الاسطوانة والديسك فى الكورسا

**zomee** · 02-05-2009 09:48 AM

--------------------------------------------------------------------------------

عايز حل علشان تغير الاسطوانة والديسك فى الكورسا موديل 2003 مع العلم ان السياره عامله 100000كم ومغير الاسطوانه قبل كده وتقريبا هغيرها تانى------ولو في تعديل حد يقلى عليه--شكرا

**Ahmad Allawy** · 02-05-2009 12:02 PM

المشاركة الأصلية كتبت بواسطة zomee

--------------------------------------------------------------------------------

عايز حل علشان تغير الاسطوانة والديسك فى الكورسا موديل 2003 مع العلم ان السياره عامله 100000كم ومغير الاسطوانه قبل كده وتقريبا هغيرها تانى------ولو في تعديل حد يقلى عليه--شكرا

للأسف يا باشا العيب ده شائع ف العربية دي الموديل ده..
تقريبا عشان اتعمل عليه تعديل ف البرازيل.. من غير ما يكون اختبر كويس او كده الله اعلم.. فدي حاجة مشهورة فيها انها بتاكل اسطوانة و ديسك كتير.. يعني هنقول في اسوأ الفروض هتغيرهم كل 60 الف كم مع الكاتينة و طلمبة المية..
هما مش غاليين.. لو هتركبهم برة تمنهم حوالي 750 جنيه.. ولو ف التوكيل تمنهم بالتركيب مش هيعدي ال1500 جنيه.. اقل بشوية.. بس بتاخد عليهم ضمان..

**N.a.j.d** · 02-05-2009 06:00 PM

طب ليه مبينزل مصر تقفيل الماني مش حرام الكلام دا يا شباب الاوبل بس الماني مش غيرو

**Ahmad Allawy** · 02-05-2009 08:20 PM

عشان العربية دي مش اوبل اصلا.. ولا دي ولا الاسترا السيدان..
دول شيفروليه.. متصنعين ف البرازير.. و جي ام نزلتهم مصر تحت اسم اوبل لأنه هو اللي كان معروف و ماشي ف السوق ساعتها.. و مكانش في لسة شيفروليه في مصر..
نزل العربيتين دول بدل الفيكترا اللي منزلش الموديل الجديد بتاعها اللي هي سي
و الكورسا بدل الكورسا سي اختها الهاتش باك..عشان في مصر الناس بتحب السيدان اكتر..

**ASKAFRAWY** · 02-05-2009 08:24 PM

المشاركة الأصلية كتبت بواسطة Ahmad Allawy

عشان العربية دي مش اوبل اصلا.. ولا دي ولا الاسترا السيدان..
دول شيفروليه.. متصنعين ف البرازير.. و جي ام نزلتهم مصر تحت اسم اوبل لأنه هو اللي كان معروف و ماشي ف السوق ساعتها.. و مكانش في لسة شيفروليه في مصر..
نزل العربيتين دول بدل الفيكترا اللي منزلش الموديل الجديد بتاعها اللي هي سي
و الكورسا بدل الكورسا سي اختها الهاتش باك..عشان في مصر الناس بتحب السيدان اكتر..

+1111111111111

انا غيرت اسطوانة و ديسك عند 45000كم
وتقريبا كدة مش هتقعد كتييييييييييير

هى عامة مشكلة فى الكورسا البرازيلى (شيفورليه) وللاسف لا تقارن بالكورسا ال1200

**ASKAFRAWY** · 02-05-2009 08:53 PM

المشاركة الأصلية كتبت بواسطة Ahmad Allawy

الكورسا ال1200 انا مغير الاسطوانة الفبريكة بتاعتها عند 135 الف كم..
و للأسف كده قليل اصلا كمان. عشان اللي كنت شاري منهم كان واحد و العربية مقعدتش معاه كتير.. و راحت لبنته.. و بعدين لوالدهم.. و انت عارفين بقي سواقة البنات اللي لسة بيتعلموا.. و الناس الكبار.. الرجل الشمال علي طول علي الدبرياج..

عموما.. اعتبرها من ضمن الصيانات.. غيرها مع الكاتينة و طلمبة المية..

يا باشا انا مغير اسطوانة وديسك للكورسا ال95 على 11000 ميل يعنى حوالى 176000كم و كان سحب العربية زى الفل بس انا كنت مسافر بيها شرم وقولت اغيرها مع تغيير طقم الكهرباء و السيور!!
العربية دى حمارة شغل انا بصراحة مبفكرش استغنى عنها حتى لو فكرت اغير هبيع ال1600 و اجيب الاسترا!!!

**ASKAFRAWY** · 04-05-2009 03:03 PM

المشاركة الأصلية كتبت بواسطة zomee

تسلم اديك---يعنى مفيش حل للموضوع ده غير انى اغير العربيه

انا شايف ان لو دى بس المشكله متغيرش العربية ولا حاجة بس تقريبا كل 40000_50000كم هتحتاج 1200 جم للاسطوانة و الديسك

بس على فكرة فيه ناس كتير مشتكوش من موضوع الاسطوانة لحد دلوات

-

-

الموضوع: الاسطوانة والديسك فى الكورسا

LinkBack

أدوات الموضوع

عرض

-

-

-

-

-

-

المواضيع المتشابهه

عايز اعرف الاسطوانة والديسك بتاع فيكترا ايه 1600

ملئ الاسطوانة

ماهى موشرات تلف الاسطوانة والديسك

سعر الاسطوانة والديسك في 128

مصنعية تغير الاسطوانة والديسك في 128

الكلمات الدلالية لهذا الموضوع

المفضلات

المفضلات

ضوابط المشاركة