سمعت ان في 2 فيرون في مصر
حد يعرف الكلام ده صح ولا لأ
ولو صح في أي معلومات عنهم ؟
يعني بتوع مين أو بيركنوا فين؟
عرض للطباعة
سمعت ان في 2 فيرون في مصر
حد يعرف الكلام ده صح ولا لأ
ولو صح في أي معلومات عنهم ؟
يعني بتوع مين أو بيركنوا فين؟
يا نهار اسود انت عارف العربيه الواحد بكام 1000000 دولار
مليون دولار
والموتور الاول 12 سيلندر
والثانى 6+6+6= 18 سيلندر والسرعه القصوى 410 كم/ساعه
http://www.postimage.org/PqROW1A.jpg
على فكرة هي 16 سلندر بس مش 18 و 1001 حصان
ومليون يورو يعني 1.2 مليون دولار تقريبا
مستحيل ما عتقدش خالص لان حاجة زي ديه الاعلام مكانش هيسيبها
السؤال المفروض يكون صاحبها هيعمل بيها اية ؟
يمكن هيعمل طرق مخصوص بقى علشان يعرف يمشى بيها ؟
ولا يستنضف واحد بتاع عفشة يعليلة العربية شوية :p
انا سمعت الموضوع ده من فتره بس مشوفتش حاجه
بس اعتقد انه ممكن يحصل
في عندنا فراري و لامبورجيني ملاكي و اودي r8
ممكن تيجي عندنا برضوا
بيتهيألى خبر مش مظبوط
ولو الخبر صحيح بقول لصاحبها
حرااااااااااااااااااااااا ااااااااااااام عليك تمشى بيها فى مصر والشوارع اللى عندنا
حراام يبيهداها وشوف كمان هياخد كام مليون عين
دى بتجيب من 0 ل 100 فى 3 ثوانى !!!!!
ربك لما يريد
تيجي ماتجيش ليه؟؟؟؟؟
بس يبقي يقابلني لو مشي بيها كيلو علي بعض...
هيجيبلها بنزين منين ديه هتكركر مع ال95 بتاعنا
وموتورها 1001 حصان حترخص السنة بكام ؟؟؟؟
البوجاتى فيرون عمرك ماهتلاثقيها فى مصر ودة اعتقاد مش اكيد
لانها ماتنفعش تبقى فى المحروسة بسبب الطرق وكمان البنزين
الى عمرها ما هتلاقى ليها بنزين خالص دى عايزة بنزين 99
ثانيا لو جت مصر هترخم علينا فى السحب وكدة وساعتها هروح انتحر لو حد سابقنى
خليه يدفع فيها وبعدين يتذل وهو راكنها
لانه مش حيعرف يمشي فيها في مصر الا لو جابلها عربيه تشيلها وتمشي هي بدالها
انا معتقدش بصراحة .. لسببين
الاول ان العربية دي بحوالي 8 مليون مصري وعشان تدخل مصر بعد الجمارك والضرايب هتدخل في 30 مليون .. ولو ان احنا عندنا ناس فاضية وثرواتهم معدية بس 30 في عربية مش هيعرف يمشي بيها اصلا تبقي صعب
الثاني .. العربية دي غير صالحة بأي حال من الاحول انها تمشي في شوارعنا.
غير كدا ان سمعت ان الشركة هتصنع بس 300 عربية وفاضل منهم 146 بردو والله اعلم .. يعني لو جه منهم حاجة في مصر الدنيا هتتقلب..
دا غير ان انا اعتقد ان لو حد نزلها في مصر غالبا هيكون ميشيل احد المغرم بالسيارات ودا معملهاش لحد دلوقتي
شركة بوجاتى لو عايزة تعرف ايه هى عيوب السيارة تجيبها عندنا هنا مصر وهى تعرف فيها كام عيب فاتهم ..
فى واحد فى الأسكندرية اسمة ميشيل أحود دا بتاع مصنع لمبات
معاة لامبرجينى ديابو شوفتها قبل كدة فى الجراج
يا جماعه ان كان فيه مصري دفع 9 مليون دولار في فرح هيفاء وهبي
9 مليون دولار علشان ليله
الموضوع مش صعب
يا راجل يدفع اه 9 مليون دولار في هيفا .. لكن عربية ... يعني بزمتك العربية والا هيفا ...هههههه
الا لو هيفا هي اللي عايزة العربية دي..
