الموضوع: إستفسار بخصوص الجولف 4

السلام عليكم

أخوكم من قسم الرينو محتاج إستشارة بخصوص الجولف 4

واحد صاحبي عايز يشتري جولف 4 ( 2000 أو 2001 ) والمشكلة إن تقريباً كل العربيات الي شوفناها عاملة أكتر من 150,000 كم وفي البعض معدي الـ200 و250 ألف كم!!! ......طبعاً السعر على حسب الحالة والموديل وكان بيتراوح بين 65-75 ألف جم......في واحد كانت عربيته عاملة 280ألف كم وكان عايز فيها 75 ألف جم !!!!!
السؤال: ما مدى إعتمادية عربية ماشية أكتر من 9 سنين وعاملة على الأقل 150ألف كم؟
صحبي مش بتاع شد وجري والكلام ده كله......هو كان عنده جولف 3 وبعها للأسباب الأتية:
1- إستهلاك بنزين عالي جداً!!!!.....كانت بتعمل حوالي 150كم/الصفيحة ( موتور 2000 )
2- تقريباً كان كل إسبوعين لازم يروح للميكانيكي عشان كل شوية حاجة تظهر في العربية

الجولف 4 عاملة إيه في البنزين ؟؟.....أنا متوقع 200-220/الصفيحة عشان العربية ما شاء الله ثقيلة

هل العربية بالمواصفات السابق ذكرها هاتكون برضه محتاجة صيانة كتير ولازم يكون إيده فيها بإستمرار لأني لاحظت إن معظم الجولف 4 ملاكها شباب وعلى إستعداد للذهاب إلى الحرفيين يومياً

أنا إقترحت على صحبي إنه طالاما هايدفع 70الف فممكن يجيب لانسر 2006 أو 2007 وأكيد فرق السنين ده هايكون في مصلحته...ده غير إن كلنا عارفين مدى إعتمادية اللانسر وأكيد هاتبقى أوفر في البنزين عن الجولف 4
أنا أكيد مش بقارن جولف 4 بالانسر لأن مفيش وجه مقارنة طبعاً لصالح الجولف 4 من حيث الثبات الرهيب والأداء العالي وقوة السيارة......بس أنا بتكلم من الناحية العملية.....

أنا أسف طولت عليكم في الكلام.....بس هو والله في حيرة من أمره

أشيروني بالله عليكم......جزاكم الله خيراً

أخوكم عمرو عمارة من قسم الرينو