دواسة الدبرياج .........

**zocor742** · 01-05-2009 08:41 PM

انا عندى حوار كدة وانا بدوس على دواسة الدبرياج ومش عيب فى الدبرياج ولا الاسطوانة الدواسة نفسها بتعمل صوت تزييق والدواسة نعمة وطبيعية مش تقيلة ولا بتعلق بس هية بتزييق

ياترى اية الى يخلى الدواسة تزيق انا معرفش هيا تركيبها ازاى بس انا بعتقد ان ممكن يكون فية سوتة او مفصل مثلا عايز يتزيت او يتشحم
ملحوظة(كنت مركب جهاز معاق فى الدبرياج)ومن ساعتها وهو بيزيق انا قولت يمكن المفصلات بتاعت الدراع الى راكب وهو على فكرة متركب كلة من برة يعنى متفكش الدبرياش ولا حاجة ولما شلتة نفس الصوت

تنصحونى اعمل اية عشان الصوت دة بينرفزنى ومش استيل نوبيرا وعمالة تزيق

هية مش بى ام بس بردو مش وحشة

**magyver** · 02-05-2009 04:01 AM

زيت الدواسة من جوة كانت عندي ووزيتها والصووت راح

**zocor742** · 02-05-2009 05:09 AM

شكرا ياmagyver على ردك
بس ياريت لو تقولى عملية التزييت هتكون من داخل العربية ولا ازاى عشان لو سهلة اعملها بنفسى ولا هتحتاج افك حاجة ؟

**sab3aawy** · 02-05-2009 09:44 PM

هو يعنى كدة نظرا لأن حضرتك لم تذكر لنا نوع سيارتك فأنا هضرب الودع وهفترض انها دايو من واقع الصورة اللى حضرتك حاططها (تشخيص العيب بيفرق من عربية لعربية-حقيقة علمية) ، وبناء على فرضية الدايو فانت عندك نظام الدبرياج هيدروليك، وبالتالى يبقى احنا خرجنا سلك الدبرياج من الحسابات لأن الدبرياش الهيدروليك مالوش سلك، يبقى الاحتمالات عندك احتمالين: 1- مفصلة الدواسة والسوستة التى تعيد السوستة الى مكانها ودول موجودين فى الصالون، كل اللى انت محتاجه انك تحط دواسة ارضية الصالون على ارض الشارع جنب العربية وتقعد عليها ومعاك علبة WD40
(WD40 اللى هو ده : http://nilemotors.net/Nile/showthread.php?t=332 ) وتبص تشوف دواسةالدبرياج آخرها رايح فين هتلاقى مفصلة وسوستة، رش عليهم WD40 ,اديها كام دوسة هتلاقى الصوت راح، الحاجة التانية هى الشداد اللى بين مكبس الهيدرويك وفورك الدبرياج وده موجود فى حوض المحرك فى النهاية الأخرى لمنظومة الهيدروليك، للعثور عليه خلى حد يوس دبرياج فى الصالون وشوف ايه اللى بيتحرك فى حوض الموتور وبرضه تعامل معاه بال WD40

لو عربيتك مش دايو وفيها سلك دبرياج يبقى انت محتاج تاخد سلك الدبرياش فى اعتبار ان هو اللى بيزيق

**Lion_Heart** · 02-05-2009 10:06 PM

car :nubira 1
على يسار صورة العضوية

**zocor742** · 02-05-2009 11:27 PM

السلام عليكم
شكرا يا استاذ سبعاوى على الشرح الوافى ويعتبر كدة المعلومة وصلت مش ناقص غير علبة اسبراى اشتريها وفعلا العربية دايو نوبيرا لما انزل هشترى علبة اسبراى وهعملها ان شاء الله