بيكانتوا اتو

**mizamega** · 01-05-2009 12:42 AM

شكرا لاهتمامكو بس انا عايز اعرف لوانا جبتا لجوة القاهرة يعني استعمال خفيف اوي مشوير بسيطة هتمشي ولا هتارفني

**M.ABDEEN** · 01-05-2009 12:51 AM

المشاركة الأصلية كتبت بواسطة mizamega

شكرا لاهتمامكو بس انا عايز اعرف لوانا جبتا لجوة القاهرة يعني استعمال خفيف اوي مشوير بسيطة هتمشي ولا هتارفني

يا راجل مش للدرجة دي انا اعرف واحد جايبها وبينزل بيها كل فترة من الغردقة للقاهرة والعكس لو هي في حدود امكانياتك توكل على الله وهاتها ومش هتندم

**mizamega** · 02-05-2009 12:37 AM

طب هوا جيبها اوتو بردو ولا منيول

**M.ABDEEN** · 02-05-2009 03:58 AM

المشاركة الأصلية كتبت بواسطة mizamega

طب هوا جيبها اوتو بردو ولا منيول

لا هو جايبها مانيوال هاف اوبشنز ....انا معاي اتو وزي الفل ورحت بيها العين السخنة مرتين مرة منهم بليل قوي وكنت ماشي مابين 140كم/ساعة و 160 كم /ساعة فعلا هي واسعة من جوة مقارنة بشكلها من برة بس طبعا حضرتك ما تكونش طويل قوي علشان اللي ورا يعرف يقعد واقتصادية جدا في البنزين لدرجة الرهان اني مرة طلعت من قرية واحة الحجاز في العين السخنة (اتجاه الغردقة)قبل بورتو سخنة بحاجة بسيطة وكان معاي ثلث التانك وكنت قارص لغاية 145كم/ساعة وقبل القاهرة ب 50 كيلو اللمبة نورت بتاعت البنزين وساعتها مشيت زي ........باقيت ماشي بسرعة 60كم/ساعة علشان استهلاك البنزين يقل وكنت حاطت ايدي على قلبي وكملت وطلعت اصيلة لغاية مدخلت التجمع الخامس محل سكني علشان املء بنزين 92 بجد عربية اصيلة وغالية

**ahmed azab** · 02-05-2009 12:27 PM

المشاركة الأصلية كتبت بواسطة mohammedsamirabdeen

لا هو جايبها مانيوال هاف اوبشنز ....انا معاي اتو وزي الفل ورحت بيها العين السخنة مرتين مرة منهم بليل قوي وكنت ماشي مابين 140كم/ساعة و 160 كم /ساعة فعلا هي واسعة من جوة مقارنة بشكلها من برة بس طبعا حضرتك ما تكونش طويل قوي علشان اللي ورا يعرف يقعد واقتصادية جدا في البنزين لدرجة الرهان اني مرة طلعت من قرية واحة الحجاز في العين السخنة (اتجاه الغردقة)قبل بورتو سخنة بحاجة بسيطة وكان معاي ثلث التانك وكنت قارص لغاية 145كم/ساعة وقبل القاهرة ب 50 كيلو اللمبة نورت بتاعت البنزين وساعتها مشيت زي ........باقيت ماشي بسرعة 60كم/ساعة علشان استهلاك البنزين يقل وكنت حاطت ايدي على قلبي وكملت وطلعت اصيلة لغاية مدخلت التجمع الخامس محل سكني علشان املء بنزين 92 بجد عربية اصيلة وغالية

يعني اللي مع حضرتك بيكانتو اتوماتيك موديل كام
معدل التسارع بتاعها اخباره ايه علي السرعات الاولي ومدي تجاوبها مع التكيف ومن غيره مع اربع اشخاص مثلا وحجم الشنطة مناسب
وياريت ملاك العربية دي او من مجربيها اتوماتيك يشاركونا

**mizamega** · 02-05-2009 12:51 PM

ايو انا كنت عايز اسال نفس الاسالة دي ولو هية موديل 2009 هية فيها كست سي دي ولا لا

**mecho_392** · 02-05-2009 07:34 PM

انا لو مكانك هجيب جيتز طبعا لانى مش بحب الاوتو و كمان الجيتز هتبقى مريحه جدااااااا مع التكييف و التحميل و كمان فيها كل الكماليات اللى مش هتلاقيها فى البيكانتو.

مرايات كهرباء

4 زجاج كهرباء

جلد لطارة الدريكسيون

جلد على الفتيس بلون الفرش

cd مع usb , aux

واسعه و قعدتها حلوه

فرش جمييييييييييييييييل بألوان مختلفة

و طبعا سنتر و انذار و الذى منه...

و فى الاخر هيبقى معاك طياره 1600 سى سى.

او شوف السيريون 1000 سى سى بردوا قعدتها حلوه اوووووى بس مانيوال.

**mizamega** · 02-05-2009 11:11 PM

شكرا ليك بس الجيتز الاوتو بتعها غالي

**mecho_392** · 03-05-2009 12:27 AM

المشاركة الأصلية كتبت بواسطة mizamega

شكرا ليك بس الجيتز الاوتو بتعها غالي

يا باشا هات المانيوال لكن لو مصر على الاوتوماتيك علشان اريح يبقى مفيش غير البيكانتو او i10.. بس

حرااااااااااااااااااااااا ااااااااااااااااااااام

انا معايا i10 مانيوال و العربية سحبها كويس جدا و مع التكييف معقوله لكن تخيل الاتوماتيك مع التكييف (اعتبر الاتوماتيك بينقص من عزم المحرك زى التكييف) يعنى كأن العربية ضعفت مرتين زى تشغيل التكييف.. بجد هتبقى خنقه و هتخليك تضطر تقرص على العربية و الاستهلاك يزيد..

و ان شاء الله اللى معاهم الاوتوماتيك يقولولك.. لكن انا شايل هم الصيف شهر 7-8-9 و بالذات اغسطس هتشغل التكييف حتى بالليل و طبعا الصيف دايما زحمه بشكل غير عادى (لو مانيوال هتفضل تنقل و تمور لما تتخنق من نفسك و لو اتوماتيك هيبقى اريح بس العربية تقيله)

ربنا يوفقك