اخيرا تم بحمد الله حجز النيو اكسنت
والاستلام الاسبوع الجاي ان شاء الله
عاوز نصايحكم عند الاستلام....
عرض للطباعة
اخيرا تم بحمد الله حجز النيو اكسنت
والاستلام الاسبوع الجاي ان شاء الله
عاوز نصايحكم عند الاستلام....
الف مبروك يا ابو حميد و الله فرحتلك ، انت حجزت من غبور و لا من معرض و هتستلم امتى
الله يبارك فيك
حجزت من معرض السقا اللي عند الميريلاند...والاستلام في وسط الاسبوع ان شاء الله
الف مبرووووووووووك يا باشا و ربنا يباركلك فيها.
ياعمو خدها من التوكيل ونفس السعر . لان التاجر او الموزع احيان ياخد سيارات فرز تانى بها عيوب او ملاحظات بسعر اقل ويبيعها لك بنفس سعر السيارة الفرز الاول. فميزة الوكاله كل السيارات لاتخرج الا بفحص جودة لانها سمعتهم . وانا انصجك لوجه الله والسيارة ممتازة ومجربه
الف مبروك يا باشا و ربنا يديك خيرها و يكفيك شرها
تصدق انك كده قلقتني جامد.....وبعدين اعمل ايهاقتباس:
المشاركة الأصلية كتبت بواسطة akram2010
انا امبارح دفعت كامل تمن السيارة من التوكيل لقتها اضمن وهاخد اللون الى انا عاوزة تانى حاجة متخفش لان العربية لو فيها عيوب ترمهالهم فى التوكيل لان ليها ضمان - كمان انت هتستلم امتى انا قالولى على يوم الثلاثاء القادم وعلى فكرة ودة اكيد جدا جدا الدفعة موجودة فى المخازن ولسة الانذار مركبش علشان اتاخر لكن العربيات موجودة
ألف مبروووك يا باشا... و متقلقش من موضوع المعرض لو انت متأكد انه معرض محترم و متجرب و ليه سمعته... انا عارف السقا بس معرفش حد اشترى منه عشان يقولنا هل هو كويس و صادق ولا لأ...
المعرض المحترم بيفحص العربية اللي بياخدها من التوكيل كأنها ليه هو عشان سمعته... ان شاء الله تستلم على خير و تطلع العربية 100 100
ربنا يطمن قلبك يا استاذ غازياقتباس:
المشاركة الأصلية كتبت بواسطة ghazy12
بس محدش قلي اعمل ايه عند الاستلام واخد بالي من ايه
السلام عليكم .. الف مبروك أولاً .. ثانياً بص يا سيدى ..اقتباس:
المشاركة الأصلية كتبت بواسطة mhmdsfwt
1 - بص على الموتور و أتأكد إن كل الغطيان موجودة و ركبة كويس و ان مقياس الزيت موجود علشان واحد صاحبى أسلتم عربية سماوى من غبور من غير مقياس ..
2 - أتأكد من أن رقم الموتور و الشاسيه اللى على العربية هما هما اللى فى الافراج اللى هتستلمه
رقم الموتور هتلاقيه على الزجاج الامامى الورقة الخاصة بال PDI و رقم الشاسيه على استيكر شفاف أو أبيض أمام الطارة من بره على الزجاج و كمان تاريخ الافراج و دخول العربية مصر علشان محدش يضحك عليك بعربية متخزنة ..
3 - جرب التكيف و السنتر و متنساش وصلة الـ USB
الخاصة بالكاسيت و جرب الكاسيت و و فتح و قفل الابواب من جوه و من بره ..
4 - متنساش الايريال و الاستبن و شنطة العدة ودفتر الضمان و الكتالوجات
5- وأستلم العربية الصبح علشان فى أخ معانا أكتشف انه بعد ما استلم العربية لاقى فيها رطوش سودا و مش بتطلع
6- خد معاك شويه خمسات فكة علشان الناس اللى هتغلس و تيجى تغسل و تمسح العربية
7- متنساش الهدايا الى مع العربية .. دواسات و غطاء العربية و شماسة .. هما حاجات بسيطة و مش عارف ده فى المعارض كمان ولا فى التوكيل بس ..
