مشروع حلم ..

**samoevil911** · 01-05-2009 12:40 AM

ماهي دي المشكلة .. بس هو قالي خلص كلية وحتي اتعين معيد في الكلية وهسفرك تدرس فيزياء في المانيا ولو مشيت فيها كويس سيب الحقوق .. ولو لقيت نفسك مش ماشي اعمل ماجيستير ودكتوراه وارجع عادي.

**freez** · 01-05-2009 12:41 AM

بص حضرتك اولا الموضوع بتاعك او الحلم ده حاجه كويسه جدا
وكويس اصلا ان فى حد بيفكر كده دلوقتى حتى لو ده محصلش او صعب انه يحصل فمجرد انه تفكير او حلم دى حاجه جميله جدا
بس فى مشكله صغيره انت عارف احنا كام مليون وعارف الكام مليون دول نسبه كبيره منهم مفكرين انهم علماء بالفطره يعنى يروح يقعد على القهوة ويلعب طاوله ويقولك انا دماغى محصلتش
ميروحش يدور على شغل او يبتدى يبنى نفسه ويتعب ويقولك منا مش معايا واسطه
حضرتك انا متهيألى ان حتى لو المؤسسه دى اتعملت فنسبة نجاحها قليله اوى حاليا
والمفروض قبلها نحاول نبنى شبابنا وللأسف انا بقول نبنى لان الشباب حالهم دلوقتى مش تمام وتحس ان فى دوامه بتشدهم وعن نفسى انا عندى يقين ان فى حد من مصلحته ان الدوامه دى متقفش لأ تزيد وانا اسف لو كنت طولت عليك

**samoevil911** · 01-05-2009 12:46 AM

والله انا عملت مخصوص موضوع عشان الشباب وازاي اصلا نغير حال بلدنا وانا حطوا في التوقيع بتاعي . بي يا خسارة المشاركات قليلة .. واللي بيخش بيشكر ويطلع ..
طب هو انا عملوا عشان الشكر دا ..
انا بقول نبتدي .. بس ايييه ولا حياة لمن تنادي

**freez** · 01-05-2009 12:54 AM

بص الموضوع ده متعقد شوية وداخل فيه نواحى كتير تمام بس برغم كل ده اللى اعرفه ان اللى هتعرف تعمله النهارده مش هتعرف تعمله بكره
وللأسف شبابنا كله مستنى بكره ( مــــــــــــــســـــــــ ـــــتـــــــــــــــــــ نــــــــــــــى )
وركز معايا اوى فى الكلمه دى علشان كده دايما هتلاقى كلمة فراغ وبالتالى هتلاقى حاجات غلط كتير والسبب من وجهة نظرهم هو الفراغ
او هتلاقى فى حالة انعدام ثقة بالنفس

**freez** · 01-05-2009 12:58 AM

وبعدين انا معاك يا جميل عايز نبتدى انا اول واحد هبقى معاك
بس سؤال صغير عايز تبتدى منين !!!
انا مش هقولك شعارات وانا عايز اعمل حاجه لبلدى وكل الكلام ده نصب
بس لما اشوف المجتمع اللى انا عايش فيه بيحصله كده والشباب اللى من سنى تفكيرهم بقى كده
هفكر الف مره انى اعمل حاجه ولو صغيره بس علشان يوم ما اقف قدام ربنا اكيد هتسأل ونفسى يبقى عندى اى اجابه ولو كانت صغيره اقدر اقولها

**samoevil911** · 01-05-2009 01:14 AM

يا فرييز باشا .. وانا بقلك هنقوم نقلب مصر في ثانية .. بس عايزك تحسبها معايا براحة
لو ان بتنزل من بيتك الصبح مثلا
لقيت ورقة مرمية في الارض . ورقة مش لازم تشيل كله .. ورحت كليتك شفت صحابك مش بيحضروا محضرتهم ( ولعلمك المحاضرات مهمت كانت مفيدة لأن اللي مش بيحضر مش بيقعد يذاكر برا لأ دل بيقعد يلف يعني بيضيع وقت) فأكيد المحضرة افيدلوا.. و بعدين شجعتوا بعض تذكرا وتحاولوا تصلحوا القصور اللي عند بعض.. تشوف واحد منهم بيغلط في التاني تقولوا بلاش.. ايا كان انا بدي امثلة ..
لو نفترض انتوا تلاتة بس .. واتعوتوا علي كدا وكل واحد نص كمان واح .. والواحد دا نص واحد .. وواحد نص عيلتوا .. تحولوا تحمسوا بعض.. شوف هيبقي حالنا عامل ازاي.. بس المشكلو ان محدش بيحاول .. كلنا مستنين نشوف مين اللي هيبدئ..
انا بقول مستعد ان احنا نطلب من الادارة تثبيت الموضوع ونجمع اكبر عدد من الاعضاء ونعمل يوم ودي تبقي زي حملة
اومال اشمعني العربيات اللي عملولها حملو قلبت مصر في ثانية .. بس احنا مش عارفين الدماغ رايحة لفين للأسف

