ارجو مساعدتكم قبل صيانه 5000 كم

**M.Abdelshafi** · 08-05-2009 04:29 PM

مش شغاله عندى انا كمان و نور الشنطه مش شغال
مكنتش أعرف انهم موجودين

**solyahmed** · 08-05-2009 06:28 PM

ال led مش شغاله عندي انا كمان انا من زمان مستغرب دى ليه مش شغاله

**amir** · 08-05-2009 07:13 PM

شباب انا من يومين لما نزلت اشوف الجين خدت بالي من الموضوع ده فعلا
فيه دايره حوالين المفتاح بلاستيك
و غالبا ما هيكون الليدات بتاعتها مش راكبه
بس اللي قلبه جامد و مغامر يبعتلي تليفونه علي الخاص و ان شاء الله يمكن اخدمكم خدمه حلوه
انا اعرف كهربائي مش بس عشره علي عشره ده عفريت و جربته قبل كده في حاجات غريبه
فاللي عنده استعداد ممكن اخده و نروح سوا هناك و يمكن نشغل اللمبه دي
بس علشان امتحانات الماجستير قربت قوي يا ريت اللي فعلا عايز يجرب يكون في خلال اليومين دول علشان امتحاناتي في اول شهر سته
و دعواتكم بقي
و يا فرحه ملاك الجين بحركه جامده زي دي لو فعلا اشتغلت

**MohabSaeed** · 09-05-2009 02:18 AM

المشاركة الأصلية كتبت بواسطة Ayman_52

لا وانا بحســد الواجــا

...واقول يا بختها :k49:
الا ماشتغلش حتى يوم عندى... عشان الواحد يفرح بيه

بس على مين ... اليومين دول هنط عالتوكيل عشان يضبطوه

والفضل يرجعلك يا -موبا- فى هذا الاكتشاف الجينــاوى المهــم...لما اروح التوكيل هابقى اسجل الاكتشاف بأسمك

تحيـــــاتــى

يا باشا من غير حسد .. افكهالك من عندى لو عاوز

.

انا كمان كنت فاكر الجين 2 مفهاش الموضوع ده , بس لما لقيت الحلقه البلاستك حولين الكونتاكت فى عربيتك اتأكدت ان فيها بس مش شغال !! .. الاغرب انه مش شغال عند حد ؟

