ظاهرة الحجارة والبراميل

**M.ABDEEN** · 02-06-2009 08:06 AM

واخديين المحلات والرصيف والشارع كمان وبقت قلة ادب ولو تنحت معاهم يتخانقوا معاك ويخربوا العربية ويفسووا الكاوتش ......عمار يا مصر

**أحمد كمال** · 27-06-2009 08:46 PM

المشاركة الأصلية كتبت بواسطة mohammedsamirabdeen

واخديين المحلات والرصيف والشارع كمان وبقت قلة ادب ولو تنحت معاهم يتخانقوا معاك ويخربوا العربية ويفسووا الكاوتش ......عمار يا مصر

هي خلاص

بقت انجر فتة

و كل واحد يحاول يهبش شوية من الفتة

اللي يهبش حتة ارض بوضع اليد

و اللي يهبش ملايين و يهرب

و اللي يهبش حتة من الشارع يحط عربيته فيها !!!!!

**ابو حسين** · 28-06-2009 04:52 PM

كل واحد اشترى حتة من الشارع لحسابه

**tutankhamoun** · 28-06-2009 05:01 PM

نتيجة طبيعية لتمركز السكان في مكان ضيق .
و نتيجة طبيعية لعدم بناء جراجات لسكان ناطحات السحاب اللي بتطلع في يوم و ليلة في حواري عرض شوارعها لا يتعدى 10 متر .........

بأختصار نتيجة طبيعية للعشوائية ....... و الفساد الحكومي و الزيادة السكانية .

**Samir Elshahawy** · 29-06-2009 05:20 PM

المشاركة الأصلية كتبت بواسطة blazer

عاوزين نعرف التصرف القانونى الصحيح بتاع الموضوع دا
عشان نعرف ناخد حقنا
دا انا من يومين بركن قدام باب عماره الراجل صاحب المحل الناحيه التانيه من الشارع بيقولى ارجع ورا شويه بلعربيه
بقوله ليه ؟؟
بيقولى عشان صاحب العماره مينزلش يشوف العربيه كدا و يدايق و يطلع اى حد يندهللك تحرك العربيه
انا بجد وقتها لولا انى مكنش فى دماغ اتكلم و الراجل كلمنى بأدب
كنت هحط العربيه فى مكانها و يبقى يعمل اللى هو عاوزه

انا لما اجي أركن في شارع و لاقي بواب حاطط حجارة و لا براميل في مكان فاضي بأنزل أشيلها و أركن و يضرب دماغه في الحيط و مرة كنت بأركن تحت عمارة ناس قرايبي في مدينة نصر و البيه حاجز مكان بجرادل بلاستيك روحت شايلها بأكصطدام العربية و راكن مكانها

و ناوي اللي يكلمني لما اعمل كده أطلب له القسم و هما يتصرفوا معاه و لو ماأتصرفوش بلاغ للمرور و الحي و يمكن لزير الداخلية لما نشوف أخرتها بقي في البلد دي اللي ماشية بالدراع

**أبو إياد** · 01-07-2009 03:18 PM

مش مجننى غير واحد جزار هابقى اصور ليكوا المنظر حاطط زرعتيت بينها وبين الرصيف بتاع 2 متر
طيب ده جزار بيحتاج المكان ادامه فاضى ليه ؟ مش عارف
المهم انا لما باجى اركن انزل واشيل الزرع على الرصيف واركب العربيه واركن
ولا بيفتح بقه شكله كده فاكرنى ظابط ولا حاجه

**Mina W** · 01-07-2009 09:16 PM

انا واحد فى العمارة علمها و حط حجارة شلتها راح جاب اتنين بدل واحده شلت واحده راح نازل يشتم و يسب و للاسف طالع مش محترم على الاطلاق و لقيت يا انزل لمستواه ، يا اسيب المكان ليه و حجته انه اقدم واحد فى العمارة اشترى عربية و بالتالى له حق الاقدميه ؟!

**أحمد كمال** · 01-07-2009 10:09 PM

المشاركة الأصلية كتبت بواسطة mina w

انا واحد فى العمارة علمها و حط حجارة شلتها راح جاب اتنين بدل واحده شلت واحده راح نازل يشتم و يسب و للاسف طالع مش محترم على الاطلاق و لقيت يا انزل لمستواه ، يا اسيب المكان ليه و حجته انه اقدم واحد فى العمارة اشترى عربية و بالتالى له حق الاقدميه ؟!

يزعق على نفسه

قل له انك هتركن وقت ما تيجي و تلاقي المكان فاضي

و لو جه جنب العربية هتظبط له عربيته

و مافيش حاجة اسمها يا انزل لمستواه يا اسيب له المكان

ما تسيبش المكان و ماتنزلش لمستواه

و اركن

و قل له ده حقك

-

-

الموضوع: ظاهرة الحجارة والبراميل

LinkBack

أدوات الموضوع

عرض

-

-

-

-

-

المواضيع المتشابهه

ظاهرة انتشار المختلين عقلياً ....... ظاهرة يجب الوقوف عليها .

احذر رمي الحجارة في الماء

ظاهرة فى المنصورة

ظاهرة no love

الكلمات الدلالية لهذا الموضوع

المفضلات

المفضلات

ضوابط المشاركة