الموضوع: صفعة من وكيل مابل الصينية و وكيل هيونداى الى و كيل رينو

الاستاذ الفاضل صاحب الموضوع الصفعة دى بياخدها اى حد بيوسوسلو الشيطان ويروح يشترى عربية صينى هى دى الصفعة. الفيرنا كان لازم تنزل لان غبور هابش فيها هبش جامد ولو لم ينزل بالسعر كان هيدى عربية فيرنا هدية على كل عربية سوناتا او توسان او سانتافى بيبيعها. سيدى الفاضل لا وجه للمقارنة نهائيا علشان تركب عربية اوروبى بسعر اليابانى مش الكورى والصينى ده شيئ كان لوقت قريب من الاحلام . موضوع التقفيل بيقلل السعر شوية بس مش كتير والا كنا قلنا البى ام والمرسيدس المصرى يتباعوا بسعر الكورولا واللانسر والميجان. كنت فاكرك بنفس المبدأ هتقول ان اللوجان هاتش باك الجديدة صفعة للجيتز و البريليانس اف ار فى !!!! سيدى الفاضل الرينو الرومانى (داتشيا) من اقوى السيارات واكثرهم عمرا اللى اشتغلت تاكسى فى مصر من اكتر من ربع قرن تعالى اتفرج على المابل والجيلى اللى شغالين فى مصر بقالهم 4 سنين وانت تعرف ان السعر الحقيقى لهذه الكوارث المتحركة على اربع عجلات هو بالكثير نصف التمن اللى بتتباع بيه. الموضوع مش اسعار والا على راى الاستاذ احمد سامى بلاها باسات و بيجو 407 ورينو لاجونا واوكتافيا فانتازيا ونروح نشترى اسبرانزا وبلاها جراند فيتارا وتيريوس ونشترى تيجو و المعجزة ماهيندرا. اسمحلى يا اخى انا بختلف معاك بشدة وطبعا ده لا يفسد للود قضية وشكرا