<> تجربتي و تقرير 5000 كم "بروتون برسونا" <>
بسم الله الرحمن الرحيم
أنا قبل كل حاجة يا جماعة عايز اشكر المنتدى الجميل دا و كل الأعضاء المحترمين إلي ساعدوني و ساعدو ناس كتير تانية في قرار زي شرا العربية و د قرار مهم أوي و لزم يتاخد صح
فأنا بشكر كل الناس إلي في منتدى بروتون الجميل و أكيد هما عارفين نفسهم واحد واحد ، و بالهم مرسي على تقديم المساعدة .....
انا يا جماعة شاب عندي 18 سنة يعني مش خبرة اوي اوي لسه فالعربيات ....
وانا كنت محتاج عربية تانية لاننا عندنا شاهين و انا الكلية بتاعتي مش في اسماعيلية و بدوخ طبعا في المواصلات و كده
المهم قررنا نجيب واحدة جديدة......
حطينا في دماغنا صني و النترا وجين2...
طبعا انا كنت ميال للجين اكتر بس كنت خايف و متردد و خلاص قلنا صني.....و سمعنا موضوع استهلاك البنزين للصني و صرفنا النظر عنها...
نزلت البرسونا......قولت خير و كان في معرض هنا عارضها اول ما نزلت العربية عجبتني جدا و قولت خلاص علي بركة الله و جبناها هاف اوبشن ب 78000
نيجي بقا للعربية يا جدعان:
قيل الكثير والكثير في العربية دي ..........
قيل كلام كتير منه الوحش و منه الفاضي و منه الكويس و منه الي ملوش لزمة.....و فيه نقض بناء للعربية و دا شيء كويس....
انا يا جماعة عملت 4940 كيلو بالظبط 98% من المسافة دي انا الي سايق لاني الي واخد العربية علي طول
و سايبلهم الشاهين
دا تقييمي عالعربية اللامبور- اصدي البرسونا الجميلة :
الموتور : campro IAFM 1.6 زي مانتو عارفين
موتور قوي جدا , سريع صوتو حلو جدا , تقفيله نضيف جدا جدا و ماشاء الله مفيهوش غلطة ....
gearbox : انا من عشاق المانيوال والجير دا ابلي بلاءاا جيدا معايا " حلوة دي " و لو انه كان في اول
1000 كيلو معصلج شوية بس دلوقتي بيس و هوا محتاج تعود شوية.....
العفشة : طبعا هيا نفس عفشة الجين 2 و هيا سبور و ناشفة شوية عن اللانسر مثلا .....بس هيا الي بتدي الثبات والتحكم الرائع الي يفوق اي عربية في نفس الفئة
الصالون : لذيذ والتابلوة شيك اوي و تصميم حديث و ثوري و العدادات تحفة بالذات لما بتنور باليل دي كدا
بس طبعا مفيش جودة ممتازة في التقفيل في الدواخل بس هيا دايما في حاجات هايفة مع الاعضاء مش معايا انا:
الشكل الخارجي : اعتقد الصور تتكلم و ان كان اعترف ان الجين احلي من البرسونا
gen2 VS persona
الاداء : العربية جامدة اوي و سريعة ة ثابتة جدا عالارض و تحس انها مكلبشة كدا لحد 170
الفرامل : اكتر من ممتازة لانها انقذتنا مرتين من كوارث و لولا قوتها كنا ضعنا
ملحوظة : فرامل الهتف اوبشن مافيهاش ABS & EBD و دا انا مش متاكد منو 100%
التكيف : ممتاز ولو انو بيفصل كل 30 ثانية و دا عيب بس سمعت ان معظم العربيات الجديدة كدا....
عامة : انا مقتنع جدا بالعربية و عاجباني اوي و هيا قريبة اوي ليا و بحس بالتميز لما بمشي بيها لاني تقريبا مش بشوف حد تاني معاه الا نادرا
و بتبسط اوي لما واحد يوقفني فالشارع و يعجب بيها و يسالني عليها و عاملة ايه معايا و كده.....::
دا حتي و انا بستلمها في القاهرة كنا واقفين جنب العربية و بنشوفها و فجاة راح واحد معاه برسونا بتنجاني قام وقف في نص الشارع و قال : لو كنتو بتفكروا فيها جيبوها علي طول العربية 10/10 انا استغربت و فرحت لانه كان باين انو فعلا بيحب عربيته اوي بدليل انو وقف فالشارع مخصوص:
فالنهاية احب ادي العربية نقط :
1- الموتور 9.7/10
2- الثبات 10/10
3- الفرامل 10/10
4- الشكل 9/10 جين2 10
5- التقفيل في الصالون 8/10
6- التسارع 9/10
7- التكيف 8.5/10
التقييم العام 9.3 / 10 ((:
اترككم مع صور للعربية
و للحديث بقية....::
و يا رب يعحبكم