ربنا يديلك خيرها .. ويبعد عنك شرها
و متنساش دعاء الركوب
"سبحان الذى سخر لنا هذا و ما كنا له مقرنين و إنا الى ربنا لمنقلبون "
الله ينور عليك يا باشا....جزاك الله خيرااقتباس:
المشاركة الأصلية كتبت بواسطة zx9r
اخى الكريم لو تاخد من تاجر فتش عن كل حاجه بس انا نصحتك من التوكيل افضل لان التوكيل سيسلمك السيارة مش ناقصه اى حاجه وتكون سليمه 100 فى 100 لان السيارة من الوكاله تخرج بعد فحص الجودة فهى اضمن واستلم وما تدور وراهم . لكن التاجر دور على الوصله حق الكاسيت والاريل والاسنبن كامل بالعدة حقه وفتش العربيه من تحت ودور فى كل حاجه .
تأجيل و تسويف و تأخير .. يبقى أكيد غبور :(
http://www.nilemotors.net/Nile/showp...&postcount=840
ألف مبرووك ياريت تقولنا مميزات العربية اه, وياترى البطارية الي مع العربية جافة ولا سائلة وكام امير؟
الف برك ياباشا
الف مبروك هى عربية شيك وجميلة ابقا قولنا اخبارها معاك ايه
الف مبروك عليك مقدما
عربيه جميله جدا و انا شخصيا بفكر فيها
حد عنده فاكرة هل الاتوماتيك بتاعها حلو و لا لا؟
3( - جرب التكيف و السنتر و متنساش وصلة الـ USBاقتباس:
المشاركة الأصلية كتبت بواسطة mhmdsfwt
الخاصة بالكاسيت و جرب الكاسيت و و فتح و قفل الابواب من جوه و من بره ..
4 - متنساش الايريال و الاستبن و شنطة العدة ودفتر الضمان و الكتالوجات
5- وأستلم العربية الصبح علشان فى أخ معانا أكتشف انه بعد ما استلم العربية لاقى فيها رطوش سودا و مش بتطلع
6- خد معاك شويه خمسات فكة علشان الناس اللى هتغلس و تيجى تغسل و تمسح العربية
7- متنساش الهدايا الى مع العربية .. دواسات و غطاء العربية و شماسة .. هما حاجات بسيطة و مش عارف ده فى المعارض كمان ولا فى التوكيل بس)
انا دفعت ثمن العربية 77000 جنيه امبارح الاحد في غبور شارع السلطان حسين بالاسكندرية وسئلت عن الهدايا بس الرد كان " يمكن يكون في المعرض مش التوكيل علشان التسويق بس مش في التوكيل!!!) هل من تعقيب؟
كمان سئلت عن البطارية وقالوا انها بطارية جافة 36 امبير وانها جاية كدة من بلادها...هل هناك عربيات فيها بطاريات جافة 45 امبير واخري 36 امبير؟
كمان قالولي ان لازم اروح اشيك علي الكاوتشات واظبط الهوا عند اي حد قبل ما الروح ارخص...
انا مستني المبايعة وقالوا خلال يومين تلاته.....لسه برضه ما فيش حد بيدي توقيت محدد....وكمان العربية عندهم لانهم قالولي اذا حبيت اخدها اروح اتأجر نمر مؤقته فأنا فضلت استني كمان 3 ايام وسبت العربية عنديهم والظاهر ان كل اللي حيروح حيتفرج عليها وربنا يستر ما تتبهدلش....:120146b
متشكر يا جماعة على ردودكم
والعربية ما شاء الله جميلة جدا
الف مبروك يا باشا ربنا يباركلك فيها ويكفيك شرها
انا ان شاء الله ناوى اشتريها ادعيلى ربنا يوفقنى
يلا عقبال حضرتك وان شاء الله نقولك قريب مبروك