نعم فيه تسييل على الرشاش ده.....وياريت توضح حالة الباقى ....لأن العمليه فيها زيت برضه من الأول....لما كشفت أول مره
عرض للطباعة
الله يخليك يا أخى ......قبل مانتكلم على الرشاشات .......أنا شايف الأول أنك لقيت الرشاش عليه زيت (اول مره ).......والمره التانيه لما أنت كشفت قلت لقيته غرقان بنزين ( هل فعلا تقصد بنزين ).......والزيت اللى كان على الرشاش قبل كده .......دى حاجه تانيه وليها نظام تانى ( وكده معناها أنك بتزود زيت برضه )...........فياريت تشرح الحاله بتوضيح أكبر
العربية عندى موديل 2002 وعاملة 60 الف كيلو والحمد لله سحب العربيه عندى ممتاز ومافيش اى مشاكل فى الموتور ملحوظة ومغير بوجيهات و موبينه من حوالى 2000 كم
بالنسبة للزيت انا الحمد لله منسوب الزيت عندى ثابت ومش بحتاج ازود زيت
انا متعود كل فترة ابص على البوجيهات فلاحظت ان احد البوجيهات معرق زيت من جوه من على القلاوظ وريحته بنزين جامد فقمت بتنضيفة وازاله اثر الزيت وركبته تانى بس ما دورتش العربيه وتانى يوم فكيته علشان اشوف لسة فيه تسريب ولا ايه
المهم وجدت البوجيه غرقان بنزين بدون زيت .
متابع باهتمام
لو أستهلاك البنزين كويس ....ومعقول ممكن تأجل موضوع الرشاشات شويه ( دا لو كانت العربيه كويسه معاك برضه فى الدواره ......والأداء يرضيك حاليا ........طبعا مع متابعة الأداء )اقتباس:
العربية عندى موديل 2002 وعاملة 60 الف كيلو والحمد لله سحب العربيه عندى ممتاز ومافيش اى مشاكل فى الموتور
الحمد لله .....وياريت برضه الأستمرار فى متابعة الزيت ( وعامة واضح أن حضرتك يقظ للمواضيع دى .....وده كويس جدا )اقتباس:
بالنسبة للزيت انا الحمد لله منسوب الزيت عندى ثابت ومش بحتاج ازود زيت
حاول تشوف الزيت ده جاله منين ......طالما الزيت مبينقصش.....وقد يكون هناك ترشيح من عند جوان التناكيهات وبينزل على منطقة السن دى من حول البوجيه مثلا ولو أنها صعبه شويه .......وكده حيكون كاوتش الصباب كويس.........................على فكره أكيد المقاس بينزل خفيف جدا ......بحيث أنك بتكون مغير زيت بزياده ومعدل نزول الزيت على المقاس غير ملحوظ ( يعنى أستهلاك خفيف جدا لأى سبب من الأسباب ) لأن الزيت ده أكيد ليه مصدراقتباس:
انا متعود كل فترة ابص على البوجيهات فلاحظت ان احد البوجيهات معرق زيت من جوه من على القلاوظ
طالما كان غرقان بنزين كده ......فمعناه أنه الرشاش ده بيسيل ....وكده الرشاشات حتحتاج تتغير قريب ( وده بيعتمد على رؤيتك ومدى رضاك عن الأداء من ناحية الدواره وأستهلاك البنزين )...........................اقتباس:
وركبته تانى بس ما دورتش العربيه وتانى يوم فكيته علشان اشوف لسة فيه تسريب ولا ايه
المهم وجدت البوجيه غرقان بنزين بدون زيت .
_ وطبعا عند عقد العزم على عمل شغل فى الرشاشات يفضل تغيير الأربعه (لأن كده الرشاشات حتقول ورا بعضها ......ولا أنصح بتغيير واحد فقط .....ولكن الأربعه ).......وممكن الزيت ده بيجىء مع التشغيل ( وحاليا يجب متابعة الزيت الأيام القادمه .....ومعرفة سببه.......والصراحه حتة أن الزيت على السن هى دى اللى ملخبطانى شويه لأن السن راكب فى رأس السلندر .......ومش عارف الزيت ده بيجىء من فوق من عند غطاء التاكيهات مثلا.....ولا من خلال كاوتش الصباب ......وطبعا أى حاله بتكون مع عمل المحرك )
هى حكايه ترشيح الزيت من فوق من عند غطاء التاكيهات مستبعده لأن انا لسة مغير الجوان من فترة قصيرة وبعديها غسلت الموتور والمنطقة دى جافة ونظيفة تماما .
بس انا شاكك فى حاجة ومحتاج حضرتك تفكر معايه :
المفروض ان فيه بخار زيت بيدخل مع الهواء ال داخل على المنافولد من الخرطوم الواصل بين غطاء التاكيهات و العمه وبيصل لغرفة الحريق.
والمفروض ان مع الوقت ممكن البخار ده يتراكم على البوجيه من جوه وينشف بفعل الحرارة داخل غرفة الإحتراق
ومع تسريب الرشاش اثناء توقف السيارة ممكن البنزين يزيب الزيت الجاف الموجود على سن البوجيه وبالتالى يظهر اثار زيت سائل .
لا هو الزيت مابيشفش ( ياينحرق ....يايفضل منه آثار على البوجيه ).....................................اقتباس:
المفروض ان فيه بخار زيت بيدخل مع الهواء ال داخل على المنافولد من الخرطوم الواصل بين غطاء التاكيهات و العمه وبيصل لغرفة الحريق.
والمفروض ان مع الوقت ممكن البخار ده يتراكم على البوجيه من جوه وينشف بفعل الحرارة داخل غرفة الإحتراق
ومع تسريب الرشاش اثناء توقف السيارة ممكن البنزين يزيب الزيت الجاف الموجود على سن البوجيه وبالتالى يظهر اثار زيت سائل .
_ وعاوزين نسأل نفسنا (على فرض أن الزيت ده رايح من بخار التنفيس بتاع الكرتير لمانيفولد دخول الهوا ء ).........طيب أشمعنى البوجيه ده ........._ برضه فيه حاجه جات فى تفكيرى ( أحتمال فعلا يكون زى مابتقول ) على أساس أن صباب الحر بتاعه هو اللى فاتح وفتحته بتسمح بهذا....................._ وده فعلا وارد بدليل أن تانى مره لما أنت كشفت ملقيتش عليه زيت .....علشان كانت بلوف أسطوانته قافله المره دى وكان فيه أسطوانه تانيه هى اللى فاتحه ( وأكيد أنت كشفت على ده بس )....._ وعلشان تتأكد برضه أن ده المصدر (مجمع الهواء هو السبب )......................._ أكشف على كل البوجيهات مره تانيه ............__ لو لقيته هو أو واحد تانى عليه زيت ......يبقى تفكيرنا صح ( أن الزيت جاى من خلال خرطوم الفائظ)...........
لو عاوز تغير الرشاشات عندك رشاشات اكسنت او BMW دور هنا هتلاقي مواضيع كتيرة جدا عن الرشاشات
بالنسبة لطريقة قياس استهلاك البنزين مالكش دعوة بالمؤشر اعمل الطريقة دي
فول التنك على الاخر واكتب رقم الكيلومتر اللي على العداد وامشي 200 او300 كم وبعدين فول تاني على الاخر وشوف التفويلة التانية دي خدت كام لتر واقسم ال كم ÷ اللترات
العربيه دى فيها رشاشات و ريح دماغك