تجربتى لقيادة شيفرولية لانوس 2009
الاول انا بحى كل اعضاء منتدى الشيفرولية لبراعتهم فى عالى السيارات
نبتدى بقى ونبدا
انا امبارح كنت سايق عربية لانوس بتاعة ابن عمتى
العربية حلوة ماشاء اللة تحت 120 ثابتة وكل حاجة
بس ماعجبنيش الثبات بعد 120 خالص
بتلعب شوية
قصدى يعنى الدركسيون خفيف جدا جدا
على فكرة انا معايا اوكتافيا فممكن يكون علشان متعود على الاوكتافيا
علشان ثابتة جدا ولا ممكن علشان يكون فى عيب فى العربية
اللة واعلم بس ياريت اعرف هو فعلا الدركسيون بتاعها خفيف ولا لأ
يعنى بتلعب شوية ولا لأ
وعلى فكرة موضوع الدركسيون الخفيف دة لو كان حقيقى يتحل بجنط 15
اما بالنسبة لتسارعها فهو جامد جدا انا محسبتوش بس حسيت بى
وبالذات الغيار التالت ةالرابع بتوعها بجد بجد جامديين جدا هو ممكن يكون الغيار التانى بيعطل وقت من التسارع لكن الغيارات التانية جامدة اوى
واما بالنسبة للخامس فهو بطى ا\شوية
يعنى امبارح علشان اجيب 150 كان بصعوبة اوى
ممكن بردة علشان العربية فى فترة التليين ولسة اساسا ماجبتش 2500 كيلو متر
بس هى الصراحة من خلال تجربتى احسن بكتير من الفيرنا فى عدة نقاط منها
1-ثباتها احسن من الفيرنا
2-صوتها احسن من الفيرنا
3-استهلاكها للبنزين احسن من الفيرنا امبارح خدت ربع التانك فى 220 كم
4-كشياكة انا بفضل الشيفرولية لانوس السودة عنها
5-فراملها احسن من الفيرنا 1500 سى سى
6-عفشتها جميلة جدا بس مش فاكر بتاعة الفيرنا عااملة ازاى
7-كراسها اعلى من الفيرنا
عيوبها
1-ماتقدرش تشوف الكبوت ولا دهر الشنطة لكن فى الفيرنا تقدر
2-دركسونها خفيف ودة ممكن مش عيب ممكن يكون تهيات
اما فى النهاية
احب احيكم مرة تانية يابطال شيفرولية
وممكن افتكر حاجة كمان واكتبهلكم
وباااااااااااااااااااى