استفسار لاهل القاهرة الكرام

**Dr. Elsaadani** · 02-05-2009 07:17 PM

اخيكم من الاسكندرية وعندى مشوار لحى جاردن سيتى وبالتحديد شارع ابراهيم نجيب وحروح سايق انا متعود لاى مشوار للقاهرة يا اما اخذ شارع الهرم حتى اخره او ادخل فتحة من الثلاث فتحات للدائرى اللى قبل شارع الهرم من الصحراوى

ممكن مساعدة ازاى اروح الشارع ده وبالراحة علشان متهش منكم

شكرا مقدما

**Sameh** · 02-05-2009 08:16 PM

أدخل شارع الهرم عادى زى ما إنت متعود ، وتمشى فيه لآخره لحد ما تنزل النفق وتطلع كوبرى الجيزة ، لما تطلع الكوبرى هتلاقى منزلين يمين وشمال ، تنزل الشمال إسمه شارع مراد هتبقا جنينة الحيزانات على شمالك ، هتمشى شوية لحد ما توصل لميدان بتاع تمثال نهضة مصر اللى هو الفلاحة وأبو الهول ، من قدام التمثال تكسر يمين وتطلع كوبرى الجامعة وتمشى على طول لحد ما توصل لكوبرى تانى صغير على فرع صغير من النيل أول لما تعديه تدخل شمال مع الطريق هتلاقى قدامك رصيف فى النص والطريق رايح على طول سواء الفردة اليمين أو الشمال ، خليك فى الشمال وكمل ، كل اللى هيبقى على شمالك ده جاردن سيتى ممكن تدخل من أى شارع شمال وتسأل جوا