مشكله فى لانوس ارجوا من الخبراء الاهتمام

**AHMEDCAR** · 30-04-2009 12:39 PM

السلاموا عليكم يارجاله

انا عندى مشكله فى عربيه صديق لانوس 2004 فول اوبشن

كل الحاكيه انها فى يوم الصبح مادرتش خالص و كلمنى قولتله غالبا الطرمبه

فخبط عليها العربيه دارت و مشيت زى الفل لمده يوم و بعديها فصلت تانى قومنا رايحيين للميكانيكى قالنا لازم تغيروها

المهم غيرنها و العربيه مشيت زى الفل لمده يوميين و بعديها عملت نفس المشكله

افيدونى رجاء ايه العيب ده

العربيه حاليا معايا لان صحبى سافر و سيبهالى و انا مش عاوز الصنايعيه يشتغلونى

**KoDaK_Gti** · 30-04-2009 05:28 PM

طيب انت لما بتدور ايه اللى بيحصل بالظبط ؟
وجرب تقيس الشرارة اللى رايحة للبوجيهات بردو علشان تطمن ع الموبينا
وبردو شوف قوة ضخ طرمبة البنزين كويسة ولا لاء

**Drift_Lover** · 30-04-2009 06:45 PM

1- أكد علي كتاوت الطلمبة: وده في علبة الفيوزات والكتاوت الرئيسيه في حوض الماكينه.

2- اختبر الموبينه : شوفها مطلعه كهرباء للبوجيهات ولا لأ.
افصل سلك سلك بالراحه من ناحية الموبينه في منطقه ضلمه وقربها من الموبينه وشوف الشراره.

ووالينا بالجديد.
وان شاء الله مش حتبعد عن الحاجتين دول.

**samirayad** · 30-04-2009 06:58 PM

فخبط عليها العربيه دارت و مشيت زى الفل لمده يوم و بعديها فصلت تانى قومنا رايحيين للميكانيكى قالنا لازم تغيروها

المهم غيرنها و العربيه مشيت زى الفل لمده يوميين و بعديها عملت نفس المشكله

غالبا العيب ده .....حيكون بسبب عدم جودة أتصال بين ( نتاية الفيشه بتاعة الضفيره اللى رايحه للدكر ....اللى على الطلمبه )..........................

_ وأنا شاكك أن فيه بوش فى النصف النتايه .......علشان لما خبط عليها أول مره .....دارت

_ ولما ركبتوا الطلمبه الجديده ....كان الأتصال لسه كويس .....ومع شغل الطلمبه والأهتزازات .....رجعت ريما لعادتها القديمه ........وحصل بوش تانى......وده اللى عمل الظاهره دى..............._ أنا فعلا شايف أن التصور ده منطقى جدا......ومفيش عيب فى الكتاوت .....والطلمبه القديمه سليمه كمان...........

_ أتمنى أن أكون وفقت فى تصور هذا العيب ( والذى أعتبره من العيوب الخبيثه ).........

_ وبرضه الله أعلم .....يمكن يكون فيه حاجه تانيه......بس ده تصورى الحالى ناحية هذه الظاهره........ويجب أستبعاد العيب من هذه الجهه أولا .....................

_ وعلشان تتأ كد من كون تحليلى ممكن يكون السبب ولا لا ......خبط تانى على فيشة الطلمبه .....أو أمنها كويس .....وجرب ......قبل مرحلة العلاج المطلوبه

**waleedrahmy** · 30-04-2009 07:18 PM

هو ده الكلام لازم نبص في العيوب الصغيرة جدا قبل ما ندور علي الكبيرة .............برافو عليك يا هندسة كلية هندسة رجالة الدايووووو

**samirayad** · 30-04-2009 07:26 PM

المشاركة الأصلية كتبت بواسطة waleedrahmy

هو ده الكلام لازم نبص في العيوب الصغيرة جدا قبل ما ندور علي الكبيرة .............برافو عليك يا هندسة كلية هندسة رجالة الدايووووو

شكرا أخى الفاضل : وليد باشا رحمى ......على زوقك دا كله

_ وخالص شكرى أيضا لأخى الفاضل : الأستاذ / حسام

**AHMEDCAR** · 30-04-2009 08:20 PM

شكرا يا رجاله على الردود الجميله دى كلها

بس العيب طلع انها من كتاوت الطلمبه فعلا كانت بتضعف

الف شكرا للجميع

**Drift_Lover** · 30-04-2009 08:27 PM

1- أكد علي كتاوت الطلمبة: وده في علبة الفيوزات والكتاوت الرئيسيه في حوض الماكينه.

2- اختبر الموبينه : شوفها مطلعه كهرباء للبوجيهات ولا لأ.
افصل سلك سلك بالراحه من ناحية الموبينه في منطقه ضلمه وقربها من الموبينه وشوف الشراره.

ووالينا بالجديد.
وان شاء الله مش حتبعد عن الحاجتين دول.

شكرا يا رجاله على الردود الجميله دى كلها

بس العيب طلع انها من كتاوت الطلمبه فعلا كانت بتضعف

الف شكرا للجميع

عيب يا ابو حميد...
دي مشكلة الكتاوت دي جننتني قبل كده. وعملتها معايا في اماكن واوقات صعبه.

المكان : طريق مصر الاسكندريه الصحراوي.
التوقيت: 4 ص.
المشكلة : العربيه بدأت تقطع وتدوس بنزين مافيش استجابه نهائي وكأن الدواسه مش موجوده.... وبعدين بطلت وانا ماشي 120 كم/س.
( انا ذكرت المكان والتوقيت ووصف الموقف علشان الناس تاخد بالها من خطورة اللي حصل )
العربيه بطلت وحلفت ماهي دايره.

بداية الشك كان في طلمبة البنزين.
بس قلت الاول اشيك علي الكتاوت والفيوزات.

الحل:
الحمد لله امشكله طلعت من كتاوت طلمبة البنزين مهزوز (ودي رابع مره تحصل معايا)
فكيته وثبته كويس.
وكله تمام.

http://www.nilemotors.net/Nile/showp...5&postcount=55
والحمد لله ان المشكله طلعت بسيطه.