هل تعرف السبب الحقيقي لحادث الطريق الدائري ؟؟

**nasr-eldeen** · 30-04-2009 03:01 AM

المشاركة الأصلية كتبت بواسطة BASKOTA

معاك حق بس انا بلوم السائق اكتر من مالك السيارة لان المالك مش هو اللى بيغامر بروحه وبحياة الاخرين وهو سايق فالسائق من باب خوفه على نفسه عالاقل لازم يشيك عالعربية قبل ما يمشى بيها

ألف شكر

ولكن من المعروف أن سيارات النقل والنقل الثقيل على الأخص 99.9% من ماليكيها كانوا في الأصل سائقين أو على الأقل عندهم خبرة كبيرة بالسيارة .
وبعدين هناك سائقين لا يقبلون التحرك بالسيارة إلا إذا كانت آمنة تماماً .
وهناك سائقين يعلمون أن السيارة بها أعطال ويتحركون بها على مضض لتحصيل لقمة العيش .
وهناك سائقين يعلمون أن السيارة بها أعطال ويتحركون بها كما لو كانت زيرو بل ويقومون بإزعاج من على الطريق على إعتبار أن وصولهم من النقطة( أ ) إلى النقطة( ب ) في زمن قياسي هي دي الشطارة .
زي الشخص قائد هذه السيارة .

http://img513.imageshack.us/img513/4429/dsc01149j.jpg

من موضوع الأخ العضو .
salsapopo

صورة من على الدائري ......
http://www.nilemotors.net/Nile/newre...reply&p=817022
وألف شكر لكم جميعاً

**lancerevolution** · 30-04-2009 03:02 AM

إزاى يا راجل الطرق كلها سليمة و واسعة و مستوفية الشروط أنت ما بتشوفش الناس الى بتسابق على الطرق السريعة و العربيات فيها فرامل و موتور بيمشيها ببركة دعا الوالدين ماركة الى بيحب النبى يزق أي نعم بس بيكمل المشوار لوحده لحد الأخر
و بعدين إزاى العربية مفوته دى مظبوطة زى الساعة و إزاى بتقول العربيات ما فيهاش أنوار ما الطريق منور أهو و كله عمدان نور و زئبقية كمان يعنى بتتسابق تحت الأضواء الكاشفة و بعدين عربيات السباق ما بيبقاش فيها نور أو كشافات بتسحب كهربا متعرفش إنهم غلوها
و بعدين لو لقدر الله حصل حادثة بتلاقى سرعة رد فعل من رجال الإسعاف و المطافى و الشرطة دول بيجوا قبل الحادثة دا غير الكماين الموجودة فى كل مكان و بيمسكوا السيارات المتجاوزة السرعة القانونية يعنى مثلا أقصى سرعة 60 يمسكوك من أول 60.5 دقة فى الأداء ربنا يحميهم
دا غير الدوريات الى ملية الطريق و عاملين زحمة
باين على حضرتك مش عايش فى البلد خالص

طبعا كل كلام حضرتك مظبوط و الكوسة الى فى المرور دى بشوفها بعينى فى موقف شبين الكوم منوف و سيارات الأجرة فى منوف صناعة تحت بير الزلم فى مصر
ربنا يحفظنا من كل سؤ و يهدينا و يصبر أهالى المصابين و المتوفين