هيييييييييييييييييييييييي ييييييييييه
أنا رايح أشترى واحدة قولى أنت رايح إمتى عشان نروح سوى و نستفيد من العرض بس هل ساندوتش الطعمية الى بالطحينة
الطحينة الى عليه حمرا ولا بيضا :36_1_35[2]:
تسلم يا باشا على الموضوع الجميل اوي ده بجد خلاني اسرح بخيالي شويه ومت من الضحك انا وزمايلي في الشغل
بس المشكله انا محتار اغير واجيب ال sti موديل 2019 ولا خليني في اللي معايا موديل 2017 عشان انا سمعت ان الجديده بتعوم بعد 220 غير اللي معايا ثابته عن كده بكتير :)
لا اوعى تصدق دى اشاعات انا جربتها جامدة وثابتة بعد 400 ايه 220 دى هو لسة فى حد بيتعلم السواقة ولا ايه
فاكرين زمان ايام ما كان فيه توكيل لكل نوع عربية؟
و كانوا بيستغلونا و مغليين قطع الغيار و يقول لك لو عملت حاجة براني ح تطلع من الضمان؟
شوف الزمن .. بقيت تقف في اي كشك صيانة لو معاك اي نوع ح يشتغلوا لك فيه!
بس العيب ان ملحق الاهرام الواحد مش بيقدر يكمل فيه بعد ربعميت خمسميت صفحة من اعلانات الاكشاك دي!
وبرده زمان كان الواحد لازم يمون العربيه فى البنزينه .... مش بكروت شحن زي دلوقتي ... حاجه رائعه وبيقولو شركه موبينيل بتاعت الموبايل بتاع زمان ناويه تندمج مع شركه موبيل ويعمولوا كروت شحن وشحن عالهوا لجميع انواع البنزين
ههههههههههههههههههه الله يجازيكم خير...اليوم بدأ بضحك ويارب يختم بضحك برضو..
بعد 2019 لو عشنا
عربيتى البورش الـ1011 مش واخده على بنزين الطيارات محدش يعرف بنزينة تمويل للصواريخ علشان خاطر البيكات ما تتسدش ؟ :C_laugh[1]::C_laugh[1]::C_laugh[1]:
يا جماعة .. انا قرفاااااااااااااااااااااا ااااااااااااان .. لسه جايب بوجاتي فيرون 3400 حصان من 0:100 كتبين في 0.5 ثانية ولقيتها بتوصل في 0.6 ثانية .. انا مش عارف انام من الحوار دا . قرفان ورامي العربية في الجراج تحت ومش طايق ابص عليها .. افففففففففففففففففففففففف فففففف
اعمل ايه ارجعها وابهدلهم في التوكيل والا ايه
لا متسكتش ده غش تجارى
رجعلهم اصلا 0.5 كتير ازاى هترضى ب 0.6 لالالالالالالالالالا
دى متنفعش خالص
طيب احنا هنستنى لما تجربوها وتقولولنا
والله انا بقول بردوا .. دا انا صحبي معاه عربية اسمها زوندا .. ومتجمعة محليا .. وبتجيب 100 في 0.3 ثانية بس..