اصل الله هيجبها هيجبها منظرة لأن شوارعنا متستحملهاش العربية دي.. واللي بيتمنظر هيتمنظر علي مين ؟؟ اكيد انثي مش راجل
بوجاتي لو فعلاا عايزة تنزل عربية لشوارع المصرية .. يبقي تنزل عربية بوجاتي بولدوزر..(متخصصة في المطبات والحفر)
في عندنا فراري و لامبورجيني ملاكي و اودي r8
ومازاريتى صالون 4باب رايتها فى ش صلاح سالم الخميس الماضى
هذا غير البورش الجيب التى موجودة فى البلد بصورة بشعه جدا
انا شوفت بوجاتي فيرون في الاسكندرية امام نادي سموحة من حوالي 5 سنين و كان لونها كلها فضي و من صغرها و شكلها العجيب من الخلف افتكرت ان ضهرها دة الوش و انها ماشية بضهرها :), كان معايا واحد من الاسكندرية قالي دة ميشيل احود.
ازاي يا باشا من خمس سنين والعربية أول ظهور لها سنة 2005 ؟؟
بالبوجاتي استحالة تنزل مصر لسبب واحد .. مش الفلوس أو المطبات لأن فيه طرق نضيفة بردوا في مصر
من كام سنة كنت شفت في بورسعيد عربية كورفيت واطية جدا ً ... بس المطبات هناك ساعتها كانت كلها حديد ... يعني واطية بردوا ... فصاحبها كان بيلف في
الشارع ده بس ومش بيطلع براه
لكن العائق الوحيد هو البنزين ... أكيد العربية دي عايزة Jet Fuel ... يعني الراجل لما يحب يمون يروح مصر للطيران :ma(30):
انا شوفتها من 5 سنين او يمكن اكتر, سيرش علي الانترنت هتلاقلي البوجاتي فيرون نفس الشكل من 2001 تقريبا ,
ربنا قادر على كل شئ
لية لا بعد 2019 ان شاء الله هتبقي متوفرة
في محلات هدايا ولعب الاطفال
الفيرون انتج منها في العالم 140 سيارة بس
كلها للمشاهير و الناس المهمة اوي
معتقدش اني في واحد في مصر هنا مهم لدرجة انو يصنعولوا التحفة دي مخصوص
سلام
ياجماعة صعب اوى تلاقوا بوجاتى فيرون انا فية واحد عندنا فى المنطقة جايب فيرارى f430 مش عارف يمشى بيها الا فى شارع التحرير بس وبيروح قصر النيل وبيرجع تانى العربية بتحك فى اقل حاجة مرتفعة عن سطح الارض وكمان عندنا لمبورجينى مورسيلاجو وجالاردو فى المعرض وكان لونهم ابيض بس شكلهم تحفة وبردة واطيين جدا فتخيل بقى البوجاتى وبعدين ياباشا هنا الطرق مقفولة مش هتخلى العربية تجرى براحتها
وبعدين ياجماعة انا دلوقتى بشوف عربيات كتير زى المازيراتى كواترو بورتى ,بورش كاريرا ,بورش 911 تربو بشوفها كتير قوى ,z4 موجودة فى شارع النيل ,مايباخ,ورولز رويس ,كورفيت وكان بيجرب سحبها فى شارع الجزيرة بعد كوبرى قصر النيل بس مش عارف حسيت انها مش قد كدة على 612 حصان بس اكيد فية عوامل كتير جدا عشان العربيات دية تعرف تجرى بحرية.وياما هانشوف
لا الطرق و لا البنزين و لا الناس
دة احنا العربية لة عديت كل دة و معارك الطريق لما بتركنها
يأما سور يقع عليها زي الي لسة و اقع قدام عمارتي فارم 6 عربيات بس الحمد لله ماكنتش منهم
او واحد بيتسلي بمفتاح يرسملك عليها
و العين بقة يا سلالالامممم اهي دي بقة مدمرة اكتر من اي حاجة في دول
و الي يجيبها بقي ربنا يكون في عونة
انا شفت صورة لبوجاتى فيرون ملاكى ، بس مش فاكر الحقيقة فين ، كانت صور فى موضوع من مواضيع صور السيارات الفارهة فى مصر.