عرض للطباعة
السلام عليكم ....
اخيرا استلمت السيريون الحمد لله وراكنة تحت البيت :) .....
العربية ما شاء الله جميلة اوى فعلا ....
بس انا لاحظت حاجة ونفسى تقولولى رأيكوا فيها ، الفتيس تقيل بشكل ملحوظ ،
هل ده طبيعى فى السيريون وللا كده فيه حاجة غلط ؟ ، ولو ده مش طبيعى ،
ممكن يكون الزيت هو السبب ؟ ، وللا عشان العربية لسه جديدة ؟ ....
يعنى اعمل ايه ، اكلم الصيانة ، وللا استنى لحد صيانة الالف ؟!!!!
congratulations !!!
sorry i don't have arabic for now
about the gear box .. thats normal
but it gets better the more you use it
and gets it's best after the first 10,000 K
so expect it to get better during all that time
Motorizer باشا شخصيا ، ده ايه النور ده :)
شكرا يا استاذ Motorizer ، طمنتنى والله :) ....
الف الف مبرووووووووك علي اول سيريون وان في المنتدي
وعايزين تفاصيل اكتر عن العربية (السحب , صوت الموتور ,الاستهلاك ,..................)
وربنا يباركلك فيها والف مبروك مرة تانية
الف مبروك ياباشا
ربنا يديك خيرها ويكفيك شرها
وبعد اذنك هى عاملة كام ومن فين
يا جماعة انا شاكر ليكو كل الاهتمام ده ، وانا سعيد فعلا انى انضميت لمالكى السريون المحترمين اللى هنا فى المنتدى ، الف شكر على قبولكم ليا معاكوا ....
Youssef_Mostafa باشا ،
شكرا على لقب اول مالك سريون وان فى المنتدى ياغالى .... والله يبارك فيك ...
العربية جد روعة ، السحب كويس فعلا ....
العزل برضه كويس ، وصوت الموتور اوطى كتيير من النوبيرا ، بس اعلى نسبيا
من الانسر البوما ( انا بقارن بعربيات اصحابى ) ....
استهلاك البنزين بجد منخفض ، يعنى مكنوش بيكدبوا ، العربية بتعمل 100 كم لكل 4.8 لتر بنزين .....
الفرامل عظيمة ..... يعنى ضحكت لما شوفت نظرة اندهاش صاحبى بتاع النوبيرا لما كان سايق السريون وجرب يسند على الفرامل ... يعنى بس المفروض ما نقارنهاش بالنوبيرا الشهيرة بفراملها الضعيفة اصلا ....
انا هاتابع معاكوا ان شاء الله اكتر من كده لما ارخصها وامشى بيها اكتر ....
hoka باشا ،
الله يبارك فيك وشكرا على مرورك ...
بالنسبة لسؤالك ، العربية ب 71000 ، انا قسطها من الشركة العالمية المتحدة للتجارة ، ودى شركة تبع عبد اللطيف جميل مسئولة عن تقسيط العربيات ( بفائدة 8% لدايهاتسو و فائدة 9% لاى عربية تانية ) ....
يعنى من الاخر كده التقسيط من دايهاتسو مصر مش تبع بنك معين .....
لو عايز تفاصيل اكتر اقرأ الموضوع ده
http://www.nilemotors.net/Nile/showthread.php?t=72225
الف الف مبروك ليك على السيريون وان:biggrin2:
وعلى فكرة اعتقد انى انا اول واحد قال انك هتاخد لق:biggrin2:ب مالك سيريون وان
الاول فى المنتدى .........حتى راجع الموضوع من الاول
ربنا يسعدك بالعربية و يديك خيرها و يبعد عنك شرها و كل شر باذن الله:S_thum1[1]:
وانت كمان هاتبقى المرجع الاول لكل اللى هايشترى سيريون وان
و اللى منهم انا باذن الله . قادر يا كريم
المهم بقى متنساناش بقى فى التقارير و انطباعك عنها
وان شاء الله تركب كاسيت حلو عشان تبقى كملت العربية مية مية
و بالمناسبة انت بتحط بنزين 92 ولا 95
عشان الموضوع ده حصلت عليه حوارات قبل كده و عايزينك تطمنا
صديقى abohalmos ، الله يبارك فيك يا باشا ...
