الموضوع: اللى يبيع ماتش .. يبيع اى حاجة تانية وده لو كان ف حاجة تانية اصلا .

هل إنتهت كل المواضيع الهامه وحلت كل مشاكل مصر الإقتصاديه والأخلاقيه أعتقد أن هناك ما هو أهم بكثير لمناقشته وتداوله بما يفيد الجميع

لكل جواد كبوة .. مش معقول الاهلى هيحتكر البطولة بس برده لما الاهلى ينفض للبطولة المفروض تروح للى يستحقها .

لاعبي الزمالك قتلوا نفسهم امام الاهلى و كانهم فى حرب مع الكفار و قدام الاسماعيلى لعبوا زى حاجة مينفعش اقولها ..
يا راجل ده ابو جريشة جاب جول بركبته مش قصده .. هو فى بعد كده (....*) .

فريق الاهلى عامل كام عملية جراحية من اربع سنين لغاية الان !!! عدوا وانتوا تعرفوا .
الاهلى ساب حسن مصطفى و محمد شوقى وهو محتاجهم كمان راحوا اشتروا سيد معوق بديل لجلبيرتو فبالتالى لما جلبرتو بيغيب مبيبقاش فى هجوم من ناحية الشمال .
كمان كل لاعبي الاهلى تعرضت للاصابة و كفاية جوكر الملعب عماد النحاس اللى لحد الان مصاب و بركات كان مصاب فى اهم ماتش فى الدورى و ظروف زى الزفت ..

مـــاشــي الاهلى يستحق الدورى بنسبة 50 % .. بس متحصلش مهزلة علشان المنافس يفوز بالبطولة .
والله والله والله انا عندى الحرس وبترو جيت يفوزوا بالبطولة و هفرح لهم اكتر من الاهلى كمان .

بس الموضوع مش كده .. الموضوع ان الحاقدين على النجاح كتروا اوووى بس الواحد ماكنش متوقع انهم هيبقوا فى الرياضة كمان ..

المشاركة الأصلية كتبت بواسطة human12

عزيزى
الاهلى ماعندوش اى نجاح فعلى الا فى كوره القدم مش عارف الواحد حيبقى حاقد على نادى ليه؟
انا مش بحب النادى الاهلى و ديه حريه - ليه المفروض احب اشوفه بيكسب؟!!
يارب يخسر على طول ده شئ يسعدنى
و ده مالوش دعوه بحب مصر او انى مأجور و عميل و حاقد على النجاح و كل الاكلشيهات المحفوظه ديه

خاين وعميل ايه يا هيومان بس ... طبعا مش ده المعنى المقصود .

الشجرة المثمرة بتتحدف بالطوب .. ولو فريقك مش عارف يكسب اى بطولة فمن الافضل تسانده مش تساند فريق اخر علشان يكسب الفريق المنافس ..

مفيش حد فى الدنيا بيحب يشوف المنافس بيكسب . بس فى حاجة اسمها روح رياضية و تقبل للهزيمة مش كره و حقد و ابيع ماتشات علشان مشفهوش بيكسب .

عموما بقول للزملكاوية الملعب و الشرف مفيهمش ولاد عم ولا اخوات حتى . وبقول للاسماعلاوية ابقوا اربطوا اللاعيبة بتاعتكم فى الشجرة علشان الاهلى بيخطف لاعيبة اليومين دول .

اللي حصل طبعا غلط
و لكن لا يجب الوقوف عنده و تبرير الخطأ أو هبوط المستوى .

و ده حال الدنيا ....... يوم معاك و يوم ضدك .

الزمالك و الاسماعيلي مش بيحبوا بعض علشان موضوع حرب الاستنزاف و الكلام الفاضي ده .

الفريقين مشتركين في حاجة واحدة و هي أنهم فرق بطولات من الدرجة التانية في الدوري المصري .
يعني أيه ؟؟
يعني فرق لها جمهور كبير بيشعر أنهم فرق ممكن تنافس و دي حقيقة
و الحاجة التانية يعني درجة تانية
يعني بيأخدوا الدوري كل 10 الاف سنة .

