ليه شركات الادوية فى مصر مش بتهتم بالمستهلك
السلام عليكم
الحمد لله ربنا رزقنى بطفل يبلغ من العمر اقل من 3 شهور
وعمر الطفل اقل من 6 اشهر حساس جدا مع الادويه
الدكتور كان مره كتب له دواء
واكتشفت وانا بصرفه من الصيدليه انه لا يستخدم لأقل من سنه
الصيدلى قبل مايقول طلع النشرة وقراها قدامى وورانى التحذير
طبعا انا كل دواء قبل مااستخدمة للطفل بقرأ النشرة المرفقه به
المشكله بقى ان 80 /100
من الادويه بتبقى مكتوبة باللغه الانجليزيه
طيب ليه وهما عارفين ان الدواء ده هيتباع فى السوق المصرى
واصلا مصنوع فى مصر
وعمر مادول اوروبا مثلا ماهتستورد مننا الدواء
طيب ليه ماتبقاش كل النشرات باللغه العربيه
بالاخص ان المصطلحات الطبيه غير معروفه لاغلب الناس اللى بيعروفو انجليزى
ولا الاستخفاف بالمستهلك وباللغه العربيه وصل للدرجه دى
( ارجوكم حد يقولى انا عندى حق ولا لأ )