الموضوع: علبة الدركسيون ولا الاسكاترا بتاع دايو فيها رجلاش

المشاركة الأصلية كتبت بواسطة samirayad

بص يا أستاذ /عماد

_ الباور ده مساعد فى عملية التوجيه بتاعة العربيه.......

_ طبعا أكيد تعرف أن الأسكترا العاديه عباره عن جريده مسننه وبنيون صغير (اللى راكب على عمود أو قطمة الدريكسيون )....بحيث لما تلف يمين أو شمال البنيون اللى فى نهاية عمود الدريكسيون بيحرك الجريده بتاعة الأسكترا يمين وشمال (على حسب الأتجاه اللى بتلف اليه )

_ الجريده اللى جوه الأسكترا دى مركب عليها زراعين أو تيشين (زى كلام الصنايعيه).....هما دول اللى متصلين ببارات الطرف حتى الشمعدان بتاع الفرد الأماميه (يمين وشمال )_ وعلشان العمليه دى بتكون تقيله وعاوزه جهد كبير ( قاموا فكروا فى حل ...علشان عملية التوجيه تبقى خفيفه ....أزاى )

_ خللوا الجريده اللى جوه الأسكترا دى ...من ضمن مكوناتها مكبس أو بستم صغير (داخل قميص الأسكترا )....بحيث لما نديله زيت مضغوط من أحد الأتجاهين ....يساعد فى تحريك البنيون (الترس الصغير اللى فى آخر الدركسيون ) بسهوله أكبر....وبالتالى تخفيف الجهد المبذول فى التوجيه...(يعنى هى هى العاديه ...بس مع ضغط الزيت من جوه الأسكترا سواء يمين أو شمال بيخفف جهد السائق المبذول أثناء التوجيه ) بسبب البستم اللى قولتلك عليه داخل الأسكترا.............

....* وطبعا علشان نودى زيت مضغوط لداخل الأسكترا.....لأزم من تصميم دايره هيدروليكيه ( من طلمبة باور - تنك - خراطيم _ بلف توجيه دوار أسفل علبة الدركسيون ..علشان نودى الزيت اللى جاى من الطلمبه شمال أو يمين بستم الأسكترا مع حركة الدركسيون فى أحد الأتجاهات)....* هو ده ببساطه معنى باور التوجيه المستخدم فى السياره

.... وممكن تقول عليه مساعد أو مؤازر للتوجيه العادى ..بسبب دايرة الزيت اللى قولنا على سبب تصميمها

....* وانا عن نفسى بشبه دور الباور فى التوجيه (علشان بيخفف حمل الدركسيون أثناء التوجيه )......زى دور سيرفو الفرامل لما بيخفف الجهد المبذول أثناء الفرامل (مع الفارق طبعا )..........وأى خدمه يا أستاذنا (وعلى فكره دى نبذه بأختصار شديد ....ولك تحياتى )

المشاركة الأصلية كتبت بواسطة razini89

وهنا هاتلاقى بعض مشاكل الاسكاترا وسببها ايه
http://www.nilemotors.net/Nile/showthread.php?t=69

شكرا على الرد
بس اللى فهمته كده من خلال الشرح انه مافيش حاجة اسمها رجلاش فى النظام ده لانى لما كان معايا 132 فكنت عارف مكان رجلاش العلبة فين وكان فعلا بيمنع البوش
اما هنا فى الدايو فصاحبك ماعندوش فكرة لانى ماعرفش نظامها ايه