واحد قابلني في وشي ماشي عكس الاتجاه واتمسك!!!!!!!

**ramylanos** · 30-04-2009 03:42 AM

وانا ماشي النهارده في شارع السلطان حسين في اسماعيليه وللناس الي مش عارف اسماعيليه ده شارع رئيسي في اسماعيليه

المهم

لاقيت بدون مقدمات عربيه يارس ملاكي القاهره جايه عكسي في وشي وجاي دايس لاقيت امين طلع وراه ووقفه قدام الكبوت عندي متخيلين المنظر وفي شارع رئيسي والساعه 9 بليل يعني البلد فيها حركه لسه:10D5C8~1107:

الضابط جه ورجعه وقله كده غلط وده عكسي وجه قلي معلش علشان هوه من القاهره ومش عارف الطريق قلتله ولا يهمك وانت راجل محترم علشان نصحته كده وسيبته

تحيه بجد للضابط مرور الاسماعيليه

بعكس الي حصل لواحد صحبي في مصر

دخل حته عكسي الساعه 4 الفجر جنب رمسيس والطريق فاضي طلعله ضابط من تحت الارض واخده مخالفه عكس الاتجاه وحبس وقله ادب.بس الحمد الله خلصت(انا اصلن من القاهره يا جماعه بس قاعد في اسماعيليه علشان محدش يقول اني بشتم في القاهره ومرورها)

بس بجد فرق الموقفين مذهل بجد

**merosss** · 30-04-2009 04:06 AM

الضابط بتاع الاسماعيلية دة راجل محترم بس فى سؤال هل الشارع دة فى اى حاجة بتوضح انة اتجاة واحد ولا هو شارع معروف واى حد غريب مش مشكلة يدخل عكس ويتحبس لو ضابط رخم (وما اكثرهم قابلة ) ورمسيس وبعض المناطق المهمة فى البلد معروف انهم موجودين فيها وبيطبقوا القانون 24 ساعة و فى مناطق تانية تحس انها مستقلة بذاتها وملهاش دعوة بيهم وعربيات اجرة من غير نمر وسواقين تحت السن القانونى عادى

**ramylanos** · 30-04-2009 04:13 AM

باينه جدااااا شارع رايح وشارع جاي وبينهم جزيره

انا اصلن مش عارف هوه دخل ازاي كده الا بقه لو افتكر اسماعيليه ماشيه زي بريطانيا

**merosss** · 30-04-2009 04:23 AM

المشاركة الأصلية كتبت بواسطة ramylanos

باينه جدااااا شارع رايح وشارع جاي وبينهم جزيره

انا اصلن مش عارف هوه دخل ازاي كده الا بقه لو افتكر اسماعيليه ماشيه زي بريطانيا

ههههههههه بمناسبة بريطانيا واحد صحبى كان فى قبرص وهما ذى انجلترا كدة وسايق عربية خالوا وراح دخل غلط مسك اليمين وخالو معاة راح لحقوا ورجعوا بسرعة جدا انا متخيل لو اتمسك فى قبرص من غير رخص وماشى عكس دة ممكن يدخلوا مستشفى الامراض العقلية

**ابوهاشم** · 30-04-2009 04:27 AM

ربنا يباركله
انا لسه النهارده ماشى فى شارع فى المعادى اتجاه واحد وبصراحه كنت قارص ومش متخيل ابدا انى هلاقى قدامى ميكروباص جاى عكسى
ربنا ينتقم منه هو واللى زيه لانى كنت هلبس فيه لولا ستر ربنا
ومشى عادى ولا كأن فى اى حاجه غلط
هما دول حلال فيهم الحبس
لان ماحدش بيهمهم ابدا
واخدنها بلطجة

**max_ziro** · 30-04-2009 09:14 PM

انا بردو من القاهرة و مقيم ف الاسماعيلية
و اتمسكت عكسى ف شارع الغابة و طبعا دة كلة عشان التحويلة غريبة الشكل الى عملوها بين الغابة و العشرينى و انا اصلا مش مركز انا لقيت نفسى طالع و ماشى عكسى ولا كأن فى حاجة و فجأة متوسكل مرور جاى فوشى و الحمد لله ربنا سترها و الموضوع خلص كدة منغير مشاكل الحمد لله الراجل كان محترم خالص ...