كيف أعرف أن كتاوت النور فقدت صلاحيتها؟

**waleedrahmy** · 30-04-2009 12:42 PM

شكراً لتعاونكم ، النور قوي مفيش أي مشكلة، ولكن بعد أن قمت بتنظيف كابلات البطارية والأرضي تحديداً، زالت المشكلة بتاعة الكلاكس، لكن إحساسي بوجود تحميل كهربا لما أشغل النور العالي ما زال موجود.

لا شكر علي واجب ....................ووجود أحساس تحميل الكهرباء عند تشغيل النور العالي ده طبيعي

**abouzaid555** · 01-05-2009 01:31 AM

اكد ياباشا على توصيلات الكابلات بتاعت البطارية و اربط الارضى فى العربية كويس و ان شاء الله الموضوع يبقى بسيط

**samirayad** · 01-05-2009 12:01 PM

المشاركة الأصلية كتبت بواسطة battikh

شكراً لتعاونكم ، النور قوي مفيش أي مشكلة، ولكن بعد أن قمت بتنظيف كابلات البطارية والأرضي تحديداً، زالت المشكلة بتاعة الكلاكس، لكن إحساسي بوجود تحميل كهربا لما أشغل النور العالي ما زال موجود.

على فكره أنا مازلت شاكك فى كفاءة أمبير الشحن اللى خارج من الدينامو........ولما نظفت الأرضى زاد معدل هروب ومرور التيار للأتصال الأرض للسياره من عند أرضى البطاريه ( والطريق بقى أكثر سهوله لمرور التيار )......ودى برضه سبب كلامى الحالى ليك

المشاركة الأصلية كتبت بواسطة battikh

أنا بالفعل قست الدينامو على سكانر وكان شحنه كويس!!!! كان تقريبا 13/14 ولما بنشغل الأنوار ينزل 12 ، المهندس قالي كويس، هل كده شحن الدينامو كويس ولا فيه مشكلة

ياريت تعرف منه هو قاس أيه بالضبط ( الفولت بس ......ولا قاس الأمبير كمان ).........وقاس الفولت من أى مكان .....لأن لو كان قاس الفولت من مكان غير الطبيعى للتأكد من خرج الدينامو .....ممكن يخطأ ......ويكون قاس فولت البطاريه مش الدينامو...........والمفروض لقياس قولت الدينامو الخارج منه صح ......بيفصل الكبل اللى رايح للبطاريه من الدينامو ......من عند مسمار المارش الموجب ( لكى لايحدث تداخل أثناء القياس ويكون قاس فولت البطاريه مش الدينامو )...............مع العلم أن الأمبير أيضا ( أفتكر بيكون أمبير الشحن الطبيعى من 20 الى 40 أمبير تقريبا ودى حدوده وأقل غير مطلوب وأكبر غير مطلوب ) بيقاس ببنسة أمبير بتوضع حول كبل الشحن الخارج من الدينامو الى البطاريه