فى سنة 2019 لو لسه معايا الشاهين و الماروتى حلاقى ميكانيكى كويس يصالحهم لو فيهم حاجة
ممكن تلاقى طبعا بس هياخد منك كتير عشان يرضى يشتغل فى الحاجات القديمة دى
اوفرلك تشترى واحدة عالزيرو
تخيلوا يا شباب شركه تي اي داتا عملت النت بسرعه 5 تيرا فى الثانيه ب 100 جنيه بس
يا بلاش ... فين ايام زمان ايام ال ميجا و 2 ميجا
ياااااااااااااااااااااااه متفكرنيش ده الواحد حاسس انة قاعد على 1 ميجا دلوقتى التيرا برده مش قد كدة مفيش احلى من الديال اب بتاع زمان بتاع ال56 كيلوووو انتة بتكلم فى غيه
وبعدين غالى قوى 100 جنية ديه لينك بتقلك 75 جنية وكل 3 شهور 3 شهور هدية (بيتزا عليك وبيتزا عليا )
الى كل عشاق ال 128
الحمد لله امبارح عملت صيانة ال150 الف كيلو
العربية تمام في كل حاجة
ماعدا شوية حاجات بسيطة ( ممكن تلاقي مثلا سلك فالت من مكانه ولا حاجه ) زيها زي البوجاتي في جودة التقفيل
العربية الثبات بتاعها مالوش حل ( خد ملفات على 200 براحتك )
العربية بتجيب من صفر ل 150 في حوالي 2:05 ثانية ( حسبتها بالساعة الذرية الجديدة تاعتي )
الثبات في الملفات مالوش حل جاااااااااااااااااااااااا اااااااامد و ده طبعا بفضل الجنوط ال22 و السبويلر ( انا مشتري العربية الكاملة اللى من غير سقف ) و اوبشن السبويلر جامد قوي و فكرة جديدة من شركة نصر
الموتور صوته جامد مالوش حل و التيربو اللى فيه بيدي للعربية قوة مالهاش حل
جودة الفرش من جوه
الفرش خرافي نظرية جلد الحمار الوحشي جامد جدا و مالوش حل و اثبت فعلا انه بديل كفء للجلد الطبيعي
طبعا مش هتكلم عن نظام الصوت لأن الكل عارف ان 128 كانت بتتميز باحسن نظام صوت موجود
فيها عيب خطييييييييير جدا ( بالنسبة ليا على الاقل ) و هي ان مفيهاش فتيس و انا مش متعود على كده
المهم
تقييمي للعربية كمجمل حوالي 8.6 من عشرة
و ياريت لو حد عنده اي اضافات يقول
يعني حوالي
بالرغم من إعتراضي على النكت لما كترت في الموضوع ده ألا أنك مختلف وضحكتني فعلاً . حكاية إن العربيه فيها عيب أنها من غير فتيس مش قادر أمسك نفسي من الضحك عليها .ده غير إن إسلوبك كله ونظرية جلد الحمار الوحشي تنم عن موهبه .
تاريخ الإعلان:7-15-2045 (أكيد هيعملوا شهور زيادة عشان تقضي)
فرصة لعظيم
سيارة 128 موديل 1976 معدل تمانينات
السيارة فابريكة دواخل-موتور 1100 ماتعملوش غير 17 عمرة بحالة الزيرو
ماشية مليون وعشرميت كيلو فقط
اللون مشمشي مزقطط (هيموت من الفرحة)
فتيس 5 غيار مرشدير و4 أمامي(طبعا أحسن من العربيات اللي من غير فتيس)
1 زجاج كهرباء أمامي للسواق(اللي جنبه يولع وأنا مالي)
ردياتير 2 ماسورةإيطالي أصلي أصلي إستيراد الصين
كاوتش تيوبلس
جنوط الفابريكة
العربية مافيهاش الهوا يا جماعة واللي هيشتريها هيدور ويركن على طول(لازم يركن)
مطلوب خماشر ألف نهائي نهائي!
أو البدل ب جاجوار X type هاف أوبشن راس في راس
للإتصال على الخاص أو على رقم بيتنا
ياريت يا جماعة بلاش فصال وأظن إن مافيش سعر زي كدة في السوق
برجاء إحضار فني للكشف عليها
معلش سؤال خارج الموضوع..يعني إيه الكلمة دي؟تليفونات؟:whtauwant:
أصلي باسمعها كتير في الأفلام الملونة بتاعة زمان دي..هو دة حاجة كانت بدل الt-shirt اللي بنتكلم منه؟أصل واحد صاحبي قاللي إن جده قال له إن زمان ماكانش فيه التي شيرتات والبنطلونات اللي بنلبسها وبنتكلم منها..تخيلوا إن كان زمان الواحد كان لازم يمسك حاجة في إيده ويطلب الرقم؟منظر يفطس من الضحك :k46:
حلوة :S_thum1[1]:
العيال عندي طاليعين رحله لمتحف شركه نصر للسيارت :k4: ..... اللى بيقولوا عليه دلوقتي اقدم متحف موجود لصناعه مصريه 100%
بيشتغلوا العيال :C_laugh[1]:... ده احنا اخرنا بنركبها فى بعضها ونخربها ونعدل على الخواجه طبعا علشان بنفهم احسن منه ....
موضووووع جامد جدااااا
بس أنا بتفق مع اللى كاتبه إنه مجرد أحلاااااااااااااااااااام