وبرضو الف شكر على اللقب وعلى انك اول واحد تقولوا يا باشا ..... والله
انتوا كلكوا ناس فى قمة الاحترام ....
عقبالك كده ان شاء الله واكيد هانكون مع بعض ....
ان شاء الله اول ما ارخص هاجيب كاسيت وسماعات وبرضو هاتابع معاكو ....
انا حطيت بنزين 92 ....
الف مبروك وربنا يديك خيرها ويبعد عنك شرها
هي مش المفروض ب 70 مش 71؟
الف مبروك وربنا يبارك لك فيها ويديك خيرها ويكفيك شرها
ألف مبرووووووك يا باشا و ربنا يباركلك فيها و يكفيك شرها..
و عايزين تقييم شامل مفصل عنها.. انا ممكن كده ابيع الماتريكس و اجيبها لو طلعت حلوه.
الف مبروك
ربنا يبارك لك فيها و يحفظها لك من كل سوء
الف مبروك وربنا يديك خيرها ويكفيك شرها
السلام عليكم ....
الله يبارك فيك اخى الكريم ابو مريم ، لأ العربية بقت ب 71000 دلوقتى :)
اخى bassam nagy الف شكر وربنا يبارك فيك ....
اخى mecho_392 الف شكر ، وربنا يوفقك فى اتخاذ القرار السليم وانا والله نفسى
اكون اضافة ليكو هنا فى المنتدى وان شاء الله لما اعمل الترخيص وامشى بيها اكتر هاوافيكوا بالتقرير ....
اخى معاذ الشرباصى ، كيف حالك ويا رب تكون بخير ... الله يبارك فيك
والف شكر على مرورك يا غالى :) .....
اخى mido_919 الله يبارك فيك وشكرا على مرورك .
الف شكر يا جماعة :S_thum1[1]:
الف مبروووك .... ربتا يسعدك بيها واهلا بك فى الأسرة السيريونية
الف مبروك وربنا يعطيك خيرها ويكفيك شرها
ومتنساش واحدة واحدة طوال فترة التلين
الف مبروووووك ياباشا على الاستلام وربنا يباركلك فيها ويكفيك شرها يارب
انا ان شاء الله هاستلم بعد بكرة سيريون وان :)
وان شاء الله اول مستلم هاكتب هنا واقول كل حاجه اعرفها عن العربية
ومبروووك تانى ياباشا على العربية
ربنا يباركلك فيها ويبعد عنك عين الحساد
مبروك يا جميل سيريوناويتك ومبروك عليك لقب الكينج اللى انا هضيفهولك بصفتك اول مالك فى المنتدى للسيارة وربنا يكفيك شرها ويعطيك خيرها وابقى طمنا اخبار الجير معاك ايه كل فترة كدة
الف مليون شكر يا جماعة .... انا رخصت النهاردة الحمد لله ....
انا سعيد انى بقيت واحد من العيلة السريونية :) ....
اخى hhhmmmzzzz ، شكرا لك واكيد هاتابع معاكو ...
اقتباس:
المشاركة الأصلية كتبت بواسطة BlueFlower
الف مبرووك ياباشا
ياريت بقى تقولى رخصت بكام ؟
السلام عليكم ....اقتباس:
المشاركة الأصلية كتبت بواسطة hsemary
كيف حالك اخى hsemary ، عقبالك كده ان شاء الله قريب ...
يا سيدى الموضوع اتكلف الاتى :
- 121 طفاية حريق
- 65 تأمين اجبارى
- 300 ضريبة وحبشتكنات وبلح امهات ....
بس غير كده دفعت فى شركة عبد اللطيف جميل 140 جنيه وانا بستلم
ورق الترخيص ....
يا جماعة العربية دى تحفة .... انا فعلا بحبها ، ربنا يبارك فيها
ويبارك لكم فيها ...