**densfog** · 11-05-2009 03:08 AM

السلام عليكم
اسف جدا ياجماعه على التاخير .... ادى اخره اللى عايز يتجوز ...... لازم يكمل تشطيب الشقه وينقى العفش وياخد باله من الرفايع ويحجز قاعه الفرح علشان الجواز و... و... و..... وياريت عاجب ...... من الأخر الفتره دى فتره الجيب النضيف جدا
المهم انا رحت يوم الأحد فعلا وكانت النتائج كالأتى:
1- بالنسبه لموضوع البنزين لما بكلم المهندس (اسمه م/ محمد ) قالى هما بيقولوا ان التانك 50 لتر بس فى الحقيقه هو 45 لتر اقوله ياعم ازايه الكلام ده ... انا عديت سن 3 سنين من زمان ...يقولى هو كده .... بصراحه سكت
2- موضوع النور ده بقى مواااااال ....فى زياره يوم الأحد كلمته على موضوع النور ده حسيت انه اخد الموضوع باستخفاف وقالى هنشوف هنقدر نعمل ايه ولما استلمت العربيه قالى ظبطناها .... معرفتش اجربها على طول علشان الدنيا نهار فجربتها بالليل على طريق سريع وجربتها لاقيتها بسم الله ماشاء الله ( ربنا يباركله ويرزقه من وسع) ...... زى ماهى بالضبط ولا كأن حد لمسها ..... روحتله اليوم اللى بعد مخصوص علىشان العيب ده بس ودخلنا الورشه ( علشان الضلمه) وشغلت النور على الحيطه وساعتها فقط اقتنع بكلامى وعملوا حاجه بسيطه اوى ....( لو فتحت الكبوت وبصيت على جسم الفانوس من فوق هتلاقى حاجه زى صاموله سوداء هى دى المسئوله عن ضبط زاويه الاضائه يدويا لما تلفها بمفتاح ) وبالمناسبه كل فانوس بيتظبط على حدى .... بس فى مشكله ... النور العالى والواطى بيتحركوا مع بعض بمعنى انى كنت عاوز اوطى مستوى الضوء العالى فايضا النور الواطى انخفض مستواه وبالتالى مسافه النور الواطى اللى كان بينورها قلت ... ودى مشكله ميقدرش يعمل فيها حاجه
3- بالنسبه لصوت موتور الكشافات ( الصوت علشان يطلع فى التوكيل ... ابدا .... تقولش مقبضينه ... وكان منظرى زى الزفت لما قالى ماهو شغال تمام .. امال فيه ايه ...)
4- قالى الفرامل على ماستر مش على (مش فاكر بصراحه) فعلشان كده مأقدرش اعمل اى حاجه تانيه للفرامل .... قولتله ولا حتى فى رجلاش ليها ... قالى برضه لأ
5- طلعت لمبه نور الشنطه واقعه جوه الفتحه بتاعه القفل... وطلعوها وركبوها تانى
6- قالى ظبطنالك الأصوات ... وطلعت بسم الله ما شاء الله .... الكونشيرتو زى ماهو منقصش ولا حتى عازف واحد ... ولما روحت تانى يوم علشان موضوع النور الأمامى ركب معايا العربيه علشان ندخلها الورشه وسمعته اصوات العربيه وبكلمه عليها حسيت انى كنت بكلم الدركسيون ..... وعرفت ان ده اخرهم فى العربيه.
7- رد عليا رد سريع ومقنع طحن ان ال led ده مابينورش اصلا وباقوله طب ايه لازمته قالى منظر بس ..( بصراحه شفته فى عربيه زميلى الكورولا الجديده بينور لما تفتح الأنذار ويطفى لما تحط المفتاح فى الكونتاك بصراحه تحفه )
8- بصراحه كسلت اجيب زيت من بره وخاصه لما قالى ان الزيت بتاع توتال مناسب للعربيه جدا وكان ممكن نخليه شل مثلا وخاصه ان توكيل الأسكندريه جوه بنزينه شل بس التوتال انسب _والله اعلم _ وعامه هاجيب امارات مصر باذن الله فى صيانه 10000 بس اكون اتاكدت من النوع المناسب لجينا
9- قالى الخبطه دى عاديه جدا ___ وبصراحه ليا زمايلى معاهم عربيات مختلفه ( بورا و ابيزا واسترا ) وقالولى الخبطه دى عاديه
10- قلت لو كلمته فى الموضوع ده هيقوللى انت اخدت مطب جامد من غير ماتحس فمتكلمتش فيه اصلا
11- قاللى ان صوت الكركره ده من البنزين ... قولتله لأ مش من البنزين انا بمون من كذا بنزينه والصوت صحيح بيختلف بس موجود معظم الوقت واعرف زميل راح توكيل القاهره (استاذ اسامه) وكان عنده نفس الصوت وكانت المشكله فى الكهربه ( تقريبا فى الكويلات) .... قالى طب هنكشف على الكهرباء ونشوف لو هنظبط حاجه وطبعا قالى كله تمام واقطع دراعى من لغلوغه لو كان لمس حاجه فى الكهرباء والصوت مايزال موجود _ صحيح مش موجود على طول- بس موجود
12- طبيعه الريموت كده مجاله قصير وابقى غير البطاريات ..... ياعم ده من ساعه ما جبت العربيه وفى المفتاحين ..... لأ هو من البطاريات ( طبعا ده حوار بينى وبينه)
المهم بعد كل ده افكر بينى وبين نفسى انت ندمان انك جبت جينا وكان ممكن تجيب ايه بدلا منها بالسعر ده وبامكانات مقاربه لها بصراحه ملاقيش وانا فعلا بحب العربيه دى ومتعايش جدا مع العيوب اللى مازلت باعتبرها بسيطه ومبتاثرش على اداء العربيه وخاصه انى عامل بيها فى اقل من 3 شهور 6000 كم على طرق مختلفه وبحملها اشخاص وامتعه وتكييف والحمد لله كويسه ومظهرتش عيوب فى العفشه مثلا او الموتور او الجيربوكس ( لاقدر الله) وبالمناسبه حسبت استهلاكها للبنزين وكانت كالاتى ( زى موضوع قديم لاستاذ توت) :
اولا : طريق سفر سرعه فى حدود 100 كم منتظمه تكييف + شخصين او ثلاثه ( بالغين بامتعتهم) بنزين 92
270 كم لكل 20 لتر
ثانيا: داخل البلد زحام عادى ( اسكندريه فى وقت الأمتحانات) سرعات مختلفه و طرق مختلفه + لوحدى معظم الوقت - بنزين 92
240 كم لكل 20 لتر
وبيتهيألى ده استهلاك كويس بالنسبه ل 1600 سىسى حسب اراء زمايلى ( كورولا - بيجو 307 )
والسلام عليكم

