الموضوع: مشروع حلم ..

لما تطلع البعثة برة عشان تدرس العلوم هتلاقي نفسك بتبتدي من الصفر

اولا الطب والصيدليه بعيدين عن الفيزياء لو بتحب الفيزيا كان ممكن تدخل هندسة او علوم والكليات دي في علماء فيزياء
انا بقول كدة عشان مستغرب انك بتحب العلوم والفيزياء وعايز تدرسهم ومدخلتش كليه في المجال ده بس فهمت بعدين ان باباك وعيلتك في القضاء وخريجي حقوق

أولا يا أخ samo أنا زيك و يمكن اكثر كمان لدرجة الجنون في العلم و ساعات بسرح كثير علشان بفكر في المواضيع دي ..

دعونا نطرح الوقائع .... أولا :
إحنا عندنا علماء و باحثين و ناس عندها علم و عقولهم جميلة جدا بس زي ما انتم عارفين و كالعادة مفيش إمكانيات .. علشان كدة انا فكرت في الفكرة دي علشان توفير الإمكانيات علشان الإمكانيات البشرية تظهر للحياة و يكون هدف المؤسسة دي هو توفير الغمكانيات و المناخ المناسب لكل الناس دي ..
و أحب أضيف 2 حاجة :
من مدة سمعنا عن موضوع إستخدام البلاستيك المعالج في البناء بدل من الحديد المسلح .. صاحب الفكرة دي كان طالب معايا في الكلية و كان دة مشروعه و بنا بيه دورين بس تعرفوا كان مصيره إيه لما حاول يوصل أفكاره للمسؤولين ..........
كان مصيره السجن.........
ثاني حاجة واحد زميلي في الكلية كان عنده واحد صاحبه في المدرسة بيحكي أنه مكنش ماشي في الدراسة بس كان بيحب ال mechatronics و درس كورسات على النت بمقابل مادي .. و تعلم المجال دة و عمل مشروع كارت إلكتروني لونش فكرته جديدة و راح لرئيس جامعة محافظة ساحلية يعرض عليه المشروع قاله طيب سيبلي الورق و الرسومات و تعالى تاني المهم رحله بعد أسبوع مع والده عارفين الراجل قاله إيه ....؟! .............. قاله انت يا ابني سيبلي الورق و الرسومات والحسابات وكل حاجة و هديك مبلغ كدة تمشي بيه نفسك طبعا الولد رفض و قاله يا فندم انا كنت جاي لحضرتك علشان تشوفلي أي منحة في جامعة خارج مصر عارفين رده كان إيه ...... زعقله و قاله امشي اطلع برة يا ابن ............* في حضور والده .. المهم الولد لم ييأس و بعت مشروعه لجامعة إنجليزية و قبلته عندها بمنحة و أعطته الجنسية كمان .......
آدي الحال اللي وصلنا ليه في البلد ...


الشئ الثاني ان المصريين دايما يشتكوا و يجيبوا العيب على الحكومة ..
بس للاسف محدش ترك الشكوى المستمرة و بدأ يفكر في الحل .
و بعدين للاسف إحنا لازم نتوحد علشان نحل مشاكلنا و علشان كدة لازم نحث أصدقائنا و اقاربنا و جميع معارفنا علشان المصريين يتوحدوا و يكون لنا كلمة واحدة مؤثرة في مستقبلنا بدل الشكوى المستمرة ....

طب يا استاذ كمارو . تنصحني بأيه؟؟ انا بجد مستعد اعمل اي حاجة بس اخد جيزة نوبل .. عايز ادرس فيزياء.. بجد انا بعشق حاجة اسمها فيزياء.. هو انا بحب كل العلوم عموما بس الفيزياء دي حاجة كدا لوحدها.. انا بحس ان هي اساس التقدم.. نفسي اخترع ويبقي عندي معمل ..
انا والله زمان وانا صغير وانا عندي 11 او 12 سنة منت بعمل صواريخ ومحدش يضحك.. وكنت بعملها من حاجات هبلة اوي (مستيكة..سبرتوا..كبريتات..صو� �يوم.. حجات كتير من دي).. ولما حد يتعارك معاية كنت بحدفهم عليه .. بس محدش يئلس .. هي دماغ صغيرة بس على قد سني في الوقت دا لأن انا مكنتش بتاع مشاكل..
بجد عايز حد ينصحني اعمل ايه ..
هل فعلا اكمل زي مانا في حقوق وبعدين اسافر بره؟؟ والا ايييه؟

