السبارك و رحلة الساحل الشمالى

**islam_6110** · 29-04-2009 01:54 PM

انا اشتريت عربيه سبارك من شهر يناير و الحمد لله ثبتت نفسها داخل البلد يعنى انا بعمل بيها حوالى 70 كيلو يوميا و لكن كان نفسى اجربها على الطرق السريعه لانى كنتت خايف انها ممكن متكنش ثابته ممكن تكلون خطر على الملفات السريعه كدا يعنى
المهم جت اجازة شم النسم و كانت حوالى 4 ايام فا اتفقت انى و اخو زوجتى ان نذهب الى الساحل الشمالى الصراحه كنت خايف اوى و انا باخد القرار ده
المهم اتحركنا يو الخميس الساعه 9 باليل انا مليت الشنطه شنط و حطيت كمان حاجات على الكنبه و ركبت فيها انا و زوجتى و اخت زوجتى
بدانا الرحله انا بعربيتى السبارك و عربية زوج اختى و نوعها تويتا يارس بدانا الطريق من حلوان لحد اول طريق اسكندريه الصحراوى على سرعة 90 كيلو فى الساعه انتوا عارفين الزحمه بقى
بدأ الطريق الصحراوى و بدات اليارس تلعب على الطريق و انا وراه لحد ما فضلنا ماشين على طريق مصر الاسكندريه الصحراوى على سرعة 140 كيلو لحد ما وصلنا للرست و بعد كدا داخلنا فى طريق وادى النطرون و مشينا فيه على 160 الصراحه انا كنت خايف بس الطريق كان ناعم جدا و بيقولك اجرى بس الحمد لله بعد المشوار دع اطمنت لعربيتى جدا بس مش مستعد انى اوصل للسرعه دى تانى

29-04-2009 02:20 PM

ما شاء الله و الله أكبر
ربنا يبارك لحضرتك فيها و يبعد عنك شر طريقها
سبارك هي هي ماتيز (دايو) , كنت شاري ماتيز زيرو أول ما نزلت سنة 99
العربية دي ما شاء الله محترمة جدا
(طول ما بتحافظ على صيانتها)
كنت أنا و زوجتي بنستخدمها يوميا مشاوير عادية و سفر
بعد ما بعتها في 2004 (العداد أعلى من 150 كم) زوجتي حزنت جدا لدرجة البكاء
حفظكم الله