكثف من الخارج لرفع كفاءة طرد حرارة الفريون لخارج دورة التكييف ......... هى كده المروحه عاوزه بلى او تتغير لأن الصوت ممكن برضه بسبب ريش مش مظبوطه والصوت بيظهر مع السرعه العاليه زى مابتقول........ويمكنك الأكتفاء بالسرعات الأقل (يعنى بلاش السرعه الرابعه دى لو السرعات الأقل كويسه......وعن نفسى الصراحه بأخللى المروحه على سرعه معقوله ....مش على الآخر يعنى ).......ده رأيى ولك القرار...........

_ وحاولت فقط التفكير معك......يمكن تكون نصيحتى بمثابة عدم تكلفتك أى شىء حاليا..........

شكراً يا سمير باشا , انا عارف موضوع غسيل السربنتينة بالهواء و الماء و ان شاء الله هخلي فني التكييف يعمله,
و هكشف على المروحة علشان موضوع البلي,
بس ممكن تقوللي هل فيه فلتر للانوس و بالتالي هحتاج اغيره,
و هل تعرف المروحة جديدة تعمل كام و لو هجيبها استيراد تعمل كام,
حاجة تانية انا عايز اشحن فريون 134 فهل ده المناسب لكمبروسر اللانوس ,
حاجة تانية الزيت لما أغيره اجيب نوع ايه و مقداره قد ايه ,

**ashouhdy** · 29-04-2009 09:24 PM

المشاركة الأصلية كتبت بواسطة Akram

شكراً يا سمير باشا , انا عارف موضوع غسيل السربنتينة بالهواء و الماء و ان شاء الله هخلي فني التكييف يعمله,
و هكشف على المروحة علشان موضوع البلي,
بس ممكن تقوللي هل فيه فلتر للانوس و بالتالي هحتاج اغيره,
و هل تعرف المروحة جديدة تعمل كام و لو هجيبها استيراد تعمل كام,
حاجة تانية انا عايز اشحن فريون 134 فهل ده المناسب لكمبروسر اللانوس ,
حاجة تانية الزيت لما أغيره اجيب نوع ايه و مقداره قد ايه ,

نصيحة لوجة الله واعمل بيها او متعملش براحتك
التكييف بالذات اطلع على التوكيل وادفع فية ذى مادتفع بس حيخليهولك ذى الجديد
عربيتى القديمة الكليو كان فى نفس لامشكلة ولفيت على كل مراكز التكييف يشتغل يومين بلضبط حلو و هوبا يضعف تانى و ياسلام بقى على الكلام اللى تسمعة أصل أصل أصل و يمكن و أة و أصل و ادفع ياباشا و اشحن فريون تانى و بعد يوميين يضعف اروح تانى يروشلى مياة ساقعة عا سربنتينة و يشغلوا و يقول الكلمة المعتادة كدة إن شاء الله ذى الفل و هوباااااا يومين و :)))))))))))))))))
لحد والله ماكنت حدب خناقة مع كل المراكز الهباب دى ودفعت دم قلبى و سربنتينة استيراد و بعد كام يوم تطلع منفسة و اشى خرطوم ناشف على بلف بيسرب و حدوتة مالهاش اخر .............
بجد الا التكييف
روحت التوكيل دفعت نص مجموع اللى دفعتة برة و سبت العربية 3 ايام و انتهى الموضوع كلة و كمان معاة ضمان

دى تجربتى و قلت اديك فكرة عشان حتسمع أصل دى كتييييير :))))))))

**samirayad** · 29-04-2009 09:57 PM

بس ممكن تقوللي هل فيه فلتر للانوس و بالتالي هحتاج اغيره

من خلال ذاكرتى فى منتدانا....الانوس مفيهاش فلتر للتكييف ........

و هل تعرف المروحة جديدة تعمل كام و لو هجيبها استيراد تعمل كام,

الصراحه مش عارف الثمن ....ولكن أنصح فى حالة تغيير المروحه بجديد أن أمكن......لأن موضوع تواجد البلى فى القطعه دى يخلينا نفضل الجديد....لأن مع ركنة القطعه الأستيراد وخلافه ( ودى علشان موضوع البلى ).....حيكون أفضل الجديد بلا شك

حاجة تانية انا عايز اشحن فريون 134 فهل ده المناسب لكمبروسر اللانوس ,

ياعنى أنا قريت موضوع من قبل والزملاء قالوا ....أن نوع الفريون ده أفضل حاجه وهو المفضل نظرا لأرتفاع كفائته........ولكن برضه أنصح بزيارة التوكيل والتقصى من بعيد لبعيد.....وياريت لو تشوف عربيه جديده بيكون مكتوب على البطاحه اليمين من فوق ( نوع الفريون والزيت بتاع الكمبروسور وهكذا ).......أنا طبعا لسه ملاحظ الموضوع ده قريب عندى فى النوبيرا ( الفريون تقريبا برضه 134 .....بس الأستيكر أتمسح شويه ).....فحاول تشوف عربيه زيرو وحتلاقى البيان ده فى المكان اللى قولتلك عليه.....وأبقى قولنا على البيانات الدقيقه بعد معرفتك.....

**ahmed_h_g** · 30-04-2009 01:02 AM

المشاركة الأصلية كتبت بواسطة Akram

يا جماعة انا عندي مشكلة في التكييف و هي إنه بقى ضعيف جداً في وقت الظهر و لكن لو شغلته بالليل بيبقى كويس ,
وكمان السربنتينة بتاعت التكييف فيها خبطة فتلاقيها ملووحة من النصف,
علشان كده انا ناوي أغير السربنتينة و لقيت استيراد بـ250ج و هشحن الفريون (134) الأسباني أو الأمريكي ,
و حاجة تانية لما بشغل التكييف و أخلّي السرعة على آخر حاجة بلاقي صوت المروحة عالي جداً ,
و انا عايز أعرف هل المروحة دي بتتشحم ولا تتغير خالص , و لو هتتغير هتعمل كام ,
و هل فيه حاجة تانية أتاكد منها أو اعملها مع القصة دي علشان التكييف يبقى كويس,
على فكرة انا عربيتي لانوس مو 2000

يا باشا أنا معايا دبلوم تكييف وتبريد فنى أول مدرب وهجاوبك .
أولا" بالنسبه لضعف كفائة التبريد حلها اعادة شحن الدايره من الأول بفريون 134 وهو فريون محسن ولا يضر بالبيئه فقط ولكن مبيفرقش فى التبريد .
ثانيا" طالما التكييف بيشتغل تبريد (الكلاتش بيلقط من حمل الموتور وبيبدأ التبريد) يبقى السربنتينه سليمه ومش محتاجه غير تنظيف .
ثالثا" مفيش تكييف يخلوا من الفلتر لازم أى دايرة فريون ضرورى وجود بها فلتر فيستحسن تغييره ان أمكن .

-

-

الموضوع: استشارة في التكييف

LinkBack

أدوات الموضوع

عرض

استشارة في التكييف - انشر الموضوع فى :

-

-

-

-

-

المواضيع المتشابهه

فك وتنظيف فلتر التكييف + هوايات التكييف اليمين والمنتصف والشمال (الطريقة الصحيحة )

استشارة فنية .. عايز اظبط التكييف بعد حادثة بسيطة

لمالكى النترا 2012 اخبار التكييف معاكو ايه وخصوصا التكييف الاوتو فى حر السنه دى ؟؟؟

استشارة بخصوص التكييف

استشارة -- مشكلة في التكييف

الكلمات الدلالية لهذا الموضوع

المفضلات

المفضلات

ضوابط المشاركة