أخيرا" قطع غيار أصليه للويرا
السلام عليكم ورحمة الله
بعد التحيه أحب أعرفكوا على بعض الأسعار الجديده لقطع غيار بروتون ويرا سعرها غالى لحد ما ولكن (أصليه) بعد ما لفيت فتره كبيره على محلات قطع الغيار فى الحرفيين وشارع دمشق والتوفيقيه علشان حاجه هايفه جدا" (واير الدبرياج) وركبت أكتر من 6 أنواع وبدائل منها نوع للانسر 95 يابانى ومنها لرينو و .....
لقيت محل معروف لدى بعض الأعضاء أسمه (اولاد علام) موجود فى 6 عمارات الأوقاف أرض اللواء بالمهندسين لقيت الواير الأصلى ب 250 جنيه روحت رايح بنفسى ليه لقيته الأصلى فعلا" متشحم شحم أبيض ومغلف جاهز للتركيب وهوه اللى ركبه كمان ولقيت عنده بعض أسعار قطع الغيار للويرا منها
طقم دبرياج أصلى 650 ج
كشاف أمامى ماليزى أصلى 165
كشاف خلفى ماليزى أصلى 150
تيل أمامى 75
تيل خلفى 75
أكصدام أمامى 250
أكصدام خلفى 250
طاقم مفاتيح رفع الزجاج المزدوج 400 جنيه
مفتاح رفع مفرد 100 ج
سوستة رفع الشنطه 175 جنيه
طقم دلايات 100 ج
على فكره أنا سألت على طاقم المفاتيح المزدوج فى التوفيقيه لقيته ب 1200 جنيه والفردى ب 400 جنيه وواير الدبرياج التايوانى ب 120 جنيه ..... أسأل عند متخصص البروتون اللى هناك وأنته تتأكد والمفاجأه انه بيصلح مفتاح رفع الزجاج ب 25 جنيه فقط للواحد بدون تغيير
أنا حبيت أضيف الموضوع ده للافاده فقط لا غير وليس اعلان له ويا رب تكونوا أستفادتوا منه.