اقتباس المشاركة الأصلية كتبت بواسطة tutankhamoun مشاهدة المشاركة
طبعا ياباشا بروتون عندها خطط لتطوير محركات أكبر للمحرك كامبرو
يعني ناويين يعملوا 2000 و فيه 1800 بس لسه مش راكب في عربيات من بروتون و أعلنوا عنه في أغسطس 2008

و كمان فيه أبحاث شغالة على المحرك الديزل الكامبرو.

و فيه أبحاث شغالة على كامبرو هايبرد مع لوتس .....
أحتمال المحركات دي تظهر بعد سنتين أو ثلاثة .
بس خلي بالك السوق الأوروبي مش بتاع مواتير كبيرة .
علشان البترول هناك غالي قوي و الضرائب عالية و الحكومات هناك مش بتشجع العربيات كبيرة الحجم و كبيرة المواتير علشان البيئة و علشان الشوارع برضه صغيرة و أصغر من مصر بكتير و مينفعش يبقى عندهم عربيات سيدان كتير و عربيات كبيرة .
الشوارع هاتتسد .

ده غير أن الضرائب عالية قوي على المحركات الكبيرة .
تعرف أن بروتون عملت المحرك 1300 مخصوص علشان تنوع المواتير في أوروبا علشان نفس السبب .
و الجين 2 بتتباع في أنجلترا بموتورين ..... 1300 و 1600

على فكرة معلومات على الماشي عن الموتور 1300

قدرة حصانية ..... 94 حصان من غير IAFM
و 98 حصان ب IAFM

العزم كان 120 نيوتن - متر من غير IAFM
و أصبح 113 نيوتن - متر ب IAFM

أضافة تانية
تكنولوجيا IAFM
لما ركبت في الموتور الكبير .... حسنت العزم ......... بس لا قل و لا زاد .و برضه القدرة الحصانية فضلت زي ما هي .

إنما هما غيرو مواصفات الموتور الصغير و زودوا القدرة الحصانية .... و العزم قل حاجة بسيطة .

بس بيني و بينك الجين 2 ال 1300 هاتبقى طلعتها مش ظريفة
تخيل العربية 1230 كجم و راكب فيها موتور صغير زي ده ........ أكيد هاتبقى تقيلة قوي في الطلعة الأولى .

إنما أكيد الموتور ده مبدع مع العربيات الصغيرة التانية زي الساجا مثلا اللي هاتنزل مصر قريب إن شاء الله .
العربية وزنها 1050 كجم مع الموتور الصغير ده أو حصان كبير .......
ده فرقه عن الموتور ال 1600 ......... 10 حصان بس ...... أو 12 .
يعني كلام فاضي .
معلش يا باشمهندس الكلام خادني و أتكلمت كتير و خرجت برة السؤال .
و أرجوا أن الاجابة تكون وافية لحضرتك .

طولت ايه بس يا باشا دا كلامك الواحد و الله ميشبعش منه ابداً
كفايه اني بحس ان المعلومة نفسها محترمة

شاكر جداً لتعبك و علي الاجابة الرائعة للسؤال بتاعي
وتقبل تحياتي اخي الفاضل