كلام حضرتك دا بصراحة لعبلي في دماغي بجد !!!اقتباس:
اصلى اول مادخلت المحطة الكاوتش الشمال اللى ورا نام وروحت لبتاع الكاوتش لقى 3 اخرام
هل ممكن يكون حد من عمال النظافة اللى كانوا بينضفو العربية بالمكنسة الكهربا خرم الكاوتش عشان اروح انفع بتاع الكاوتش ؟
اللى حصله حاجة زى دى يرد عليا"
الكلام دا حصل معايا بالظبط من شهرين .. مستنى دوري عشان العربية تتغسل بالفرشة بعد ما كنست العربية من جوة بالمكنسة لقيت الكاوتش اللي ورا عالأرض !!!!!!!!!!!!!!!
روحت جايب بتاع الكاوتش و قولتله يركبلي الإستبن على ما اخلص غسيل و بعدين لما خلصت لقيته بيقولي دي مخرومة خرمين !
هو حضرتك بتتعامل معاهم على طول؟
انا دايما بمون و اغسل العربية هناك ( مرة كل شهر كدا ) و شايف انهم احسن من محطات تانية كتير لكن الكلام اللي حضرتك قولته يخللي الواحد مش مطمن
بس انا كنت لسة بغسل العربية عندهم النهاردة و محصلش مشاكل الحمد لله .. :)
شكرا للتنبيه و يا ريت لو في حد تاني حصل معاه حاجة زي كدا يقول و نتفق و نروح نشتكيهم كمجموعة !