فعلاً أنا أكتر حاجة بتضايقنى كمصرى أولاً قبل أن أكون أهلاوى هو كمية الكره الموجودة من جماهير الزمالك و الأسماعيلى ضد الأهلى و جماهيره.
أيه السبب........محدش عارف بالظبط
فى حد هيقول طبعاً الواقعة الشهيرة بتاعة أن الأهلى رفض يستضيف الأسماعيلى أيام حرب الأستنزاف.........كلام غير صحيح........وكنت قريت مقالة قبل كده مكونة من 3 حلقات عن الموضوع ده و الكلام كان من على ألسنة لاعبى الأهلى و الزمالك و الأسماعيلى فى هذا الوقت...........المقالة دى قريتها من مدة.....و لو لقيتها لسه موجودة هجيبهالكو.
فى حد واحد تانى بقى هيجى يقول الأهلى بيخطف اللعيبة.........هقوله عيب عليك..........فى حاجة أسمها أحتراف.......ولو بتسمى أن لعيب يحترف برة وبعد كده يرجع على الأهلى خطف لعيبة هقولك أمال محمد فضل و أحمد سمير فرج أيه ؟
أحمد مجدى و شريف أشرف أيه ( و برضه محدش يقول شريف أشرف وواقعة التزوير......أعتقد لو خطأ ضياء السيد هنعممه على النادى كله يبقى ممكن بالتالى نعممه على المصريين كلهم.......ما هو نفس المبدأ )
و ليه لما حسنى عبد ربه قال أنا عاوز ألعب فى الأهلى كانو هيموتو عيلته.......و لما هانى سعيد كان هيروح الأهلى الدنيا قامت و مقعدتش......بس لما راح الزمالك...........عادى جداً ولا أكن فى حاجة حصلت
و فى الأخر.............أحب أقول حاجة.......أنا نفسى فعلاً الأهلى ميخدش الدور السنة دى............عشان نفوق.
و لحد وقتنا هذا.....وبعد كل اللى بشوفة من الأخوة الزمالكوية و الأسماعيلوية.........لو فريق من الأتنين بيلعب مع أى فريق مش مصرى......بشجعهم من قلبى.......عشان هما مصريين......و أنا مصرى.
و ربنا يهدى الجميع والنفوس تصفى
يا أهلى يا حبى يا حتة من قلبى.
المفضلات