الموضوع: تغير زيت المحرك

1 - تغير الزيت فى البنزينة ولا عند محلات تغير الزيوت

من رأيى خليك مع بنزينه محترمه .....على أساس تشترى منها زيت يكون مضمون .....وبتوع المحلات ساعات بيغشوا الزيت

2 - امتى استخدم فلاش اويل او كل اد اية

لا يفضل أستعماله ...الا أذا دعت الضروره ....وكان هناك صوت ظاهر من منطقة الكستبانات ......ولابد من التدخل قبل تغيير الكستبانات....

3 - طريقة استخراج الزيت من العربية عن طريق الشفط بالجهاز المخصص لذلك ولا عن طريق فك الطبة ايهم افضل

فك الطبه....

ولية

لضمان نزول كل الزيت والرواسب الناتجه عن أكسدة الزيت بسبب الحريق والأحماض الموجوده فى العادم ....وبالذات لما يكون هناك تفويت خفيف للكرتير من الشنبر

4 - عند نزول الزيت بيتبقى جزء من الزيت داخل المحرك لان المحرك بيكون لسة سخن والزيت متوزع فى المحرك ازاى اعرف كمية الزيت الجديد اللى محتجها المحرك .

موضوع أنك تنزل كل قطره من الزيت ...ده مستحيل فعلا ....لأن لازم بيكون فيه نسبه خفيفه ملتصقه مع الأجزاء بتاعة المحرك .....دا غير اللى مابينزلش من خلال الطبه...........

5 - واحد من الاخوة كان بيقول ان الزيت مبينقص فى المقياس بتاع الكرتيرة وكان بيقيسة بأنتظام ولما راح عشان يغير زيت لقى الزيت ناقص حوالى لتر هو المقياس ممكن يقراء غلط :

فى الغالب حتلاقيه هو اللى كان بيقيس خطأ ....لأن طالما العصايه سليمه وراكبه كويس فى مكانها .........منقدرش نتهمها......وممكن كان بيقيس فى أوضاع مش مظبوطه للسياره ( وضع مائل مثلا وهكذا ).....داغير تلاقيه برضه ....مكنش بيطلع العصايه مثلا ويمسحها وبعد كده يحطها ويقيس ......يعنى ممكن يكون بيشيلها كده وخلاص ويبص على شكل الزيت عليها بدون أستخدام طريقة القياس الصحيح.............أنما لما راح يغير ( الراجل بتاع الغيار خبره وأشتغل صح )

المشاركة الأصلية كتبت بواسطة mohamedfawzyhassan

اخى العزيز انا عندى مكتوب فى الكتالوج
3.5 لتر بدون تغيير الفلتر
3.75 لتر لو غيرت الفلتر

تحياتى

فعلن العربيه ارتاحت بعد ما بدأت احط 3.75 لتر بدل 4 لتر
والزيت بطل يطلع من عند التكيهات

الحاجه المقرفه بقه كل ما اروح لواحد بتاع زيت لازم يستغرب اوي وانا بقوله شيل ربع لتر من الزيت

بس انا بعمله كده

كلام الكتالوج صح و ما تصدقش حكاية 4 لتر دي .... و الفلاتر لمعظم السيارات بتاخد ربع لتر فقط ...

الموضوع دا علي حسب كل عربيه

الهونداي اكسنت مثلا الكل بيقول 3.5 و و 4 بالفلتر

و اكتشفت في المانويل بتاع العربيه

3 بدون فلتر 3.3 بالفلتر

اتأكد من المانويل قبل ما تغير الزيت