و بالتالي بيشاركوا بعض كره الأهلي و تبرير نجاحه بأي حجة

الأول كانوا بيقولوا ان الأهلي بيأخد الدوري بالحكام حتى في أفريقيا و كأس العالم للأندية بيقولوا نفس الحجة .

طيب ليه لما الأهلي بيقع محدش بيجيب سيرة الحكام ؟؟؟؟؟

يبقى حجة الحكام دي حجة البليد اللي هو الزمالك و الاسماعيلي .

الحجة التانية
خطف اللاعبين
أكثر فرق تشتري لاعبين من الدوري المصري هما الزمالك و الاسماعيلي حسب الترتيب .

المشكلة ان الاهلي بيعمل صفقات ناجحة و بتأثر في مستوى الفريق ...... و بالتالي بيتم مقارنتها مع صفقات الفرقتين و بعدين مش بيلاقوا حاجة يقولوها إلا أن الاهلي بيفوز بخطف اللاعبين !!!!

طبعا الاهلي عمره ما خطف لاعبين .
و الدليل أن أغلب اللاعبين هما اللي بيكونوا عايزين يروحوا الاهلي و ده طبيعي نظرا لشهرة الاهلي الطاغية في مصر و كثرة عدد مشجعيه و تغلب العدد المشجع للأهلي لأي فريق أخر خصوصا الفريق الثاني في مصر و هو الزمالك و بعدين فريق الاسماعيلي الذي يوجد أغلب مشجعيه في مدينة الاسماعيلية فقط .


جماهير الزمالك عاملة زي العرب
فلسطين ضاعت بأيدهم و بسبب تخاذلهم جميعا حتى الآن ....... و مازالوا يلومون الولايات المتحده الصهيونية فقط على هذا .
مع ان الموضوع في ايدهم ....... اتحاد مع أخذ بالأسباب و نكران الذات ...... فلسطين هاترجع .

نفس القصة تنطبق على جماهير الزمالك و ادارته
مش عارفين يأخدوا الدوري و الفشل ملاحقهم في كل مكان ....... و مع ذلك يقولك ......أصل الأهلي بيكسب بالحكام أو مساندة الكاف و الفيفا ....... أو سرقة اللاعبين ....... و كأن الأهلي بيعمل للاعبية اللي بيشتريها .......ز تنويم مغناطيسي .

بالنسبة لتفويت المبارة ...... كانت واضحة جدا جدا و لكن لا يهمني ما يفعله الزمالك أو الاسماعيلي .
مازال للأهلي 3 مباريات مؤجلة يجب الفوز بها و في حالة فوز الاسماعيلي بمبارياته ....... تكون المبارة الفاصلة و التي يجب أن يفوز فيها الأهلي و يكون الدوري ده .......... أحلى دوري من سنين .

كفاية الاهلي عمال يفوز بالدوري في اخر سنواته ..... بكل سهولة و تفوق كاسح على منافسيه و الحصول على الدوري قبل نهايته بعدة أسابيع .

أما جماهير الزمالك المبسوطة علشان الاسماعيلي هاخد الدوري من الأهليي أحب أرسل لهم رسالة هامة

هذا لن يرفع من شأن الزمالك في شئ .
و لن يضيف إلى خزانة الزمالك بطولة اخرى .
و لن ينقص من الأهلي في شئ فخزانة الأهلي منفوخة و مليئة بالبطولات و الكئوس المحلية و الأفريقية و العالمية .

و كل الاضافة ستكون للنادي الاسماعيلي الذي أحترمه كفريق جدا ......... و أتمنى لهم كل توفيق و أتمنى أن تفوق فرقة الزمالك حتى يلتهب الدوري و يكون اقوى و اقوى .

و تحية لفريق انبي الذي ادى مبارة ممتازة امام الاهلي و بجد كنت حاسس اني بتفرج على ماتش سخن في دوري أوروبي .