تقييم صيانه ال 140 الك كم للاسترا فى منصور
يا اهلا باحلى اوبلاويه ..
يا رب تكونو بخير
معلش تقييم الصيانه جه متاخر شويه
بس انا اجلته شويه على ما اخصل كل الى فى العربيه
و اعمل موضوعين مره واحده
المهم
انا رايح التوكيل علشان اعمل 3 حاجات فى العربيه :
1-صيانه ال 140 الف
2-تغيير تيل امامى
3-كشف على التكيف لانه مفيش تبريد خااااااااااالص
4-كشف على مروحه المتور (بتتحرك فى مكانها و مش ثابته و صوتها عالى !!! خربانه يعنى
العربيه دخلت بيها المركز (فرع العامريه) الساعه 1 الا ربع
و رقمى كان 43
ما شاء الله
دخلت الصيانه الساعه 3 وربع
و طول الوقت ده مفيش حاجه بتتعمل فيها
عربيات داخله و عربيات طالعه و خلاص
لحد ما لقيت المهندس داخل باوبترا رقمها 52 !!!!
وقفته
تعالى يا عم انا 43 ...
قالى اه معلش مخدتش بالى
دخلت على الكوريج و اترفعت و غيرو الزيت و التيل و ربطو على العفشه و الحاجات دى ....
و دى الاسعار :
1-فلتر زيت 22.73
2-تيل فرامل امامى (المانى) 540 جنيه
3-زيت موبيل وان 235
4-صيانه كل 5000 كم (مش عارف ايه دى )...
اجمالى الفاتوره 1097 جنيه !!!
الى اتعلم فى العربيه عباره عن الصيانه و التيل
التكييف قلبونى مع انى قايلهم يشتغلو فيها من بدرى علشان يلحقو يخلصوه
بس مفيش فايده و معملوش فيه حاجه بحجه انهم مروحين و الساعه بقت 4.30 !!
و المروحه بصو عليها بالنظر و قالولى غيرها و خلاص !!
سالت فى قطع الغيار
برازيلى ب 750 جنيه !!
و انا واقف هناك كلمت هانى العايدى بتاع قطع غيار اوبل فى الحرفيين قالى المانى استعمال خارج 500 جنيه !!
فمركبتهاش فى التوكيل و جبتها من هانى ..
و هقولكو الى حصل فى موضوع منفصل ....
تقييمى للصيانه ...
انى غالبا مش هعمل فى منصور تانى و هروح لاوتو ماستر زى ما مصطفى فاروق حبيب قلبى قالى ...