المشاركة الأصلية كتبت بواسطة samoevil911

طب يا استاذ كمارو . تنصحني بأيه؟؟ انا بجد مستعد اعمل اي حاجة بس اخد جيزة نوبل .. عايز ادرس فيزياء.. بجد انا بعشق حاجة اسمها فيزياء.. هو انا بحب كل العلوم عموما بس الفيزياء دي حاجة كدا لوحدها.. انا بحس ان هي اساس التقدم.. نفسي اخترع ويبقي عندي معمل ..
انا والله زمان وانا صغير وانا عندي 11 او 12 سنة منت بعمل صواريخ ومحدش يضحك.. وكنت بعملها من حاجات هبلة اوي (مستيكة..سبرتوا..كبريتات..صو� �يوم.. حجات كتير من دي).. ولما حد يتعارك معاية كنت بحدفهم عليه .. بس محدش يئلس .. هي دماغ صغيرة بس على قد سني في الوقت دا لأن انا مكنتش بتاع مشاكل..
بجد عايز حد ينصحني اعمل ايه ..
هل فعلا اكمل زي مانا في حقوق وبعدين اسافر بره؟؟ والا ايييه؟

بالنسبة لجائزة نوبل
مش كل العلماء بياخدوها في ناس تستحقها ومبتخدهاش
لكن نصيحتي ليك
انت عايز تطلع بعثة برة عشان تدرس طب هتطلع برة ليه؟
مش تخلص اللي جوة واللي احنا عارفينو وبعدين تطلع تاخد اللي مش عندنا او اللي احنا مش كويسين فية
متطلعش برة غير لما يكون عندك قدر كبير من العلم ده عشان ترجع بجايزة
لكن تطلع تاخدو من اولو صدقني صعب
ابدأ هنا وبعدين كمل برة

في حاجة معينة في دماغك يا باشمهندسcamaro انا حاسس كدة

المشاركة الأصلية كتبت بواسطة ooso28

بالنسبة لجائزة نوبل
مش كل العلماء بياخدوها في ناس تستحقها ومبتخدهاش
لكن نصيحتي ليك
انت عايز تطلع بعثة برة عشان تدرس طب هتطلع برة ليه؟
مش تخلص اللي جوة واللي احنا عارفينو وبعدين تطلع تاخد اللي مش عندنا او اللي احنا مش كويسين فية
متطلعش برة غير لما يكون عندك قدر كبير من العلم ده عشان ترجع بجايزة
لكن تطلع تاخدو من اولو صدقني صعب
ابدأ هنا وبعدين كمل برة

+1111111111111111111111
اتعلم هنا الأول و اعرف المبادئ علشان تقدر تتعامل مع من بالخارج ..
و ممكن تروح لأي دكتور فيزياء في علوم جنبك و تقعد معاه في وقتك الفاضي ......
و مشكلتك عندي برضه لأن أنا بحب مجالات معينة بس لقيت نفسي داخل في مجال آخر ..

اولا .. ان مش عايز طب.. انا بكلم علب علوم قسم فيزياء.. كتير قالولي لو درست هنا ولا ليها لزمة هتطلع برا تلاقي نفسك ولا الهوا .. انا مش عارف اخلص كليتي وادرس هنا وبعدين اسافر.. والا اسافر علي طول واخد الطريق من اوله ..
ثانيا موضوع جايزة نوبل دا لي اسباب كتير اوي .. من ضمنها :
1- انا مقتنع بمبدأ طول عمر زالدي بيقولهولي " الدنيا ان لم تستطع ان تزد عليها فأنت زائد عليها" وانا شايف ان جايزة نوبل دليل كبير عللي ان النسان عمل حاجة تستحق التكريم
2- انا من وانا صغير اوي بحلم بيها ... وبتخيل نفسي بطلع استلم الجايزة( احلام بقي)
3- انا نفسي لما اموت الناس تفتكرني .. مبقاش دخلت الدنيا وخرجت .. ولا كأني دخلتها اصلا .. ايه فايدة اني اكل وانام لحد ماموت ؟؟؟ منا لازم اعمل حاجة جديدة .. وانا شايف ان دا اللي بيفرق شخص عن التاني .. واحد مبدع والتاني مقلد.
4- انا مش اقل من اللي خدوها .. وليه محولش اكون زيهم .. ليه محولش اصنع انا تاريخ لنفسي..
5- دي امنية .. وكل واحد ليه حاجة بيحبها وعايزها حتي لو من غير سبب.. انا شايف ان دي اهم اهدافي.. وكل واحد بيحلم زي مهو عايز .. بس انا بقي طلعت احلامي في العلم .. انا مثلا بحلم ان انا اكون افضل عالم فيزياء جه في التاريخ .. واظن العلم لازم يكون فيه غيره ..
6- انا بعشق توماس اديسون و اينشتين ودول مثلي الاعلي من الناحية العلمية طبعا .. والاتنين اخدوها ..
7- كفاية اني هموت وانا فرحان والناس هتستفيد من علمي بعد مأموت .. وبكدا يبقي انا تركت علم ينتفع به .. ويفضل يحصد ليا حسنات حتي بعد وفاتي..
8- كفاية ان عدد العلماء المسلمين والمصرين الحاصلين علي الجايزة يزيد واحد..
دا اللي انا فكروا دلوقتي