**densfog** · 11-05-2009 03:17 AM

B]السلام عليكم
اسف جدا ياجماعه على التاخير .... ادى اخره اللى عايز يتجوز ...... لازم يكمل تشطيب الشقه وينقى العفش وياخد باله من الرفايع ويحجز قاعه الفرح علشان الجواز و... و... و..... وياريت عاجب ...... من الأخر الفتره دى فتره الجيب النضيف جدا
المهم انا رحت يوم الأحد فعلا وكانت النتائج كالأتى:
1- بالنسبه لموضوع البنزين لما بكلم المهندس (اسمه م/ محمد ) قالى هما بيقولوا ان التانك 50 لتر بس فى الحقيقه هو 45 لتر اقوله ياعم ازايه الكلام ده ... انا عديت سن 3 سنين من زمان ...يقولى هو كده .... بصراحه سكت
2- موضوع النور ده بقى مواااااال ....فى زياره يوم الأحد كلمته على موضوع النور ده حسيت انه اخد الموضوع باستخفاف وقالى هنشوف هنقدر نعمل ايه ولما استلمت العربيه قالى ظبطناها .... معرفتش اجربها على طول علشان الدنيا نهار فجربتها بالليل على طريق سريع وجربتها لاقيتها بسم الله ماشاء الله ( ربنا يباركله ويرزقه من وسع) ...... زى ماهى بالضبط ولا كأن حد لمسها ..... روحتله اليوم اللى بعد مخصوص علىشان العيب ده بس ودخلنا الورشه ( علشان الضلمه) وشغلت النور على الحيطه وساعتها فقط اقتنع بكلامى وعملوا حاجه بسيطه اوى ....( لو فتحت الكبوت وبصيت على جسم الفانوس من فوق هتلاقى حاجه زى صاموله سوداء هى دى المسئوله عن ضبط زاويه الاضائه يدويا لما تلفها بمفتاح ) وبالمناسبه كل فانوس بيتظبط على حدى .... بس فى مشكله ... النور العالى والواطى بيتحركوا مع بعض بمعنى انى كنت عاوز اوطى مستوى الضوء العالى فايضا النور الواطى انخفض مستواه وبالتالى مسافه النور الواطى اللى كان بينورها قلت ... ودى مشكله ميقدرش يعمل فيها حاجه
3- بالنسبه لصوت موتور الكشافات ( الصوت علشان يطلع فى التوكيل ... ابدا .... تقولش مقبضينه ... وكان منظرى زى الزفت لما قالى ماهو شغال تمام .. امال فيه ايه ...)
4- قالى الفرامل على ماستر مش على (مش فاكر بصراحه) فعلشان كده مأقدرش اعمل اى حاجه تانيه للفرامل .... قولتله ولا حتى فى رجلاش ليها ... قالى برضه لأ
5- طلعت لمبه نور الشنطه واقعه جوه الفتحه بتاعه القفل... وطلعوها وركبوها تانى
6- قالى ظبطنالك الأصوات ... وطلعت بسم الله ما شاء الله .... الكونشيرتو زى ماهو منقصش ولا حتى عازف واحد ... ولما روحت تانى يوم علشان موضوع النور الأمامى ركب معايا العربيه علشان ندخلها الورشه وسمعته اصوات العربيه وبكلمه عليها حسيت انى كنت بكلم الدركسيون ..... وعرفت ان ده اخرهم فى العربيه.
