أنا خلااااااااص ... زهقت

**M.Gamaledeen** · 29-04-2009 12:22 PM

الموضوع بقى مكرر
وقمة الإستهتار واللامبالاة بأرواح الناس
ومهما اتكلمنا وقلنا وعدنا .... "مفيش فايدة"
أنا عارف ان الكلام ده فعلا اتكرر على المنتدي كتير
وكل يوم أقرا موضوع مشكلة مختلفة مع سواقين الميكروباص بالذات لعضو بالمنتدى
لكن اللي حصل معايا النهارده حاجة فعلا مستفذة

وأنا رايح الشغل الصبح
وقبل مطلع الدائري (اليو تيرن اللي قبل المنيب)لقيت صاروخ ابيض في لبني معدي من جنبي "عكس الإتجاة" ومرة واحدة عدى الناحية التانية - اللي هي الحارة اللي انا ماشي فيها- وطبعا من غير ما يكلف نفسة ويبص في المراية

وكانت النتيجة اني مسكت فرامل وحودت يمين جامد لدرجة اني طلعت علي بواقي الرصيف اللي جنبي
والبيه إداني قفاه ومشي
قلت احصله وبالراحة أقوله انه ممكن يأذي نفسه ويأذي اللي حواليه باللي بيعمله ده
تخيلوا
لقيت الناس اللي في الميكروباص عمالين يزعقولي وكل واحد بكلمة ( ياعم خلص,قصر, اتكل على الله في نهارك ده . و ده كان كلام بعض الناس المؤدبة غير باقي الكلام اللي ماينفعش أقوله)
ماأكدبش عليكوا
انا رحت مزعق فيهم وقلتلهم : أصل انتو كلكوا عالم بهايم ! (من غلبي) وطلعت

فوجئت بالباشا بيجري ورايا وعمال يزنق عليا على مطلع الدائري وعمال يستحلفلي
وواحد من الزباين "المحترمين" اللي معاه راح رازع الإزاز اللي جانبي بإيده لما كان هايكسره

أنا هاديت وسيبته يمشي قدامي بمسافة معقولة
لغاية ماجيت قبل منزل الكورنيش "عند الكمين" وروحت جاي قدامة مباشرة ومدي انتظار ومهدي وانا مقرب منه خالص علشان مايعرفش يطلع مني لحد ما وقفته عند الكمين بالظبط في الحارة الشمال
وقعدت ادي كلاكس للبهوات اللي قاعدين جوه المكتب الألوميتال علشان حد ياخد باله ويطلع
راح السواق راجع بضهره ولبس في العربية اللي وراه وكسر يمين وجري
ملحوظة:_
ماحدش من ال"بهوات" اتحرك من مكانه على الرغم من اننا كنا وقفنا الطريق حوالي 5 دقايق
يعني الحمد لله ان السواق مشي !!!

أنا بقالي فترة بافكر جديا اني اجيب صاعق وأخليه في العربية للظروف دي
بس دلوقت الموضوع مابقاش مجرد تفكير , بقى قرار

عارف اني طولت عليكم
والموضوع مش جديد ويمكن اتكرر معاكم وأكتر من كده
بس انتو مش متخيلين انا مخنوووق قد ايه ومش عايز اتكلم مع حد
ف مالقيتش غير اني اكتب عن اللي حصل ولو انا الغلطان ياريت تقولولي

وشكرا لسعة صدوركم ,,,,

**Karim_Monir** · 29-04-2009 12:56 PM

احييك على الايجابية اللي انت فيها
بجد انا اكتر من مرة عملت كدة في سواق نقل واسبقة بمسافة كافية واوقف الكمين وبادخل عليهم بقلب جامد
بس انا عرضت العربية لغاية ماقفلت الطريق
وانزلت قولتلهم
لان اتنين نقل كانو هايفرموني ما بينهم على الدائري

كفاية سكات بقي

**M.Gamaledeen** · 29-04-2009 01:18 PM

المشاركة الأصلية كتبت بواسطة karim_monir

احييك على الايجابية اللي انت فيها
بجد انا اكتر من مرة عملت كدة في سواق نقل واسبقة بمسافة كافية واوقف الكمين وبادخل عليهم بقلب جامد
بس انا عرضت العربية لغاية ماقفلت الطريق
وانزلت قولتلهم
لان اتنين نقل كانو هايفرموني ما بينهم على الدائري

