عرض للطباعة
السلام عليكم ورحمة الله وبركاته
دلوقتى ياجماعه من بكره هيبتدوا يوزعوا الشنطه والمثلث فى ادارات المرور للى هيرخص عربيته بس سمعت انهم مش هيعملوا عليها مخالفات الا بعد مرور سنه يعنى ف شهر 5 2010 ان شاء الله
هل الكلام ده صحيح ولا لا لانى مش ناوى اشتريها دلوقتى وكمان عامل ترخيص العربيه لمده 3 سنين
الكلام دة صح بس مش عارف بالنسبة للي حيجدد كمان 3 سنين
هما البهوات مش كانو لغو موضوع الشنطة والمثلث
لأ أنا مسمعتش إنهم لغو ...اقتباس:
المشاركة الأصلية كتبت بواسطة rembrandt
بس هما لازم يهدوا شوية على الكلام ده ...
مش بعد حادثة الدائرى إللى عملت ضجة بسبب إهمال الشرطة يجو دلوقتى يقولو حاجة ..
طاب دلوقتى الى مش هيرخص ولا هيجدد يروح يخد المثلث والشنطة من المرور التابع ليه ولا ايه النظام ؟؟؟؟؟!!!
حصريا من موقع وزارة الداخليه
الادارة العامة للاعلام و العلاقات > الأخبار الصادرة > الأخبار الصادرة
بدء تنفيذ بنود قانون المرور الخاصة بحقيبة الإسعافات الأولية
29 ابريل, 2009
تقرر بدء تنفيذ بنود قانون المرور الخاصة بحقيبة الإسعافات الأولية والمثلث العاكس إبتداءاً من يوم السبت الثانى من مايو عام 2009م.
وتفعيلاً لقرار السيد حبيب العادلى وزير الداخلية بعدم تحمل مالكى السيارات أعباء مالية إضافية وتوفير حقيبة الإسعافات الأولية والمثلث العاكس وتوزيعها مجاناً على مالكى السيارات...فإنه إعتباراً من السبت الموافق 2/5/2009م سوف يتم تطبيق القرار بتسليم المتقدمين للحصول على الترخيص الجديد أو تجديد الترخيص القديم.
وتجدر الإشارة إلى أنه سوف يُطبق هذا القرار على مالكى السيارات الملاكى والأجرة بأنواعها وكذا السيارات النقل ذات الحمولات الصغيرة..وبالنسبة للبنوك والشركات والمؤسسات والمصالح الحكومية سوف يتم توفير إحتياجاتهم من الحقيبة والمثلث بمعرفتهم من السوق المحلى.
هذا وقد أصدر السيد حبيب العادلى وزير الداخلية توجيهاته لمديرى المرور على مستوى الجمهورية بتوعية المواطنين خلال الحملات المرورية بأهمية حقيبة الإسعافات الأولية والمثلث العاكس لسلامتهم وألا يتم تحرير أية مخالفات بشأن تلك البنود إلا بعد عام من إستلام مالكى السيارات للحقيبة والمثلث.
http://www.moiegypt.gov.eg/Arabic/De.../n29042009.htm
===================
لو حد عنده توضيح اكتر
ياريييييييييييييت
عرفت ان الشنط الداخليه مش بتدفع فيها حاجه هتقولوا ليه؟
مثلا انا واحد صاحب شركه بتبيع اى حاجه اقوم عامل ايه اشترى شنط اسعاف و مثلثات والزق عليها مواد الدعايه اللى عاوزها و اروح اتبرع بيها للداخليه تقوم الداخليه توزعها على الناس
دى الاخبار اللى وصلت لى
شكرا .. الواحد كان هايشتريهم عالفاضي!!!
سمك لبن تمر هندى
يعنى إيه :
سنة بعد تسلمهم !!!! ولا سنة من الآن ؟؟؟ طب واللى فاضله سنتين أو تلاتة ياخدوه مخالفة عشان ميعاد تجديده مجاش وبالتالى ماستلمش الشنطة ؟؟؟؟اقتباس:
وألا يتم تحرير أية مخالفات بشأن تلك البنود إلا بعد عام من إستلام مالكى السيارات للحقيبة والمثلث.
ماهو علشان كده انا كاتباقتباس:
المشاركة الأصلية كتبت بواسطة Sameh
يا ريت لو حد عنده توضيح للمكتوب
بصراحه حاجه تغيظ
و اللى يغيظ اكتر
الجزء ده"
هذا وقد أصدر السيد حبيب العادلى وزير الداخلية توجيهاته لمديرى المرور على مستوى الجمهورية بتوعية المواطنين خلال الحملات المرورية بأهمية حقيبة الإسعافات الأولية والمثلث العاكس لسلامتهم وألا يتم تحرير أية مخالفات بشأن تلك البنود "
يعنى اللجنه توقفنى و لما لا تجد المثلث و الحقيبه تقولى
يابنى دى حاجات لحمايتك من غدر الطريق و خلى بالك منها اصل السفر تساهيل
عجبت لك يا زمن
:S_thum1[1]:اقتباس:
المشاركة الأصلية كتبت بواسطة MTAK