7- رد عليا رد سريع ومقنع طحن ان ال led ده مابينورش اصلا وباقوله طب ايه لازمته قالى منظر بس ..( بصراحه شفته فى عربيه زميلى الكورولا الجديده بينور لما تفتح الأنذار ويطفى لما تحط المفتاح فى الكونتاك بصراحه تحفه )
8- بصراحه كسلت اجيب زيت من بره وخاصه لما قالى ان الزيت بتاع توتال مناسب للعربيه جدا وكان ممكن نخليه شل مثلا وخاصه ان توكيل الأسكندريه جوه بنزينه شل بس التوتال انسب _والله اعلم _ وعامه هاجيب امارات مصر باذن الله فى صيانه 10000 بس اكون اتاكدت من النوع المناسب لجينا
9- قالى الخبطه دى عاديه جدا ___ وبصراحه ليا زمايلى معاهم عربيات مختلفه ( بورا و ابيزا واسترا ) وقالولى الخبطه دى عاديه
10- قلت لو كلمته فى الموضوع ده هيقوللى انت اخدت مطب جامد من غير ماتحس فمتكلمتش فيه اصلا
11- قاللى ان صوت الكركره ده من البنزين ... قولتله لأ مش من البنزين انا بمون من كذا بنزينه والصوت صحيح بيختلف بس موجود معظم الوقت واعرف زميل راح توكيل القاهره (استاذ اسامه) وكان عنده نفس الصوت وكانت المشكله فى الكهربه ( تقريبا فى الكويلات) .... قالى طب هنكشف على الكهرباء ونشوف لو هنظبط حاجه وطبعا قالى كله تمام واقطع دراعى من لغلوغه لو كان لمس حاجه فى الكهرباء والصوت مايزال موجود _ صحيح مش موجود على طول- بس موجود
12- طبيعه الريموت كده مجاله قصير وابقى غير البطاريات ..... ياعم ده من ساعه ما جبت العربيه وفى المفتاحين ..... لأ هو من البطاريات ( طبعا ده حوار بينى وبينه)
المهم بعد كل ده افكر بينى وبين نفسى انت ندمان انك جبت جينا وكان ممكن تجيب ايه بدلا منها بالسعر ده وبامكانات مقاربه لها بصراحه ملاقيش وانا فعلا بحب العربيه دى ومتعايش جدا مع العيوب اللى مازلت باعتبرها بسيطه ومبتاثرش على اداء العربيه وخاصه انى عامل بيها فى اقل من 3 شهور 6000 كم على طرق مختلفه وبحملها اشخاص وامتعه وتكييف والحمد لله كويسه ومظهرتش عيوب فى العفشه مثلا او الموتور او الجيربوكس ( لاقدر الله) وبالمناسبه حسبت استهلاكها للبنزين وكانت كالاتى ( زى موضوع قديم لاستاذ توت) :
اولا : طريق سفر سرعه فى حدود 100 كم منتظمه تكييف + شخصين او ثلاثه ( بالغين بامتعتهم) بنزين 92
270 كم لكل 20 لتر
ثانيا: داخل البلد زحام عادى ( اسكندريه فى وقت الأمتحانات) سرعات مختلفه و طرق مختلفه + لوحدى معظم الوقت - بنزين 92
240 كم لكل 20 لتر
وبيتهيألى ده استهلاك كويس بالنسبه ل 1600 سىسى حسب اراء زمايلى ( كورولا - بيجو 307 )
والسلام عليكم[/B][/COLOR]