كفاية سكات بقي

طيب ماهو للأسف يا كريم
زي ماشفت
ماحدش اتحرك من مكانة
يعني السواق لوكان نزل كان هيبقى فيها

**Samah AbdAllah** · 30-04-2009 01:18 AM

مرة تخيب ومرة تصيب
مش معنى انهم مهملين فى عملهم اننا نسكت لازم ندفعهم للقيام بعملهم ولا هم شاطرين بس ياخدوا مخالفات على عكس السير فى شوارع جانبية غير مؤثرة ولا حتى عليها لافتات
ربنا يهدى

**M.Gamaledeen** · 30-04-2009 10:22 AM

المشاركة الأصلية كتبت بواسطة evoo90

على فكره انا بحييك على تصرفك الهادئ جدا ده
اما انا مجنون حبتين يعنى ممكن ازنق على حد اعوره ومايهمنيش
ادام هو اعتدى عليا بعتدى عليه زى ما اعتدى عليا بالظبط
لدرجه انى ممكن اخبط العربيه مش مهم فى داهيه العربيه بس ماحدش يتعوج عليا ويفرد نفسه واسيبه ويحاول يأذينى
معلش انا اتظلمت كتير واتبهدلت كتير وكل ده من طيابتى واخيرا قررت المعامله بالمثل ومابخافش من حد
لان لو العالم كله اجتمع انه يفيدنى او يضرنى بشيئ مش هيقدروا
ومش هاشوف ذياده عن المكتوب لى

هاتصدقني لو قلتلك اني من ساعة الموقف ده
وأنا باقول اني لو اتصرفت زي الناس دي مش هابقى متضايق كده
طالما انا زعلان علشان باتعامل باحترام ومش بالاقي معاملة بالمثل ... خلاص
الواحد يعمل زيهم
وبالطريقة دي مش هاضايق نفسي ( نفس مبدأ اني آخد حقي,,, بدراعي )

**evoo90** · 30-04-2009 10:51 AM

المشاركة الأصلية كتبت بواسطة M.Gamaledeen

هاتصدقني لو قلتلك اني من ساعة الموقف ده
وأنا باقول اني لو اتصرفت زي الناس دي مش هابقى متضايق كده
طالما انا زعلان علشان باتعامل باحترام ومش بالاقي معاملة بالمثل ... خلاص
الواحد يعمل زيهم
وبالطريقة دي مش هاضايق نفسي ( نفس مبدأ اني آخد حقي,,, بدراعي )

هى مصر كده انا اللى يحترمنى اديله روحى
واللى يقل ادبه مافيش غير الجذمه
وخد بالك اخد الحق حرفه

**fadynabil** · 30-04-2009 11:15 AM

أنا بحييك علي تصرفك ...

وعلي فكرة أنا طريقي اليومي هو الدائري وكل يوم بيحصل مواقف أسوأ من كدة بكتيير بس الواحد مش سهل إنه ياخد حقه بالشكل اللي إنت عملته

بصراحة ممكن يعرض نفسه للخطر مع ناس فعلاً زي مأنت قولت بهايم ... بجد لازم يكون في رقابة مستمرة علي الطريق بأكمله

ويكون في عربيات مرور وموتوسيكلات تراقب المتخلفين اللي ماشيين علي الطريق اللي بيتسببوا في معظم الحوادث اللي بنشوفها كل يوم

-

الموضوع: أنا خلااااااااص ... زهقت

LinkBack

أدوات الموضوع

عرض

أنا خلااااااااص ... زهقت - انشر الموضوع فى :

-

-

-

-

-

المواضيع المتشابهه

خلااااااااص هتجنن ارجو المساعدة

فرامل الجين 2 والمرارة اللى خلااااااااص

الشكوى بقت جاهزه خلااااااااص اللى عايزيضيف حاجه يخش ويضفها

زهقت خلااااااااص

زهقت زهقت زهااااااااااااقت

الكلمات الدلالية لهذا الموضوع

المفضلات

المفضلات

ضوابط المشاركة