اقتباس المشاركة الأصلية كتبت بواسطة a7mednour مشاهدة المشاركة
طيب هوة انت من رايك اجيبه من هنا ولا أجيبه من برة أفضل ....
انا سألت عن انواع الزينون واحد قاللي افضلهم بوش الألماني....
وواحد صحبي كمان عنده كورولا 2008 مكنش فيها زينون ركبلها زينون بوش وكان جايبه من بره ...
ومية مية وشغال زي الفل ....
فهل أجيبه من هنا افضل ...وهوة موجود أصلا ... ولا أجيبه من بره وخلاص وهم يركبوه ...
بص يا باشا, هو الموضوع ده طويل اوي, ملخصه اني كان عندي في النوبيرا زينون HID plus و هو بشهادة الكل انضف زينون في السوق, لكن من واقع تجربتي و مقارنته بالأنواع النظيفة خاصه بعد ما والدتي اشترت سيارتها و كان فيها زينون فابريكة اكتشفت مدي قله جودته في كل النواحي و اصلا هو قعد 10 شهور و باظ, صحيح الوكيل بتاعه محترم و احترم الضمان معايا, لكن ده لا يمنع ان المنتج رديء

و علشان كده هذه المرة جبت من انجلترا Phillips هو انا مستغرب انه هولندي لأني كنت فاكره ياباني او حتي صيني نظيف, لكن لما دورت علي النت لقيت هو ده الأصلي, و الزينون باين عليه قبل ما يركب -ماشاء الله- فرق الجودة و الخامات بينه و بين إللي هنا

حاول تجيب من بره حاجه محترمه و هتحس بالفرق و مش هتندم علي فرق الفلوس

و ان شاء الله لما اروح اعمل صيانة ال1000كم هركبه و اعمل له تقييم مخصوص