بصي.
السواقه في مصر مختلفه.
احساس مختلف:
لما الواحد يكون خارج من البيت ويركب عربيته ويبدأ المشوار وكأنه خارج في مهمه حربيه.
وجميع حواس جسمه متأهبه تحسبآ لمفاجأه هو عارف ومتأكد انها حتيجي من شخص غبي... ومع ذلك في انتظارها.
بريق مختلف:
تلاقي عينيكي بتلمع بالليل ومش شايفه حاجه نهائي لما حد يضرب الزينون في وشك. ولا حياة لمن تنادي.
وبالطريقه دي وتدريجيآ بنفقد حاسة البصر(لاقدر الله) وهي إحدي الحواس التي تشعرنا بالاحساس المختلف.
أسلوب قياده مختلف:
في كل دول العالم أ ب قياده. انك تستخدم حزام الامان وتكون حريص علي استخدام الاشارات عن الركن او الاتجاه يمينآ او يسارآ...
لكن عندنا في مصر تلاقي سواقين الميكروباص فئتين:
1- منهم راكب عربيات ميكروباص زيرو وده تلاقيه علي الطريق السريع طاير ومقفل العداد وغرز يمين في شمال. وطبعآ ماعندوش وقت يدي اشارات . كل اللي عليه يرعش نور لو جاي من وراكي... علشان (وسع لوحوش الاسفلت)...(آسف. نعوش الاسفلت).
2- منهم راكب عربيه ميكروباص 1/4 عمر... وده بتلاقيه جوا البلد. ومافيش معاه حاجع غير الفرامل... كل شويه تيييييييييت ويقوم ضاب فرامل علشان يطلع ولا ينزل زبون...
ودول بقي الحرص كل الحرص منهم. ومن التعامل معهم.
حاولي تتكيفي مع وجودهم وتتجنبيهم قدر الامكان.
المفضلات