عند الفرمله اجد لمبة البطاريه الي في التابلوه تنور .. رحت للكهربائي قال لي مفيش مشكله .. متقلقش !!!!!!
رحت لواحد تاني وكشف على العربيه قال مفيش سبب معين امشي بها كده ..عادي !!!!
رأيكم ايه ؟؟؟
عرض للطباعة
عند الفرمله اجد لمبة البطاريه الي في التابلوه تنور .. رحت للكهربائي قال لي مفيش مشكله .. متقلقش !!!!!!
رحت لواحد تاني وكشف على العربيه قال مفيش سبب معين امشي بها كده ..عادي !!!!
رأيكم ايه ؟؟؟
واضح ان فى حاجة عاملة قفلة مع نور الفرامل .
حاول تشوف كهربائي بيفهم و متسكوتش عليها .
لو هو ممكن تكون محتاج ضبط شد سير الدينامو ( السير مرخى شويه )............_ وممكن يكون خرج الدينامو ضعيف على السرعه الواطيه ( وقت الفرامل )
طيب ليه مصلحتش القافله دي وماشي يها ؟؟؟؟؟؟؟؟؟؟؟؟؟؟؟؟؟؟؟؟؟
الكهربائى قالى ما فيش مشكلة وكان عندى مشكلة برضة فى نور التابلوه انه لما اشغل اشارة النور يضعف ويزيد مع الاشارة كأن نور التابلوه متركب على الفلاشر هههههه
والكهربائى قالى انه دة بسبب ان السلوك عندى ضعيفه بس معرفش كلامه كدة صح ولا غلط
حضرتك رأيك ايه وتنصحنى بأيه؟
الكهربائي كلامه مضبوط ....السلوك محتاجه تتغير
أنا مش عايز أفتى لإني جديد في عالم السيارات بس ممكن تكشف ع البطارية أو تشوف يمكن تكون محتاجة شحن قبل ما تعمل أى حاجة
كده فى عندك تلميس فى العربيه وبلغه الكهربائيه ماس انا كان عندى نفس الكلام ده بالضبط والحمد لله اتعملت فى اقل من ربع ساعه طلع عندى تلميس فى سلوك النور الواطى والحمد لله الكهربائى عملها على طول بس ماتسكتش عليها عشان كده غلط غلط ممكن لا قدر الله التلميس ده يولع فى الضفيره بتاعه العربيه وربنا يوفقك
ا انا عندى نفس الموضوع بس اللمبه مش بتنور ع طول يعنى مره ومره لا
غير كده عرفت السبب مش مع كل دوسه على الفرامل .. دا اما بتكون جارى وتنطر العربيه ولا حاجة ودا طبيعى ف كل العربيات القديمه شويه وعاوز اقولك انى روحت للكهربائى قالى معندكش حاجة بس حاول تهدى على مهلك وتنزل الغيار قبل ما تقف وخلاص
طيب انا بقا كان عندى الأغرب من كدة
كنت لما بدى أشارة شمال وأدوس فرامل الاشارة تقف لحد ما اشيل رجلى من على الفرامل تشتغل وهاكذا بس كانت فى الاشارة الشمال بس اليمين لاء
وصلحتها مع نفسى شديد سلك جديد من دواسة الفرامل لحد الفانوسين ورا
وشكرا ً
مع احترامى للجميع
المشكله كلها ان شحن الدينامو مش مظبوط ودى عن تجربه لاسلك ولا ضعف فى شد السير ودخت لغايه مااتتضح ان العيب فى خرج الدينامو بالاضافه الى ضعف فى قلب الكونتاكت اكشف على الكتاوت لو خارجى او السليكونات وقيس الشحن وخلى كهربائ كويس يشوف سلك الكتاوت وتوصيلاته
اما بالنسبه للمبه الاشاره اللى بتطفى عند الدوس على الفرامل دا لان ارضى الفوانيس اللى ورا وحش او مش واصل ركب ارضى كويس وجرب وقولى وانا منتظر
ممكن سير الدنامو
متسكتش و شوف كهربائي شاطر
زى ما الاخ ash-rsi قال
العيب فى الدينامو
لانك لما بتدوس فرامل اللمبات بتنور
فدا بياخد من الكهربا اللى داخله للعربية
فبيخللى البطارية تضعف وعشان كدا اللمبه تنور
شوف شحن الدينامو
ممكن تكون عاوز شوربون
============
بالنسبة لموضوع الاشرات اللى بتقيد مع الفرامل
فدا ممكن يكون ماس
فك الفانوسين اللى ورا ونضفهم كويس
وتمم على السلوك اللى داخلالهم
الضعف دا ياسيدى نتيجه ان السياره قديمه فبالتالى كل سلوك الضفيره ضعفت فعليك اما ان تقوم بتغير الضفيره وده موضوع ممل ومكلف اما ان تقوم بتركيب كتاوت كلاكس للاشارات وده هيريحك اوى انا كان عندى نفس المشكله بس لما اشتريت بطريه جديده كله اتحل بس بعد كام شهر ابتدا يرجع تانى خصوصا لما اشغل الشبوره وشكرا على قراءه تعليقى