وزير الصحةالمصرى قال ذبح كل قطعان الخنازير الموجودة فى مصر اعتبارا من اليوم
ومنظمة الصحة العالمية ترفع الانذار الى الدرجة 5
عرض للطباعة
وزير الصحةالمصرى قال ذبح كل قطعان الخنازير الموجودة فى مصر اعتبارا من اليوم
ومنظمة الصحة العالمية ترفع الانذار الى الدرجة 5
أيوة، سيتم ذبح قطعان الخنازير وتجميد لحومها بدل اعدامها.
أنا شخصياً مش حاكل لحمة الفترة اللي جاية
البابا شنودة: الأقباط لا يأكلون لحوم الخنزير.. ونقدر جهود الدولة فى التصدى للمرض
اضغط للتكبير
البابا شنودة الثالث - ا ف ب
احفظ الخبر
اطبع
أضف تعليق ارسل
4/30/2009 6:15:00 PM
القاهرة - محرر مصراوى - أكد قداسة البابا شنودة الثالث بابا الإسكندرية وبطريرك الكرازة المرقسية أن الغالبية العظمى من الاقباط لا يأكلون لحوم الخنزير وأن استهلاك هذه اللحوم موجه بالأساس للسائحين فى الفنادق والجاليات الاجنبية ، رغم من أن خبراء الصحة يؤكدون أن تناول هذه اللحوم لا علاقة له بهذا المرض الذى ينتقل عبر الجهاز التنفسى.
وقال البابا شنودة - فى محاضرته الاسبوعية - إننا نقدر جهود الدولة فى التعامل مع أزمة مرض انفلونزا الخنازير، مشيدا بقرار ذبح جميع القطعان ، معتبرا أن الدولة تتعامل بشكل جيد مع هذا الملف واتخذت الكثير من الاجراءات الوقائية الهامة.
وأشار الى أنه التقى الدكتور حاتم الجبلى وزير الصحة قبل أيام واتفقا على ضرورة توعية المواطنين من خطورة هذا المرض، موضحا أنه يطمئن الى التقارير الرسمية التى تؤكد أن المرض لم يدخل الى مصر حتى الان ولا توجد إصابة واحدة فى البشر أو الحيوان.
وطالب البابا المواطنين العاملين فى تلك المزارع بالحرص الشديد وتجنب أى احتمال لانتقال عدوى هذا المرض مع أعطاء اهتمام اكبر للنظافة.
المصدر: وكالة انباء الشرق الاوسط
http://www.masrawy.com/News/Egypt/Po...pope_flue.aspx
بعد تصريح البابا كده بقى واضح جدا جدا إن الهدف الأساسى من وجود الخنازير فى مصر هو غش اللحوم ومنتجاتها وبكده لا حل غير إعدامها بالجملة مش علشان الانفلونزا وبس لأ علشان التأكد من دخولها بيوت الكثير منا
في إطار الإستعدادات الجادة لمواجهة انفلونزا الخنازير
كالعادة انفعل الفنان الكبير شعبان عبد الرحيم وقام بتجهيز كلماتها
والكلمات بتقول:-
كوارثنا زادت كارثة
والوضع شكله خطير
قال يعنى كانت ناقصة أنفلونزا الخنازير
مرض خطير على البشر وبقولك وبوعيك
فى دولتين انتشر.. أمريكا والمكسيك
الأنفلونزا كترت وبقى مرض خطير
مبقتش طيور وبس.. بقت كمان خنازير
لو شفت يوم خنزيرة ولو شفت يوم خنزير
لازم تلحق وبسرعة تاخد بعضك وتطير
إيييييييه........
خنازير وطيور ولسه.. الناس جالها اكتئاب
قادر ربنا يسترها.. ع القطط والكلاب
بقول وبأعلى صرخة .. إحنا مش ناقصين سكوت
علشان خنزير وفرخة.. حرام الناس تموت
قفلنا كتير مزارع وعدمنا طيور كتير
عايزين قرار سيادى ونعدم الخنازير
ليه الخنازير تعيش ونضحى بناس كتير
تعيش الناس سليمة وطظ فى الخنازير
يا ريتهم يعدموها والناس فى أمان تبات
من غير ما الأمن يدخل ولا تحصل إضرابات
بس خلاص
وطبعا اللحن انتوا عارفينه
واييييييييييييييييييييييي ييه
على فكرة الكلمات دي فعلا كلمات الأغنية
قريت المصري اليوم النهاردة الصبح جالي احباط وقرف.
الواحد بعد لما فرح انهم هيعدموا الخنازير دلوقتي بيقول ياريتهم ما عملوش حاجة!
الاعدام كان هيبعد الشك ان لحوم الخنازير ممكن تتداول في السوق على انها لحوم بقر.
لكن الذبح معناه ان الغشاشين هيبيعوا للناس لحم الخنزير على انه لحم بقري حلال!
محافظة الجيزة أجلت ذبح الخنازير لأن ستة ثلاجات رفضت تخزين الخنازير عندها!
يعني الخنازير سيتم تخزينها في ثلاجات للحم البقري!
ده غير ان عملية الذبح بتتم في سلخانات معتقدش انها مخصصة للخنازير!
يعني اختلاط لحم الخنازير باللحم البقري ممكن يحصل (وهيحصل) في أي مرحلة من الثلاثة. الذبح أو التخزيين أو التسويق!
ياريتهم مادبحوش الخنازير!
يا جدعان انا مش مصدق يعنى انا كده ممكن اكون اكلت لحم خنزير . ده حرام والله
هى الناس دى مسمعتش عن حاجة اسمها دين مسمعوش عن يوم الحساب
حسبى الله ونعم الوكيل