لو عملنا مقارنة وقياس بين أنفلونزا الطيور والخنازير هنلاقي أن :السؤال هنا بيطرح نفسه هل احنا فى مصر قادرين على مواجهه المرض ولا هياخد ناس كتير فى طريقه
1- أنفلونزا الخنازير عندها قدرة أكبر في الأنتشار لأنها بتنتقل من أنسان لأنسان عكس أنفلونزا الطيور بتنتقل من الطيور الي البشر معني كدة أن لو بصينا في مصر هنلاقي في شهور معينة في السنة بتنتشر فيها الأنفلونزا العادية لو بصينا أيه السبب هنلاقي بالأضافة لعامل الجو عامل الأنتشار بين البشر لو حت ماشي في الشارع وواحد جنبك عطس أنت أتعدين فوراً وبتروح البيت تعدي كل الموجودين في البيت .
2- الخنازير المصابة بالأنفلونزا لا تظهر عليها أعراض الأصابة والخنزير بيفضل عايش بشكل طبيعي ولا يتم التعرف على أصابته الا بتحليل دمه على عكس الطيور اللي بتموت لما تصاب بأنفلونزا الطيور .
3- فيروس أنفلونزا الخنازير هو فيروس فتاك يجمع في صفاته وقدراته بين أنفلونزا الطيور وأنفلونزا الخنازير وأخيرا انفلونزا البشر يعني 3 في 1 .
4- لو عملنا عملية قياس لأداء الحكومة والشعب في مواجهة فيروس أنفلونزا الطيور هتلاقوا النتيجة بشعة وهي أن مصر تحتل المركز الأول في عدد الأصابات والوفيات على مستوى العالم يعني عدينا بلد زي الصين فيها مليار ونص بني آدم وشوف الشعب المصري عادي جداً بيربي فراخ وبيلعب مع الفراخ كأنها أخواته ومن باقية أهله يبقى النتيجة هتكون أيه .
- اللي مفكر أن قتل الخنازير بس هيمنع أنتشار الفيروس غلطان .
- واللي مفكر أن الأحتياطات الطبية والأمنية على الموانئ والمطارات هتمنع المرض غلطان .
- واللي مفكر أن فيروس أنفلونزا الخنازير مش هيتحور لفصيلة تانية أكثر فتكاً من ما هي عليه دلوقتي غلطان .
فلتذهب كل الخنازير ومن يدافع عنها الي الجحيم ولتذهب السياحة ومواردها ومن يدافع عنها على حساب حياة الشعب الي الجحيم .
اللهم أنا لا نسألك رد القضاء ولكن نسألك اللطف فيه .
المفضلات