الف مبروك عليك
عربيه جميله فعلا و كل الناس بتشكر فيها
ربنا يباركلك فيها و يديك خيرها و يكفيك شرها
اقتباس:
المشاركة الأصلية كتبت بواسطة BlueFlower
شكرا ياباشا ربنا يكرم ان شاء الله ويباركلك فيها ويكفيك شرها يارب
حلو اوى الحبشتكنات :049:
ربنا يسهل يارب ان شاء الله
شكرا يا Bossy ... والله يبارك فيكى ....
شكرا hsemary .
الف مبروك ياباشا ربنا يباركلك فيها ويكفيك شرها
مبروك علينا يا دايهاتسوايه اول مالكى ال سيريون وان
إحنا نحضر بقي يا جماعة للمقابلة الرابعة عشان نقابل و نتعرف علي كل الناس الجديدة الجميلة دي و كمان نشوف حبايبنا اللي بييجوا كل مقابلة لأن بقالنا كتير متقابلناش .
الله يبارك فيك يا madoo باشا :) ....
اخى MoToRiZeR انا نفسى والله اقابلكوا واتشرف بمعرفة كل الناس المحترمين
اللى هنا فى المنتدى ... معاكوا ان شاء الله :) ....
يا blueflower
انا عايز اعرف منك حاجة كام سعر بالتقيسط
علما انا صفحة في جرنال الوسيط بتاعت المصرية للسيارات وفيها دايهاتسو سيريون مقدم 7100 قسط 490
ومكتوب علي جانب الاعلان قسط علي 5 سنوات بدون فوائد(بنظام الودائع)
واكون شاكرا
اخى اسامة ....
راجع هذا الموضوع
http://www.nilemotors.net/Nile/showthread.php?t=72225
على ما اذكر ان السعر النهائى بالفوائد هايكون حوالى 96000 ، وعموما
اقرا انت الموضوع واحسبها هى كام بالضبط .....
بالنسبة للمصرية ، فانا مش عارف حاجة عن الاعلان ، كلمهم واسئلهم
بنفسك لان كلام الجرايد دا مش دايما فيه مصداقية ..... والله واعلم .
شكرا على مرورك اخى الكريم
يا جماعة انا هاشتري سيريون وان قريبا و عايز اعرف رأيكوا في العربية هي 70 حصان , هل هي كدة قوية ولا ضعيفة .
يا جماعة انا هاشتري سيريون وان قريبا و عايز اعرف رأيكوا في العربية هي 70 حصان , هل هي كدة قوية ولا ضعيفة .
ma3lesh ana hakteb 7orrof english 3ashan ma3andeesh 3arabi, ana kan ma3aya citroen ax 1100 cc, w kanet 7awali 62-65 7osan, nafs el kalam el pride el 1100 cc, fa 70 di to3tabar ma32oola w law en tagmee3a yo3tabar da3eef shwaya, men 0-100 fi 13.9 seconds. w bel monasba ana dakhalt 3ala el ...site beta3 daihatsu UK w maktoob en el 3arabeya el sirion el 1000 cc, 68 7osan!
ana moktane3 bel 3arabeya awi bezat 3ashan was3a, bas barage3 nafsi la2en el punto delwa2ti arkhas 7000 geneh!
7ad 3ando fekra 3an el takyeef ma3 el 1000 cc 3amleen eh????
ألف مبروك وعقبال المرسيدس
مبارك يا blue flower
ربنا يعطيك خيرها ويكفيك شرها
اداء الفتيس هيتحسن بمرور الوقت لا تقلق
ma brook ya basha 3ala el Sirion one we rabana yebarklak feha,,,,, bas begad 3ayzeen takrer kaml 3anha 3ashan ana 3ayz anzl a7gzha el yomen dool,,,,
we bardo sem3t 3an el sirion shwayet 7agat fa yareet law to2lna ra2yak
1- el shanta so3'ayra awy ledargt enaha mabtslsh ay 3agla mn beto3 ela3arbya 3'er el stbn!!!
2- sem3t en feha ra3sha shwaya we hya wakfa!!!
3- ana ro7t shoft el 3arbya bas ftesha nashf!! ma3 en da mesh tabe3t el yabany
heya feha kam sama3a
4- banzeen 92 koayes wala bet7tag bagd 95?
thank you
Falcon