عرض للطباعة
السلام عليكم
ليا واحد صاحبى عايز يجيب عربيه عاليه عشان خلاص زهق من المطبات والشوارع المكسره
وبيفكر فى التيريوس
بس لما عرف انها 1500 و 105 حصان قلق منها
خايف يكون ادائها وسحبها مش كويس وتبقى ضعيفه
فقلت اسألكم يا اهل الخبره
هل التيريوس بالموتور ده على البودى والوزن ده ادائها كويس ولا ضعيف ولا عادى ؟
وهى وزنها كام كجم ؟
وهل فعلا ال 2*4 سحبها افضل من ال 4*4 ؟
واخبار الثبات ايه ؟
اسف على الاسئله الكتير ومتظر ردودكم
ومشكورين مقدما
وزن العربيه 1,170 كجم
وتسارع 4*4 من صفر لمائة كم هو 12.4 ثانية
يعني اكيد 4*2 هتبقى اقل يعني ممكن تقولي 11 او 10 وكسر
العربيه تعتبر طبعا كده اداء كويس جدا
دايهاتسو عموما متخصصه في الاحجام دي
وعمرها ما عملت عربيه تقيلة
خليه يتوكل على الله ومايخافش من موضوع السحب ، فيه حاجة مهمة بتأثر فى السرعة والسحب وماحدش واخدها فى إعتباره ، وهى قطر الكاوتش وبالتالى محيط الفردة ، وطبعاً فى التيريو س الفردة أعلى ومحيطها بالتالى أكبر من العربيات السيدان المعتادة ، يعنى لفة واحدة تمشيك أطول من لفة واحدة فى العربيات المعتادة ، وبالتالى مع نسب تخفيض مدروسة من الجيربوكس بيتغلبوا بسهولة على موضوع 1500 مش 1600 ، اللى هو أصلاً مش فرق كبير ، خصوصاً إن العربية مش تقيلة
متشكر جدا طمنتونى
طيب معلش سؤال كمان
هى بتنزل بكاوتش مقاس كام ؟
وكمالياتها ايه اللى هى اول فئه فى الاوتوماتيك ؟
الأخ أبو عبد الله إن شاء الله يجاوبك أحسن منى فى الموضوع ده
مقاس الكاوتش 215/65r16
اما الكماليات فاظن ان احد من ماكلي السيارة يفيدك اكتر مني ان شاء الله
الف شكر على الافاده
والله العظيم احسن عربية فى مصر دلوقتى
السلام عليكم
اسمحولي اشارك في كماليات الجراند
السيارة بها تكييف مزدوج
مريات كهرباء وباور وكاسيت mp3وسماعات امامية وخلفية في الأبواب
وعتب واسبويلر وجنوط اسبور