ايه الهيدر ده و ايه علبه البيئه دى و ياريت صور
عرض للطباعة
ايه الهيدر ده و ايه علبه البيئه دى و ياريت صور
الهيدر دا اللى هوى الفرن بتاع الشكمان اللى بيكون فى اول الموتور ومتصفح بحديده ومخرج الشكمان من الموتور
اما علبه البيئه دى بتكون علبه تحت العربيه وهيا تانى علبه من ورا وهيا اللى بتقلل صوت الضوضاء بتاع الشكمان وبتعمل تصفيه للدخان
صورة للهيدر ::
http://www.postimage.org/aVyHrE0.jpg
thnx ya basha
'طيب اية الحل لما علبة البيئة الفحم الى جواها يتكسر عشان طبعا هيحصل صوت شخللة بسبب الفحم المتكسر
ياريت الحل الاصح :
غير العلبة
نفضى الفحم من الماسورة
نجيب ماسورة ونركبها مكان العلبة
ياريتحد يجاوبنى ولو حد عمل الموضوع دة
وهل علبة الفحم دى الى بعد الهيدر على طول شكلها زى الماسورة وزى مايكون ملفوف عليها سلك مضفر ولا مش دى ولو مش هيا ياريت توضيحا بالصور لو امكن
ارجو الرد للأهمية.......................... العربية دايو نوبيرا
علبه البيئه بتكون فى اغلب العربيات تحت رجل الراكب جنب السواق وليها مشاكل كتير فى حاله تكسر الفحم ممكن العربيه متدورش خالص بسبب كتم العادم وممكن متسحبش كويس والحلول كتره وكله صح اما تغيرها بالاصليه واما تعمل فتحه وتفضيها بس هتعلى صوت العربيه شويه وممكن تحط بدالها علبه تصنيع محلى على نفس الحجم وده الانسب والارخص
نست اقول ان العلبه دى فى النوبيرا فى نفس المكان الى انا قلت عليه وهى علبه متوسطه عليه حزوز دائريه مش الملفوف عليها سلك اللى انت قلت عليها
شكرا على اهتمامكم بالموضوع معلش ياجماعة الصوت يضايق شوية
بس عايز اعرف حاجة هو فى حالة انى اعمل اى حل تانى غير انى اجيب علبة زيها بالظبت يعنى لو مثلا ركبت ماسورةاو فضيت الفحم لازم صوت المتور يعلى ولا لو فضيت الفحم بس كمان عايز اعرف الصوت الى هيعلى دة من المكنة ولا الشكمان
وبالنسبة للموضوع بتاع الاستاذ محمد ممدوح الى كان شارح فية الموضوع دة من قريب يعنى لو عملت بحت فى كافة المواضيع للأستاذ محمد ممدوح هلاقية بسهولة ولا هيكون صعب
واحب اشكركم تانى على روح تعاونكم