طلب عاجل من رجال الايبيزا الاشداء

معروض علي ايبيزا 98 متسقط ليها موتور 1400 وحالتها الخارجية مقبولة وصاحبها بيقول انه هايركب التكييف بتاعها لانه عنده -- العربية شكلا حلوة بس انا خايف من موضوع الموتور المتسقط ليها ده يا ريت تشاركوني الرأي - ولا خاب من استشار

أرجوك ابعد عنها و تجربتي مع الموتور المتسقط مش لطيفه و التكيف اذا كان مش نازل فيها حتشوف الويل.

أشتري عربيه اقل حاجاتها الاصليه فيها احسن

والله يا باشا لو ع الكلام اللي انت بتقوله ده تبقى العربية كوية جدا ولكن اذا كانت كل حاجة فيها معمولة صح

يعني الموتور متسقط كويس ع العربية والفتيس والفرامل والعفشة وهكذا .. العملية كلها يا باشا عملية تنسيق لو كانت كل الحاجات اللي قولت عليها دي متسقطة كويس وكل حاجة معمول حسابها ومتناسقة مع بعضها ..بيتهيالي يبقى العربية كويسة

ده غير طبعا الحالة .. يعني حالة السيارة اساسيات ودواخل وحالة الحاجات اللي انا قولت عليها دي .. واوعى يغرك شكل السيارة الخارجي ولا الاكسسوارات والكلام الفاضي ده

ياريت تركز ع الاساسيات وتخلي متخصص هو اللي يبص ع الحاجات دي بنفسه وتكون بتثق فه

ومتنساش ان الاسعار مش متظبطة كمان اليومين دول

ياريت تقولنا هو طالب فيها كام

وياريت تبقى تطمنا ايه اللي هيحصل وربنا معاك ويوفقك ان شاء الله

زى ما محمد قالك, اعرف اساسيات العربية عاملة اية الاول, و بعدين شوف الموتور حالتة اية و قيسة لو عايز, اعرف اية اخبار العفشة بردة.

العربية دية ال1400 عليها تحفة, بس لازم تعرف مين اللى سقط الموتور و الفتيس اللى فيها بتاع ال1000 ولا ال1400 عشان فية ناس بتسترخص و تركب على فتيس ال1000 فا بيتحرق بعد شوية.

و قلنا مطلوب كام عشان نعرف السوق وصل لحد فين. و بالتوفيق.

والله يا شباب انا سعيد بيكم جدا انتم فعلا جديرون بالاحترام ---- عموما هو طالب 32000 الف وانا هاشوف وهاسأل هلي كل اللي انتم وضحتوه وهارد عليكم فيها وربنا يوفق لكل خير

متهيالي السعر ممكن يقلق شوية