-
استفسارات و أرجو الرد
السلام عليكم
أخوتى الكرام .. بعد اذنكم كنت عايز اخد رأيكم فى أكثر من نقطة ويا ريت تكون الاجابة مفصلة شوية علشان معلوماتى فى العربيات مش أد كدة ... أنا من الشرقية ومعايا لانوس 2008 كاملة والمطلوب :
1- عايز أركب انذار والمطلوب نوعه وثمنه
2- عايز أشيل علبة البيئة (الكتاليزر) دا صح ولا لأ ... وهل لمل أشيلها صوت العربية هيعلى زى ما قاللى بتاع الشكمان ولو هاشيلها أعما ايه بالضبط
3- أنا ركبت كتاوت للعربية وعايز أغير اللمبات الأمامية والمطلوب الشدة المناسبة ونوع اللمبات بالتفصيل والثمن عشان هاسمع منكم وانقل الطلب بالضبط للكهربائى
4- هل صح انى أشيل القطعتين المعدن الموجودين فى الفوانيس الأمامية (العواكس) أم لا
5- عايز أركب ريموت للسنتر أعمل ايه بالضبط
واسف لازعاجكم بالأسئلة الكتيرة وربنا يجعلكم عونا للاخرين ويجزيكم كل خير
-
1- بالنسبة للانذارفيه نوع كويس اسمه سيمفوني فيه معلومات عنه هنا :
http://www.nilemotors.net/Nile/showthread.php?t=72136
وفيه وولف كمان ب 200 جنيه بالتركيب وتوكيله عند سوق القنال بجسر السويس (شركة عبر البلاد)
2- فعلا علبة البيئة هتعلي صوت العربية ده غير انها بتمنع خروج غازات ضارة بالبيئة والانسان
انا كاتب معلومات عنها هنا:
http://www.nilemotors.net/Nile/showthread.php?t=56104
3- بالنسبة للمبات ادخل ودور في قسم الكماليات هتلاقي ناس بتتكلم عن انواع كتير بس حاول تجيب نوع الماني
.... بس ياريت تقولنا لما ركبت الكتاوت الاضاءة مبقتش اعلي؟
وتحكيلنا الكهربائي عمل ايه واتكلفت كام........
4- متشيلش العواكس لان لو شيلتها شعاع النور هيبقي مشتت ومش مركز (دي الفبريكة يعني هنفهم احسن من الخواجة)
5- لما تركب انذار هيبقي ليه ريموت وهيشغل السنتر مش لازم تركب ريموت مخصوص للسنتر
انت عربيتك نوعها ايه؟
لو كاملة بسنتر الفبريكة بتاع الانذار هيركبلك حاجة اسمها اربة او دراع سنتر عشان يتحكم في سنتر العربية عن طريق الريموت
-
متشكر جدا ... وعموما الكتاوت أنا ركبته عندنا فى الشرقية واتكلف حوالى 70 جنيه بالأسلاك وأجرة الكهربائى ... وفعلا الاضاءة اتحسنت شوية بسيطة ... والكهربائى هو اللى كان عايز يشيل العواكس ...وأنا عربيتى لانوس كاملة
-
بالنسبة للنور أنصحك بالاتي:
1- لمبات ألماني "فروسر" 200/120
2- كتاوت فرنساوي
3- ظبط النور و رفعه لأعلي قليلا مع ضم النور اليمين و الشمال ليتلاقيا في نقطة واحدة
4- عدم أزالة العواكس لمنع تشتت الضوء
Content Relevant URLs by
vBSEO 3.6.0 PL2