**densfog** · 11-05-2009 03:27 AM

ياجماعه اذا سمحتم محدش يبخل عليا باى رأى وخاصه انها اول عربيه ليا وخايف اكون حنتوف شويه.
بالمناسبه ياجماعه نفسى اخلص بقى من كلمه عضو جديد اللى تحت اسمى دى علشان زهقت منها _ ان شاالله حتى تبقى عضو فاشل بس اغير علشان زهقت حد عنده فكره عن كده

**densfog** · 11-05-2009 03:32 AM

معلش ماخدتش بالى ان الرساله اتكررت 3 مرات .... النت عندى بطئ شويه

**MohabSaeed** · 11-05-2009 03:57 PM

اولا الف مبروك على الزواج , معلش طبعا مافيش حد بيتجوز و جيبه مش بيبقى انضف من الصينى , ربنايتمم الزواج على خير ان شاء الله .

موضوع التنك , حقولك على تجربتى مع الواجا . التانك المفروض 60 لتر ... اكتر مره العربيه اخدت فيها بنزين , اخدت 52 لتر ..... مع العلم انى افتركت انها حتقطع بنزين لانى مشيت تقريبا 100 كيلو من بعد ما لمبه البنزين نورت اول مره .

الى اقدر اقوله ان عوامه البنزين مش دايما بتدى قرائه صح 100 % .

حاجه تانى اعتقد ان تنك الجين 2 ..... 60 لتر مش 50 كمان .
ف متشغلش بالك بالموضوع ده .

* موضوع الزيت ده بصراحه مش مقتنع بيه .... مافيش حاجه اسمها زيت توتال هو انسب حاجه للعربيه , لانه اكيد مفهوش حاجه زياده للجين 2 مش موجوده فى شل مثلا , ممكن تكون توتال بتورد الزيوت ل عز بسعر مخفض مثلا و علاشان كده بيتعاملو معاهم , لكن فكره ان توتال اكتر حاجه مناسبه .... افتكاسه .و ان كان هى زيوت ممتازه مش وحشه .

* نقطه رقم 7 " لمبه الكونتاكت "..... هل معقوله الشركه حتعمل مكان لللمبه علاشان متنورش !!!!!!!!!!! , اكيد ده رد غير منطقى ... اللمه ديه اساسا موجوده فى الويرا و الواجا و شغالين , يبقى ازاى فى جين 2 _ 2009 حتبقى موجوده منظر ؟؟؟؟؟ ( ربنا يهدى ) .

*9- خبطه الدركسيون ده ماتقلقش منها ... انا شوفتها فى عربيات كتير .

.... بروتون عموما الحمد لله مظهرش فيها عيوب فى الاجزاء الاساسيه , كلها عيوب تجميع و تقفيل
بل العكس جميع سيارات بروتون كاجزاء ميكانيكيه و اداء و تحمل , تتقارن بالعربيات اليابانيه .

"""" ياجماعه اذا سمحتم محدش يبخل عليا باى رأى وخاصه انها اول عربيه ليا وخايف اكون حنتوف شويه.
بالمناسبه ياجماعه نفسى اخلص بقى من كلمه عضو جديد اللى تحت اسمى دى علشان زهقت منها _ ان شاالله حتى تبقى عضو فاشل بس اغير علشان زهقت حد عنده فكره عن كده """"

مافيش عربيه مفهاش عيوب , بس هى المسألة نسبيه . ادخل على اى قسم حتلاقى الناس بتشتكى من عيوب مختلفه .

* اهميه العضو مش ب اللقب الى تحت اسمه , المهم المشاركات المفيده .