هتسمحولهــــــــــــــم؟؟ ؟..!!

**wesam_salom** · 10-05-2009 02:21 PM

لو الام مش موجوده

يعنى منفصلين او متوفيه

يبقى الافضل انه يتجوز

على الاقل ونيس له بعد الاولاد ما يكبروا

يعنى حق له لا يملك احد الاعتراض عليه

لو موجوده يبقى الموضوع يخصها هى اللى ترد عليه

ليه نحكم على انسان بالوحده وفقدان حق شرعى اقره الله

بس المهم يحسن الاختيار ويبلغ الناس واللى يعترض يخبط دماغه فى الحيطه

ونفس الوضع بالنسبه للام

حق اقره المولى عز وجل

**نور القمر** · 10-05-2009 02:44 PM

الموضوع هتختلف ردة الفعل فيه على حسب الحالة
يعني لو الام موجودة ولسه زوجة للاب اكيد الواحد هيمانع كنوع من الغيرة على الاب اولا ومراعاة لمشاعر الام ثانيا
اما لو منفصلين او طرف منهم غير موجود على قيد الحياة فحرام نكون سبب في حرمانه مما احله الله سبحانه وتعالى وحرام نكون سبب في حرمانهم من السعادة
صحيح هيكون في غيرة كبيرة على الوالد اوالوالدة بس مش لازم نكون انانيين
والموضوع هيكون اصعب على النفس خصوصا لو الام هي اللي هتتزوج مرة اخرى بس لازم نقاوم عشانهم

**powerofhelll** · 10-05-2009 03:19 PM

ده ابسط حق من حقوقهم انت مش متخيل ان بعد عمر طويل من التربيه و الدلع و بعد ده كله هيفضل و حيد او وحيده بعد كل واحد من الابناء يشوف حياته و بيته و يسبهم عايشين في وحده انا شايف ان دي حاجه بسيطه جداا ممكن تكون سبب في سعاده الي اسعدونا طول عمرهم

**madyyuri** · 11-05-2009 12:07 PM

بص بقي يا سيدي بما ان والدي اتجوز وخلفني فأكيد عرف انه ارتكب اكبر غلطة في حياته وطبعا لاممكن يغلطها تاني
بس خلاص

اما لو جينا للكلام الجد فطبعا من حقه هو انا هاحجر عليه دا حتي دي تبقي قلة ادب مني
اما بالنسبة لوالدتي
فاكيد اللي يتجوز أمي هاقولة يا عمي علي راي سعيد صالح
وزود الدقة في الكشري

**kareem_Ashmawy** · 11-05-2009 01:29 PM

المشاركة الأصلية كتبت بواسطة نور العمر

بصي يا ice
أنا مش حصوت عشان مفيش ولا اختيار قابل للتصويت بالنسبة لي
كل إللي عاوزة أقولوا ...
لو الوالدة عايشة ... مش نهاية المطاف إن الوالد ينفصل عنها ويتزوج أخرى ... المطلوب في الحالة دي ... انهم يحافظوا على علاقة الاحترام ما بينهم دون ضغائن طالما بينهم أولاد وعشرة فاتت .... وكتير بيكون الانفصال أفضل..
لو الأم غير موجودة .. فمش كل رجل يقدريعيش دور الأم والأب ويخدم نفسه وأولاده ... أكيد لازم يختار حد يسانده ... بس المشكلة هنا ... لا تتزوج لمجرد الزواج .. ولإنه حقك وشرع الله ... لا .. لازم تختار زوجة ... حنونة طيبة القلب ... تحب أولادك قبل ما تحبك ... عشان بس نتجنب المرض النفسي .. لزوجات الاب..
ده شرع ربنا بس لازم نستخدمه صح وبحكمة وفي الخير
مش بنية الكيد والأذى وإيقاع الضرر بزوجة سابقة وأولاد ملهومش ذنب
ربنا شرع ده للعفة ولنشر السلام والمودة والرحمة ... مش للأسباب الموجودة في زماننا حالياً للأسف...

والله المستعان على المقدر والمكتوب

+11111111111111111