مبروكة عليك وربنا يكفيك شرها إن شاء الله :P
رقم العضوية : 284
تاريخ التسجيل : 27Apr2007
المشاركات : 54
النوع : ذكر
الاقامة : حى الاشجار - مدينه 6 اكتوبر
السيارة: toyota
السيارة[2]: daweoo
دراجة بخارية: no
الحالة :
السلام عليكم ورحمة الله وبركاته
الحمد لله عملت النهاردة صيانة الالف كيلو فى مركز العباسية ومشيت بالعربية شوية لغاية ما عديت 1000 كيلو لانى روحت مركز العباسية وانا عامل 952 كيلو .عالعموم انا هابدأ واحدة واحدة معاكو وانا مستعد لاى استفسار لو فى اى حاجة نسيتها .
اولا : الشكل الخارجى والداخلى
الشكل الخارجى كان عاجبنى جدا من زمان وبالتحديد من سنه 2005 لما غيرو شكل الفوانيس الامانية وعجبنى اكتر لما غيروا شكل الشبكة وعملوها بالطول فى موديل 2007 .... انا جبت اللون الفضى لان ما كانش فيه غيروا وكان نفسى فى الاسود او الكحلى بس والله بعد حوالى 25 يوم من شرائى للعربية انا شوفت ان احلى لون فيها هو الفضى لان الاسود والكحلى بيبان عليهم التراب بسرعة وكذلك الخدوش والخربشة.
الشكل الداخلى بالنسبة ليا اكثر من رائع ... صحيح ان دلوقتى فى عربيات اشيك من جوه بس هنا بقة بيظهر عامل تانى خالص وهو جودة الخامات لان تابلوه الكورولا اللى هو معمول من الجلد بيديك احساس بالفخامة اوى بالاضافة لانه من خامه كويسة وليس من مادة فيبر او بلاستيك وبيان عليه اوى روعته لما تمسحة بالاسفنجه ... كذلك الابواب مبطنه بشكل رائع وان كانفى عربيات شكلها احلى بس ارجع واقول جودة خامات الكورولا حاجه تانية خالص.
العربية واسعة جدا من جوه ... المسافة بين كرسى السائق والراكب اللى جنبة كبيرة كذلك الكنبه اللى وراى واسعة جدا يوجد اماكن تخزين عديده . يوجد بالعربية اربع سماعات وهما موجدودين فى الابواب صوتهم بصراحة ما شاء الله قوى جدا ونقائه عالى بس يعيب الكاسيت ان ما فيهوش سى دى ولا حتى وصله AUX بصراحة انا مستنى شويه وهاجيب كاسيت ( alpine (2 din) بصراحة شكله تحفه وامكانياته عاليه جدا بس سعره هايعدى ال 1600 جنيه.
انوار التابلوه ممتازة ومنسقة .
اما لما تفتح الكبوت هتلاقى ان الشكل موش هايعجبك قوى وفى سلوك طايره من الشمال لليمين ومن اليمين للشمال والوضع موش منظم قوى على عكس عربيات كتيرة قوى هتلاقى الدنيا مترتبة .... بس برضوه هتلاقى ميزة فى الكورولا وهىا ان المساحات واسعة من جوه الكبوت يعنى اى ميكانيكى يقدر يشتغل براحته ... فعلى سبيل المثال عربيتى القديمة الدايو الاسبيرو كان صعب جدا تركيب اجزاء ميكانيكية فيها وده عشان الحاجات كانت مزنقة قوى جنب بعض .
ثانيا : القيادة
وضعيه القيادة ممتازة وطبعا ده لعلو العربية عن الارض فده بيخليك تشوف الطريق بصورة واضحة كذلك الكشافات الامامية نورها قوى جدا وبتكشف مساحة كبيرة قوى وده باستخدام النور العادى وانت موش محتاج العالى خالص.
السيارة كما قال الاستاذ كريم منير لا تغريك بالجرى وبصراحة انا معدتش سرعة ال100 كم لسببين الاول انى لسه فى التليين والثانى لان طريقى مزدحم دائما (وسط البلد والمهندسين)ولايسمح بالسرعة بس ان جات لى فرصة اوصل لل 100 وانا على الدائرى بصراحة ما حستش باى عومان او اى شى من ذلك القبيل والعربية كانت سلسلة جدا فى السواقة بصراحة انا بتلكك عشان اخترع مشوار واروح اسوق العربية لان سواقتها ممتعة جدا وانا ما ضايقتش لانها مانيوال وعربتى اللى فاتت كانت اوتوماتيك بصراحه سواقتها ممتعة جدا.
ابعاد السيارة محكمة ومحددة من قبل السائق وده بسبب وضعية السائق الممتازة والمرايا الجانبية اللى ممكن تتحكم فيها كهربائيا وتظبطها بالاضافة لكبر حجمها مما يعطك سهولة فى الركن فى الاماكن الضيقة والمناورة على الطريق.