**ooso28** · 01-05-2009 01:27 AM

المشاركة الأصلية كتبت بواسطة samoevil911

حضرتك.. انا لما بفتكر العلم بعيط.. ومش بحور انا لما بتفرج علي قناة علمية واشوف علماء في معامل ومتمتعين بشغلهم واللع بعيط. لما بشوف عالم بياخد جايزة نبل او خدها بحسدوا عليها
مبدأين
ان بعشق حاجة اسمها فيزيا اكتر مبحب نفسي ..
جبتز99.7 في الثانوي وقلت ادخل علوم فيزياء واحقق حامي وابقي عالم .. والله بلا مبالغة لقيت الناس بتقلي يا عبيط. بتوع شئون الطالبة قالولي انت بتدفن نفسك بالحيا.. احنا معندناش معامل ولا اللي بتحلم بيه .. دا حتي البعثات معندناش سيولة نطلعها
جالي احباط
يا جماعة انا في اختبارات اليونيسكو بتاعت الذكاء والله اتصنفت من اذكي سبع طلاب في العالم.. افتكرت ان ممكن حد يقدرني يحاول يساعدني .. لكن مين .. والا الهوا
بابا قالي انا مستعد اسفرك بعد متتخرج.. بس الاول خش كلية تضمن بيها مستقبل في مصر وبعدها اعمل اللي عيزوا
تخيلوا دخلت ايه حقوق.. اينعم انا تالت دفعتي بس انا مس بذاكر غير والله اقصي حاجة تلت اسابيع قبل الامتحان ..
طب انا بعشق الفيزياء وامنيتي اخد جايزة نوبل .. ولما اقول لحد كدا يعقد يضحك عليا واللي يقولي اهبل وباصص لفوق متبص علي قدك ..
طب انا زنبي ايه ؟؟؟؟ حد يرد عليا

ليه دخلت حقوق مدخلتش كليه علمية علي الاقل يكون عندك فكرة بلاش تكون عالم
اصل مش ممكن واحد في حقوق يكون عندو علم (علمي) زي واحد في حقوق و طريق الالف خطوة بيبدأ بخطوة وقطرة الماء تثقب الحجر

**samoevil911** · 01-05-2009 01:40 AM

المشاركة الأصلية كتبت بواسطة ooso28

ليه دخلت حقوق مدخلتش كليه علمية علي الاقل يكون عندك فكرة بلاش تكون عالم
اصل مش ممكن واحد في حقوق يكون عندو علم (علمي) زي واحد في حقوق و طريق الالف خطوة بيبدأ بخطوة وقطرة الماء تثقب الحجر

انا مفهمتش اخر حاجة ..
بس هقول لحضرتك .. الموضوع كله ان انا في الطب .. بحب المخ والاعصاب .. بس الطب متعب 7 سنين غير الماجيستر وكدا .. وانا بحب الفيزياء.. يبقي هضيع وقت كتير في الاحياء
الصيدلة .. مع احترامي للصيادلة بس ايعه الفرق دلوقتي بينه ووالبقال .. هتقولوا شركة ادوية .. مش طموحي خالص .. ثانيا دي كمياء .. وانا بردوا عايز فيزياء .. اه ممكن جنيها كمياء بس الفيزياء ضروري.

الحقوق .. عيلتنا معظمها حقوق دا غير بابا دا لوحدو حدوتة تانية .. 4 سنين .. بعديا بأذن الله بعثة .. ابقي ضمنت شغل في الجامعة بأذن الله .. وادرس علوم بمزاجي بقي برا .. بس اللي هو لو لقدر الله الموضوع رخم يبقي عندي شغلة احين من الدكتور والصيدلي.
معلش مع احترامي لاراء الجميع.. بس الحقوق احلي كلية في المستقبل في مصر.. بس للي يديها .. لكن اللي بينام .. بتخسف بيه الارض

**ooso28** · 01-05-2009 01:45 AM

انا هقول رأي وعايز تعقب بصحة او خطأ هذا الرأي
انا شايف ان حالنا واقف ومتأخرين عشان عندنا كوسه
يعني في وقت المحاضرة علي سبيل المثال تليفونك بيرن مثلا
لو خصصنا وقت للشغل بس و وقت للعب بس وهكذا اعتقد ان حالنا هيكون افضل
ليه صلاة الجماعة افضل عشان وانا في الجامع اقل حاجة صوت التلفزيون اللي في البيت مش هيشتت تركيزي علي سبيل المثال لا الحصر
وانا بصلي في وقت للصلي وكمان مكان يعني الدين بيقدم حل

عندنا ايه اللي بيحصل
اللي رايحه شغلها تلاقيها بتعمل محشي او تلاقي واحد غايب والتاني بيمضيلو ( في الكلية بعض المحاضرات فيها غياب تلاقي زميلك يقولك اكتب اسمي ومبيحضرش)
في البيت تلاقيه معاه ورق وحاجات خاصة بالشغل

هيا دي الكوسة اللي عندنا في بلدنا بلد الكوسه والتي تعني عدم احترام الوقت والمواعيد وعدم النظام وعدم اي حاجة حلوة مش لازم نكون علماء ومتقدمين في العلم لكن علي الاقل منكونش وحشين و كل واحد يبدأ بنفسو

خلاصة الرأي اننا لازم نخصص وقت للجد ووقت للعب
مكان و وقت الشغل للشغل بس والبيت للبيت مش للشغل واللي يغلط يتحاسب ومحدش يغطي عليه بدون عواطف

**freez** · 01-05-2009 01:49 AM

طيب كده يبقى احنا بنتكلم عن السلبية واللامبالاه والاهمال وعدم التنظيم
حاول تحدد علشان نعرف نمسك طرف الخيط صح

الموضوع: مشروع حلم ..

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

عاوز أعمل مشروع .. زهقت من الشغل .. بفكر ف مشروع مطعم كريب

مشروع كار كير

مشروع

مشروع كسبان 100% أضمن مشروع يدر عليك ربح

الكلمات الدلالية لهذا الموضوع

المفضلات

المفضلات

ضوابط المشاركة