ثالثا: العفشة:عفشة العربية قبل ما اعمل صيانه ال 1000 كانت ناشفة شوية بس الناس قالوا لى ان ده لان العربية لسه جديدة بس بصراحة بعد ما طلعت من الصيانه لاحظت تغير كبير جدا ... العفشة ناعمة جدااااااااااا الى ابعد حد هما تقريبا ضبطوا هوا العجل وقامو بعمليه تشحييم للعربية
رابعا : استهلاك البنزين
انا لما اشتريت العربية كانت عاملة 9 كم فولت العربيه بنزين 92 وصفرت العداد وقلت هامون تانى لما اوصل نص التانك وبالفعل مونت تانى بعد ماوصلت نص العداد وحطيت 25 لتر وكانت القراءة 354 كم وعملت نفس الفكرة تانى ولقيت الاتى:
اول 25 لتر عملو معايا 354 كم يعتى الصففيحة(20 لتر) عملت 283 كم
تانى 25 لتر عملو معايا 375 كم يعنى الصفيحة (20 لتر) عملت 300 كم
يعنى فى المتوسط 290 لتر وده بعتبروا معدل ممتاز خصوصا ان لسه فى التليين وبسوق فى اماكن مزدحمة موش طرق طوالى وسريعة بس فى ملحوظة ان موش مشغل التكييف الا نادرا لانى لسه فى التليين.وان شائ الله هاقول لكم عن المعدل لما ابتدىاشغل التكييف باستمرار.
فى النهاية بصراحة انا مبسوط من عربيتى جدا ومن مستوى اداءها وعلى الرغم من انها من غبر زجاج كهربا او سنتر الا انى حاسس ان ده متعوض فى حاجات تانية زى المتانه والاداء وجودة التقفيل
وانا مستعد لاى استفسار من حضراتكو.
رقم العضوية : 1924
تاريخ التسجيل : 27Aug2007
المشاركات : 522
الحالة :
مبروكة عليك وربنا يكفيك شرها إن شاء الله :P
خالص تحياتي وتقديري
أخوكم/ هشام
رقم العضوية : 1678
تاريخ التسجيل : 04Aug2007
المشاركات : 553
النوع : ذكر
الاقامة : minya
السيارة: lancer1998
السيارة[2]: yaris2008
الحالة :
ماشاء الله عربيه جميله واقتصاديه فى استهلاك البنزين رغم كبر حجمها
مبارك عليك العربيه .....ربنا يديك خيرها ويكفيك شرها
وجزاك الله كل خير
رقم العضوية : 97
تاريخ التسجيل : 23Apr2007
المشاركات : 11,050
النوع : ذكر
الاقامة : ManSOuRa
السيارة: coRoLLa 06
السيارة[2]: siRiOn 07
دراجة بخارية: ان شاء الله
الحالة :
ربنا يبراكلك فيها ويعطيك خيرها ويكفي عنك شرها ان شاء الله
بس سؤال هو ازاي الكاسيت مفيهموش سي دي ؟؟؟
عن أبي هريرة قال :
قال رسول الله صلى الله عليه وسلم :
إذا قال الرجل لأخيه :جزاك الله خيرا ، فقد أبلغ في الثناء
رقم العضوية : 284
تاريخ التسجيل : 27Apr2007
المشاركات : 54
النوع : ذكر
الاقامة : حى الاشجار - مدينه 6 اكتوبر
السيارة: toyota
السيارة[2]: daweoo
دراجة بخارية: no
الحالة :
حضرتك السيارة فيها كاسيت فقط واللى فيها سى دى هى الاوتوماتيك 1300 وال1600 مانيوال وواتوماتيك
رقم العضوية : 201
تاريخ التسجيل : 25Apr2007
المشاركات : 1,938
النوع : ذكر
الاقامة : cairo
السيارة: RENAULT CLIO 1.2 2003
السيارة[2]: lancer1.6 AT2008
دراجة بخارية: لا يوجد
الحالة :
ربنا يبارك لك فيها بسم الله ماشاءالله العربيه ده تحفه وتستاهل كل مليم بيدفع فيها
على فكره انا برضوا معايا عربيه اوتوماتيك وبأذن الله هبيعها واجيب مانيوال بس خايف متعودش على المانيوال واحتمال برضوا اجيب كورولا بس مستنى الشكل الجديد بأذن الله تعالى :D بس ربنا يستر وما تغلاش علشان مجبش حاجه تانيه خالص
رقم العضوية : 167
تاريخ التسجيل : 24Apr2007
المشاركات : 1,982
النوع : ذكر
الاقامة : A lot of Places
السيارة: Lada2017
السيارة[2]: Yaris
دراجة بخارية: NA
الحالة :
ما شاء الله ربنا يباركلك فيها يا لورد....ويكفيك شرها وشر الطرق المصرية ...
عموما دة تقرير متوقع من اي عربية كورولا ...
العربية دي هي ايلي شهرت تويوتا في امريكا (وطبعا الاخت الكبري الكامري)....
ربنا يباركلك فيها ويمتعك بيها ....
-----------------------------------------------------------------------
"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"------------------------------------------------------------------------
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
ربنا يباركلك فيها و يحفظك من ره يا رب .
الكورولا عربيه ممتازه عموما و شكرا علي تحليلك :)
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
الف مبروك وان شاء الله بعد صيانة الخمسة هاتحس انها احلى
موضوع اسلوك الكبوت فعلا مقرفة بس تعمل ايه بقي تويوتا
اسواء حاجة خد بالك من اكصدامه وخاصة الامامي لانه على بلاستيكتين لو حد ريحلك عليك بيريح لتحت مش هايقع لانة مربوط جامد ويخلي شكل الاكصدام وحش
ربنا يباركلك فيها وزلو عايز اي مساعدة في تركيب السنتر والانذار ما تتردش تكلمني
رقم العضوية : 284
تاريخ التسجيل : 27Apr2007
المشاركات : 54
النوع : ذكر
الاقامة : حى الاشجار - مدينه 6 اكتوبر
السيارة: toyota
السيارة[2]: daweoo
دراجة بخارية: no
الحالة :
شكرا يا كريم ياباشا على احساسك الطيب ... وطبعا لو احتجت حاجة هاكلمك ما أنت ملك التويوتا فى المنتدى
المفضلات